Árangurinn með nýtt sorphirðukerfi framar björtustu vonum
Þetta gengur ljómandi vel og við erum ánægð með árangurinn sem er umtalsverður, segir Helgi Pálsson rekstrarstjóri Gámaþjónustu Norðurlands, en tæpt ár er liðið frá því tekið var upp nýtt sorphirðukerfi á Akureyri m.a. með því að koma fyrir um 7.000 flokkunartunnum við hvert heimili í bænum.
Frá því nýtt kerfi var tekið upp fer um helmingi minna heimilissorp til urðunar miðað við það sem áður var, en að jafnaði voru um 200 tonn af heimilissorpi urðuð á sorphaugunum á Glerárdal í hverjum mánuði. Nú eru um 100 tonn af úrgangi flutt á nýjan urðunarstað á Stekkjarbakka skammt frá Blönduósi. Farið er með tæplega 30% af heimilissorpi til endurvinnslu á grenndarstöðvar og um 27% af heimilisúrgangi er lífrænn úrgangur sem fer til vinnslu í Moltu.
Við erum ánægð með þennan árangur og hann hefur farið fram úr okkar björtustu vonum. Það fer mun minna af sorpi til urðunar en áður og ég veit að sveitarfélög víða um land horfa til okkar og þess góða árangurs sem hér er í flokkun sorps, segir Helgi.
Alls eru 13 grenndarstöðvar í bænum þar sem fólk getur losað sig við endurvinnanlegt sorp af ýmsu tagi og segir Helgi að þær séu mismikið notaðar, sumar mjög mikið aðrar minna og ef til vill verði einhverjar tilfærslur gerðar í því ljósi, en ákvarðanir liggi þó ekki fyrir þar um. Íbúar á Akureyri eiga hrós skilið hversu vel þeir hafa tekið þessu nýja kerfi og eins þeir stjórnmálamenn sem stóðu fyrir því að nýtt kerfi var innleitt í þessum málaflokki, segir Helgi.
Nýjast
-
Hátíðarhöldin 1. maí á Húsavík
Stéttarfélögin standa fyrir hátíðarhöldum 1. maí á Fosshótel Húsavík. Hátíðin hefst kl. 14:00. Boðið verður upp á veglegt kaffihlaðborð, hátíðarræður, auk þess sem heimamenn í bland við góða gesti munu sjá um að skemmta gestum með hreint út sagt mögnuðum tónlistaratriðum. -
Annars konar upplifun í Bandaríkjunum en átti von á
„Mín upplifun varð önnur en ég gerði fyrir fram ráð fyrir. Þetta var dálítið einkennileg upplifun,“ segir Rachael Lorna Johnstone lagaprófessor við Háskólann á Akureyri. Hún flytur erindi í stofu M-101 í Háskólanum á Akureyri föstudaginn 2. maí þar sem hún segir frá dvöl sinni í Bandaríkjunum undanfarna mánuði. -
Tæplega 63 þúsund manns renndu sér á skíðum eða bretti í Hlíðarfjalli í vetur.
Skíðavertíðinni í Hlíðarfjalli lauk um liðna helgi og eins og vant er voru það keppendur á Andrésar Andar leikunum sem slógu loka tóninn. -
1 mai dagskrá á Akureyri og Fjallabyggð
Alþjóðlegur baráttudagur launafólks verður haldinn hátíðlegur með dagskrá á Akureyri og í Fjallabyggð fimmtudaginn 1. maí. -
Göngugatan lokuð frá og með morgundeginum
Bæjarstjórn samþykkti 18. mars sl. að sá hluti Hafnarstrætis sem gengur jafnan undir heitinu „göngugatan“ verði lokaður frá 1. maí til 30. september eða í fimm mánuði. Þetta er umtalsvert lengri lokun en var síðasta sumar en þá var lokað í þrjá mánuði frá 3. júní til ágústloka. -
Guðmundur Ármann opnar sýningu laugardaginn 3. til 31. maí í Bergi, menningarhúsi Dalvíkinga
Á sýningunni, sem ber yfirskriftina Yrkja II, verða um 19 málverk máluð á árunum 2021 til 2025. Einnig nokkrar teikningar. Þessi sýning er í beinu framhaldi af sýningu minni á Bergi 2022 um sama yrkisefni. -
Bernskuheimilið mitt eftir Ólöfu Sigurðardóttur frá Hlöðum
Flóra Menningarhús í Sigurhæðum á Akureyri hefur hafið söfnun á Karolina Fund fyrir útgáfu á bókinni Bernskuheimilið mitt eftir Ólöfu Sigurðardóttur frá Hlöðum (1857-1933). Árið 1906 fékk Ólöf birta grein í tímaritinu Eimreiðinni undir heitinu Bernskuheimilið mitt sem telst vera fyrsti sjálfsævisögulegi þáttur íslenskrar konu. Greinin vakti á sínum tíma mikla athygli. Það að kona fjalli opinberlega og opinskátt um líf sitt og fjölskyldu sinnar má kalla uppreisn á þessum tíma "þegar konur áttu að standa vörð um heiður fjölskyldunnar, meðal annars með þagmælsku um eigin hagi og með því að þegja alltaf um það sem fór úrskeiðis" (Raghneiður Richter, Íslenskar konur-ævisögur, s. 11). Verkið hefur aldrei verið gefið út á bók en nú verður bætt úr því. Hægt er að styðja verkefnið og kaupa bækur í forsölu hér: https://www.karolinafund.com/project/view/6459 -
Metfjölda notaðra snjalltækja skilað inn hjá Elko
Með tilliti til sjálfbærni var árið 2024 sögulegt fyrir ELKO – sérstaklega á Akureyri þar sem viðskiptavinir skiluðu inn og keyptu alls 400 notuð snjalltæki. Þetta gerir árið að metári í viðskiptum með notuð raftæki í versluninni þar í bæ. -
Kostuleg klassík með Sinfóníuhljómsveit Westmont-háskóla í Kaliforníu
Sinfóníuhljómsveit Westmont-háskóla í Kaliforníu er væntanleg til landsins á vormánuðum. Hún leikur á þrennum tónleikum í maí. Aðgangur er ókeypis á þá alla en sækja þarf miða á tix.is:
