Árið senn á enda er
Bjarkey Olsen Gunnarsdóttir þingmaður VG og formaður fjárlaganefndar
Nú þegar hillir undir að árið renni sitt skeið er gott að setjast niður og líta um öxl, skoða það sem vel hefur farið á árinu og það sem hefur áunnist í stóru og smáu.
Ég er svo lánsöm að í starfi mínu sem þingmaður fæ ég að kynnast fjölbreyttum verkefnum, vera í góðum tengslum við kjósendur og fólk í mínu kjördæmi. Það er alltaf ánægjulegt að ferðast um kjördæmið, kynnast nýju fólki og viðhalda góðum tengslum. Á ferðum mínum heyri ég að öll erum við samróma um það að vilja það besta fyrir okkar samfélag.
Í starfi mínu á árinu sem þingmaður og formaður fjárlaganefndar eru mörg mál sem standa upp úr og bara til að stikla á stóru langar mig til að nefna nokkur mál sem ég tel vera til mikilla bóta fyrir okkur öll.
Viðspyrna hagkerfisins hefur verið góð frá því að draga tók úr áhrifum heimsfaraldurs kórónuveiru og horfurnar á næsta ári góðar. Fjárlögin sem við afgreiddum nú á þinginu í desember styðja svo um munar við fólk og mikilvæga innviði á komandi ári. Frá árinu 2020 nemur aukning til heilbrigðismála 53 milljörðum að raungildi og til sjúkrahúsþjónustu um 4,5 milljörðum að raunvirði frá núgildandi fjárlögum. Þessir miklu fjármunir eru til að styrkja rekstrargrunn heilbrigðisstofnananna og halda áfram að efla heilsugæsluna sem fyrsta viðkomustað. Ég tel þó afar mikilvægt að fylgjast vel með þróun útgjalda heilbrigðisstofnanna á landsbyggðunum og bregðast við ef þörf reynist við gerð fjármálaáætlunar. Eitt af því mikilvæga sem fjármagnað er í þessum fjárlögum er tvöföldun frítekjumarks öryrkja og framlög til að fjölga NPA-samningum sem lengi hefur verið kallað eftir. Lögreglan, Landhelgisgæslan, fangelsismálin, ríkissaksóknari og héraðssaksóknari fengu sömuleiðis miklar og tímabærar auknar fjárheimildir.
Sóknaráætlanir eru styrktar sem og atvinnuráðgjafar landshlutanna sem er afar mikilvægt.
Mig langar líka að draga fram stuðning við hin ýmsu söfn og önnur menningarmál sem skiptir miklu máli fyrir slíka starfsemi. Menningarhúsið Sigurhæðir, Flugsafnið, Pálshús í Ólafsfirði, Þjóðlagasetrið á Siglufirði, Heimskautsgerðið á Raufarhöfn, Hollvinafélag Kvíabekkjarkirkju, MAK, Hraun í Öxnadal svo eitthvað sé nefnt.
Samtök náttúrustofa fá áfram viðbótarframlag og að auki er starfsmaður tryggður á Bakkafirði sem kemur til með að heyra undir Náttúrustofu Norðurlands. Hulda náttúrusetur í Mývatnssveit fær framlag til að byggja upp starfsemina.Áframhaldandi stuðningur er við Stofnun Vilhjálms Stefánssonar og við Háskólann á Akureyri til að styðja við hlutverk hans sem miðstöðvar Íslands í málefnum norðurslóða.
Starf Persónuverndar á Húsavík er fjármagnað sem og starfstöð sýslumanns á Þórshöfn. Allt er þetta mikilvægt til að tryggja fjölbreytni í lífi og starfi í hinum dreifðu byggðum.
Kórónuveiran og stríð
Það sem stendur ef til vill upp úr hjá mörgum okkar á þessu ári er að hafa með mikilli gleði getað kvatt kórónuveiruna og þær takmarkanir sem henni fylgdu. Það var að sama skapi ánægjulegt að sjá hversu mikill samhugur ríkti meðal ríkisstjórnarinnar um aðgerðir henni tengdar og hversu góð samvinna var við heilbrigðisyfirvöld og landsmenn alla í gegnum þessa erfiðu og fordæmalausu tíma.
Ekki voru þó allar stórfréttir ársins ánægjulegar og fréttir af ólöglegri innrás Rússa í Úkraínu þar sem enn stendur yfir styrjöld sem kostað hefur mörg mannslíf, hungur og vanlíðan, höfðu djúpstæð áhrif á mig eins og aðra. Ég óska þess innilega nú í aðdraganda hátíðar ljóss og friðar að finna megi flöt á friðarumleitunum og að íbúar Úkraínu sem margir hverjir verða fjarri sínum nánustu nú um hátíðarnar haldi í von um frið og að sú von rætist.
Kæru lesendur mér þykir við hæfi að ljúka þessum pistli mínum um árið sem er að líða og því sem við mun taka með þessu fallega kvæði eftir Guðrúnu Jóhannesdóttur:
Hamingjan gefi þér gleðileg jól,
Gleðji og vermi þig miðsvetrarsól.
Brosi þér himininn heiður og blár,
Og hlýlegt verði hið komandi ár.
Bjarkey Olsen Gunnarsdóttir
þingmaður VG og formaður fjárlaganefndar
Nýjast
-
Mikil aukning á hótunum og beitingu á ofbeldi gagnvart lögreglu á Norðurlandi eystra.
,,Það er ljóst að það að hér er um grafalvarlega stöðu að ræða. Svar dómsmálaráðherra við fyrirspurninni sýnir okkur að þróunin á starfssvæði lögreglustjórans á Norðurlandi eystra er með þeim hætti að það er nauðsynlegt að bregðast við. Það er mikilvægt að greina þessa stöðu. Hver er ástæðan fyrir þessari miklu fjölgun á brotum gegn lögreglumönnum og opinberum starfsmönnum á þessu landsvæði það er Norðurlandi eystra“ segir Njáll Trausti Friðbertsson þingmaður og oddviti Sjálfstæðisflokksins í Norðausturkjördæmi. -
Boðskapur frá forsetaframbjóðanda
Það hafa kannski margir klórað sér í hausnum yfir þátttöku minni í forsetakosningunum þar sem ég stíg nú eins og landkönnuður á nýjum slóðum og tek með mér ný og fersk sjónarhorn, smá húmor og djúpstæða trú á mátt hins ómögulega. Ég er eflaust ekki hinn hefðbundni frambjóðandi en ég er án efa ferskur blær inn í flokk frambjóðenda og það er einmitt það sem gerir þetta stóra verkefni svo skemmtilegt og hvetjandi. -
Líf að færast í Holtahverfi
Líf er að færast í nýtt Holtahverfi norður, svæði á milli Krossanesbrautar og smábátahafnar í Sandgerðisbót. Húsin rísa hvert á fætur öðru og fyrstu íbúarnir hafa komið sér fyrir í nýjum íbúðum. Enn er eitthvað eftir af lóðum og er Akureyrarbær um þessar mundir að auglýsa par- og raðhúsalóðir lausar til úthlutunar, en m.a. eru nokkrar lóðir lausar við Álfaholt, Hulduholt og Þursaholt. -
Frú Ragnheiður - Færri í nálaskiptaþjónustu en fleiri komu í bílinn
Fjöldi einstaklinga sem leitaði til Frú Ragnheiðar árið 2023 var 51 í 584 heimsóknum en árið 2022 voru einstaklingarnir 46 í 412 heimsóknum. Af þessum fjölda voru 10 viðbragðsaðilar og einstaklingar sem leituðu til verkefnisins til að fá Nyxoid nefúðann. Ekki er því um fjölgun skjólstæðinga í nálaskiptaþjónustu að ræða en þeim fækkaði um fimm milli ára, úr 46 í 41. -
Götuhornið - Gamlingi á villigötum
Mig hefur lengi langað til að senda bréf til Götuhornsins. Mér hefur legið ýmislegt á hjarta og fannst það eiga fullt erindi til lesenda. Þetta hefur þó ekki getað orðið fyrr en nú vegna vandræða sem ég lenti í og þurfti að greiða úr. -
Fyrsta alþjóðlega hótelið á landsbyggðinni mun opna á Akureyri árið 2025
Fyrirhugað er að fyrsta alþjóðlega hótelið á landsbyggðinni mun opna á Akureyri 2025 undir merkjum Curio Collection by Hilton. Framkvæmdin verður í samvinnu við Bohemian Hotels. „Bohemian Hotels ehf., í samstarfi við Hilton, tilkynnir með stolti undirritun tímamótasamnings um byggingu og rekstur tveggja hágæða hótela á Íslandi. Þessir samningar marka ákveðin tímamót í hótelgeiranum á Íslandi og færa Akureyri gistingu og þægindi á heimsmælikvarða til jafns við Reykjavík" segir i tilkynningu frá Bohemian Hotels. -
Kuldatíð seinkar vorverkum
Talsverðar líkur er á að kal verði í túnum í Svarfaðardal en sennilega sleppa önnur svæði í héraðinu betur þó ekki sé það fullvíst. Kuldatíð seinkar vorverkum bænda og gæti í versta falli orðið til þess að spretta fari seinna af stað en vanalega, snjór er yfir öllum túnum og því ekki hægt að bera á. -
Goblin opnar á Glerártorgi
„Eins leitt og okkur þykir að yfirgefa fallega miðbæinn okkar, erum við afar spennt fyrir þessum flutningum og hlökkum til að bjóða viðskiptavini okkar velkomna á Glerártorgi,“ segja þau Þorsteinn Marinósson og Ásta Hrönn sem eiga Goblin. Starfsemin hefur verið við Brekkugötu undanfarin ár en flyst nú í rýmra húsnæði á Glerártorgi. -
Lystigarðurinn - Kostar meira að pissa
Gjald fyrir afnot af salernisaðstöðu í Lystigarðinum á Akureyri hækkar 1. maí næstkomandi, út 150 krónum eins og áður var í 300 krónur. Gjaldið verður endurskoðað við gerð gjaldskrár Umhverfis- og mannvirkjaráðs Akureyrarbæjar árlega.
Athugasemdir