Allir þátttakendur í forvali fá að taka þátt í útboði
Kristín segir að útboðsgögn verði ekki send út fyrr en framkvæmdaleyfi hafa verið gefin út af hálfu Svalbarðsstrandarhrepps og Þingeyjarsveitar. Hún segir að viðræður við fjármálaráðuneytið um fjármögnum séu á frumstigi og þá hafa verið í gangi samningaviðræður við landeigendur austan og vestan megin Vaðlaheiðar. Vegagerðin hefur sent erindi til sveitarstjórna Svalbarðsstrandarhrepps og Þingeyjarsveitar og óskað eftir framkvæmdaleyfi og á báðum stöðum er verið að fara yfir málin þessa dagana. Jafnframt hefur sveitarstjórn Svalbarðsstrandarhrepps borist erindi frá landeigendum í Halllandi þar sem þess er farið á leit að framkvæmdaleyfi verði ekki gefið út fyrr en samningar hafa náðst milli framkvæmdaraðila og landeigenda um greiðslur fyrir land og afnot af landi, eða leyfið bundið skilyrðum þar að lútandi.
Jón Hrói Finnsson sveitarstjóri Svalbarðsstrandarhrepps segir að verið sé að vinna drög að framkvæmdaleyfi og afla gagna og upplýsinga varðandi málið frá málsaðilum svo hægt sé að taka endanlega afstöðu til erindanna tveggja. "Það liggur ekki fyrir hvenær búast má við endanlegri afgreiðslu, en við stefnum að aukafundi í sveitarstjórn þegar fengist hafa svör við spurningum um lögfræðileg álitamál," segir Jón Hrói.
Tryggvi Harðarson sveitarstjóri Þingeyjarsveitar segir að erindi Vegagerðarinnar fari fyrir skipulagsnefnd áður en það verður tekið fyrir á fundi sveitarstjórnar eftir viku. Unnin hafi verið drög að framkvæmdaleyfi og hann segist ekki sjá að það sé nokkuð til fyrirstöðu varðandi leyfið. "Vonandi verður hægt að fara sprengja sem fyrst, það er alveg komi tími á það," sagði Tryggvi.
Kristín segir að enn sé stefnt að því að hefja framkvæmdir í lok ársins eða byrjun ársins 2012 en það fari allt eftir því hvenær útboðgögn geta farið út, hvernig gengur með samninga við fjármálaráðuneytið, verktaka, landeigendur og fleiri aðila. Í tengslum við gerð Vaðlaheiðarganga þarf að byggja bráðarbirgðabrú yfir þjóðveginn hjá Hallandsnesi vegna efnisflutninga frá gangnagerðinni undir veginn. Kristín segir að bráðabirgðabrúin verði líklega boðin út í haust en útboðið sé háð því sama og framkvæmdir við jarðgöngin og því engar tímasetningar ákveðnar. Rætt hefur verið um að nýta efnið úr göngunum á flugvallarsvæðinu á Akureyri. Kristín segir að viðræður hafi átt sér stað við ISAVIA en að ekkert sé frágengið með það ennþá.
Íslensku fyrirtækin sem þátt tóku í forvalinu eru Ístak og Norðurverk en á bak við Norðurverk eru sex fyrirtæki í Eyjafirði; Árni Helgason ehf., SS Byggir ehf., Skútaberg ehf, GV Gröfur ehf, Rafeyri ehf. og Norðurbik ehf. Hin fjögur eru samvinnuverkefni erlendra og íslenskra fyrirtækja.
Nýjast
-
Umgengni afleit og ásýnd verulegt lýti í umhverfinu
„Það er búið að ganga frá deiliskipulagi og framkvæmdaleyfi vegna geymslusvæðis liggur sömuleiðis fyrir. Því ætti ekkert að vera því að vanbúnaði hefja framkvæmdir við geymslusvæði og flytja þá hluti sem hafa varðveislugildi inn á svæðið í framhaldi af því,“ segir Leifur Þorkelsson framkvæmdastjóri Heilbrigðiseftirlits Norðurlands um ástand mála hjá fyrirtækinu Skútabergi á Moldhaugnahálsi. -
Átt þú heima í Giljahverfi? Hvað finnst þér um hverfið?
Akureyrarbær boðar til hverfisfundar í Giljaskóla með íbúum hverfisins, bæjarstjóra og bæjarfulltrúum kl. 17 fimmtudaginn 8. maí. Endilega takið daginn frá og látið í ljós skoðanir ykkar um hverfið. -
Kattafláning og kirkjuganga.
Það hendir mig stundum í hugsunarleysi að fara að hugsa um eitthvað sem dettur upp í hugann. Og þetta henti einmitt í dag. -
Að leggja grunninn að framtíðinni Upplifun úr nútímafræði
Í ár eru 20 ár síðan fyrsti árgangurinn útskrifaðist úr nútímafræði frá Háskólanum á Akureyri. Í tilefni þess var rætt við Ragnheiði Jónu Ingimarsdóttur sem var í þeim útskriftarárgangi. Hún sá tækifæri sem fólust í að vera hluti af fyrsta hópnum sem stundaði þetta áhugaverða nám. -
Fjölmörg verkefni fram undan að takast á við
„Það er mikið verk að vinna og fjölmörg verkefni fram undan sem takast þar á við,“ segir Björn Snæbjörnsson sem kjörinn var formaður Landssambands eldri borgara á landsfundi þess sem haldinn var í Reykjanesbæ. Helgi Pétursson lauk fjórða ári sínu í formannsstóli en formaður situr mest í fjögur ár. Björn var sá eini sem bauð sig fram og því sjálfkjörinn í embætti. -
Þakklátur fyrir heiðurinn og er mjög gíraður
„Ég er virkilega þakklátur fyrir þennan heiður og ætli ég orðið það ekki sem svo; mjög gíraður,“ segir Egill Logi Jónasson nýr bæjarlistamaður á Akureyri. Egill er framsækinn myndlistar- og tónlistarmaður segir í umsögn frá Akureyrarbæ, „sem hefur vakið athygli fyrir frumleg verk og ögrandi sýningar.“ Egill Logi gegnir lykilhlutverki í starfsemi Listagilsins og rekur m.a. tvær vinnustofur í húsnæði Kaktus, fyrir myndlist annars vegar og tónlist hins vegar. Hann hefur verið iðinn við að skapa vettvang fyrir unga og óháða listamenn, m.a. í gegnum tónlistarhátíðina Mysing. -
Tveir fengu gullmerki Einingar-Iðju
Tveir félagar i Einingu-Iðju voru sæmdir gullmerki félagsins á aðalfundi nýverið, þau Gunnar Berg Haraldsson og Laufey Bragadóttir. -
Fiðringur á Norðurlandi fer fram í Hofi í fjórða sinn
Fiðringur fer fram í Menningarhúsinu Hofi næsta miðvikudag, 7. maí og er þetta í fjórða sinn sem keppnin er haldin. Í ár munu tíu skólar af Norðurlandi mætast. Grunnskóli Húnaþings vestra tekur þátt í fyrsta sinn og vonandi taka fleiri skólar frá Norðurlandi vestra þátt á næsta ári því markmiðið er að sinna öllu Norðurlandi frá Borðeyri til Bakkafjarðar! -
,,Ég kveð sátt og held glöð út í lífið"
Þórunn Ingólfsdóttir hefur starfað hjá fyrirtækjum við Fiskitanga á Akureyri stærstan hluta starfsævinnar, lengst af hjá Útgerðarfélagi Akureyringa og Samherja. Hún lét af störfum í fiskvinnsluhúsi ÚA um mánaðamótin og segist kveðja afskaplega sátt. Nú taki við nýr kafli í lífinu.
