Allir landsfjórðungar riðnir til heiðurs Landvættunum
Ferðaþjónusta hestamannsins í Saltvík, rétt utan Húsavíkur. Myndir/Aðsendar
Bjarni Páll Vilhjálmsson rekur ásamt fjölskyldu sinni ferðaþjónustufyrirtæki að Saltvík rétt sunnan Húsavíkur sem sérhæfir sig í hestaferðum með hópa, lengri hestaferðirnar taka um og yfir 30 daga og hafa heldur betur slegið í gegn. Blaðamaður Vikublaðsins ræddi við Bjarna Pál fyrir skemmstu en nú hefur Saltvíkurbóndinn kynnt nýja langferð sem nefnd er eftir Landvættunum, íslensku.
Bjarni Páll segir að kjarninn í starfsemi Saltvíkur hestaferða sé einmitt þessar lengri hestaferðir sem hann hefur verið að bjóða upp á. „Svo erum við með dagstúra líka og gistiheimili,“ bætir hann við.
Þessar löngu hestaferðir eru markaðsettar undir nafninu „Dream Tour“ eða drauma ferðin. Í ár er boðið upp á fjóra leggi og hefst ferðin 24. júlí en síðasta leggnum líkur 30. ágúst, þar sem m.a. er riðið um Flateyjardal og Sprengisand. Þetta er fjórða sumarið sem boðið er upp á þessar löngu ævintýraferðir með íslenska hestinum. Og Bjarni segir að vinsældirnar hafi aldrei verið meiri.
Stóra draumaferðin
Nú hyggst Bjarni Páll bæta enn í og hefur markaðsett draumaferð sem farin er á fjórum árum og einn landsfjórðungur tekinn fyrir á hverju ári.
„Þetta er fjögurra ára verkefni. Við höfum náttúrlega verið að skapa okkur sérstöðu í mjög löngum og krefjandi ferðum,“ segir Bjarni og bætir við að innblásturinn komi frá myndlist vinar síns og skólabróður, Gunnari Júlíussyni. „Þessi hugmynd kemur til þannig að ég sé málverk eftir skólabróður minn af Landvættunum og fannst því liggja beinast við að gera svona túra og taka fyrir einn landsfjórðung á hverju ári og hafa þá Landvættina sem ramma í kringum þetta,“ útskýrir hann og bætir við að sögurnar í kringum Landvættina séu það skemmtilegar að það verði að gera sögunni góð skil.
„Já, ég mun gera soltið mikið úr því og vera með skemmtilegar sögur í kringum þetta og kynna Íslendingasögurnar fyrir ferðamanninum.“
Örninn hefur flugið
Nýjustu draumaferðir Saltvíkur, Landvættirnar hefja göngu sína næsta sumar og er Norðurland fyrst á dagskrá.
„Ég geri ráð fyrir því að það verði mjög margir sem koma næsta sumar þegar við tökum Norðurlandið og verðum rúmlega mánuð á ferðinni. Þetta er svona frá 30-40 dagar hver landsfjórðungur og hver fjórðungur skiptist svo upp í 4-5 leggi,“ segir Bjarni Páll og ekki er laust við að hann sé þegar farinn að hlakka til.
„Þetta nýja ævintýri mun standa yfir næstu 4 árin þar sem við heimsækjum hvern fjórðung Íslands á hverju ári til kynnast landinu í nærmynd, norður, austur, suður og vestur,“ útskýrir Bjarni Páll og segir að áherslan verið á Norðurland sumarið 2025 í ógleymanlegri ferð.
„Riðið er á frábærum slóðum frá norðurströndinni til hærri slóða hins mikla norðurhálendis. Við munum fylgja sögulegum slóðum meðfram strandlengjum og ám, dölum og víðernum. Við munum heimsækja stórkostlega staði og segja sögur af fortíðinni,“ segir Bjarni Páll og bætir við að hann sé þess full viss að Örn norðursins muni vaka yfir ferðalöngunum á ferð sinni.
Metaðsókn í sumar
Þá segir Bjarni Páll að sumarvertíðin líti ótrúlega vel út í ár enda metaðsókn.
„Þetta lítur mjög vel út, það er svona 25% aukning hjá okkur, met sumar þetta árið þannig að maður er ekkert að kvarta,“ segir Bjarni Páll en megin þorri viðskiptavina hans eru erlendir ferðamenn eða um 90%.
Aðspurður segir hann að samsetning þjóðerna sé mjög blönduð. Fólk sé að koma mikið frá Skandinavíu, Miðevrópu en einnig komi mikið af Bandaríkjamönnum, eða 20-30 prósent. Og bókunarstaðna hafi aldrei verið betri.
„Það hefur ekki komið ein einasta afbókun. Þetta virðist vera mjög vinsælt,“ segir Bjarni Páll en stóru hestaferðirnar eru þær sem eru markaðsettar mest og vekja athygli. „Það er líka markmiðið að gera meira en bara hestaferð frá A-B Við fáum mikið af fyrirspurnum vegna þessara stóru ferða sem fá mikinn fókus. Þá kemur oft í ljós að það hentar ekki fólki að fara í svona langa og krefjandi ferð en þá bjóðum við bara upp á eitthvað einfaldara fyrir þá,“ segir Bjarni Páll.
Í Saltvík er einnig rekið gistiheimili en Bjarni Páll segir að hóparnir sem komi í hestaferðir gisti flestir í Saltvík, sérstaklega í minni ferðunum.
„Meira og minna þegar við erum með ferðir á heimaslóðum, þá gista hóparnir hjá okkur. Við höfum verið mikið með svona þriggja daga ferðir sem eru frá Saltvík, skoðunarferðir til Goðafoss og farið í Sjóböðin og slíkt. Það er búið að vera mjög vinsælt, síðan í febrúar er ég búinn að vera með einhverja átta hópa í þessu,“ segir Bjarni Páll að lokum.
Nýjast
-
Tvö ný fræðsluskilti í Grímsey
Í vikunni voru sett upp tvö skilti í Grímsey tengd Norðurstrandarleiðinni (e. Arctic Coast Way) sem greina annarsvegar frá eðli heimskautsbauganna og hinsvegar sögu Grímseyjar. -
Mærudagar á Húsavík fagna 30 ára afmæli með mikilli skemmtidagskrá
Í ár fagnar bæjarhátíðin Mærudagar á Húsavík sínu 30. afmæli með fjölbreyttri og spennandi skemmtidagskrá fyrir alla aldurshópa. -
Endurnýjun á dreifilögn í Reykjahverfi
Orkuveita Húsavíkur er í framkvæmdum en verið er að endurnýja dreifilögn hitaveitu á rúmlega 3 km kafla í Reykjahverfi frá Smiðjuteig að Skógum -
Ánægja með gott Listasumar 2024
Mikil og góð stemning var í Listagilinu síðasta laugardag þegar þar var haldið hið svokallaða Karnivala eða lokahátíð Listasumars 2024 -
Grunnskólinn á Raufarhöfn í yfirhalningu
Gengið hefur verið frá samningi við verktaka um að mála húsið -
Andrea Fáfnis Ólafs og Viðar Breiðfjörð með samsýningu á Mærudögum
Andrea Fáfnis Ólafs og Viðar Breiðfjörð halda samsýningu í Hlyn við Garðarsbraut yfir Mærudagana. Listamennirnir eiga bæði ættir og barnæsku að rekja til Húsavíkur. -
Aðalgeir Heiðar Karlsson - Minningarorð
Aðalgeir Heiðar Karlsson fæddist 1.október 1948 á Húsavík. Hann var sonur útgerðarhjónanna Heru Sigurgeirsdóttur f. 22. maí 1916, d. 8. ágúst 1999 og Karls Óskars Aðalsteinssonar, f. 8. maí 1912, d. 24. jan. 1982. Aðalgeir var yngstur fimm systkina sem eru í aldursröð: Sigurbjörg Guðrún, f. 6. feb. 1935, d. 26. maí 2019, Sigrún Ólöf f. 22. jan. 1937, Aðalsteinn Pétur f. 27. okt. 1943, d. 15. júlí 2008 og Óskar Eydal f. 27. nóv. 1944, d. 14. apríl 2017. Karl Óskar Geirsson f. 28. nóv. 1955, sonur Sigrúnar, ólst einnig upp í Höfða og var alltaf eins og einn af systkinunum. Alli var af mikilli sjómannaætt en var mjög lítið á sjó en vann landvinnu. Hann var snöggur til að ráða sig til vinnu þegar Norðurverk hóf störf við gerð Laxárvirkjunar 3 og vann þar fram að verklokum sem bílstjóri á borbíl og sem sprengju sérfræðingur. Við Laxárvirkjun kynnist hann eftirlifandi eiginkonu sinni, Guðnýju Heiðveigu Gestsdóttur, f. 13.júní 1952. Guðný er fædd og uppalin í Múla í Aðaldal, foreldrar hennar voru Heiðveig Sörensdóttir, f. 6.maí 1914, d. 2.mars 2002 og Gestur Kristjánsson, f. 10.nóvember 1906, d. 9.ágúst 1990. Strax vorið eftir þau kynni flutti Aðalgeir í Múla, fór að taka þátt í búskapnum af fullum krafti ásamt því að sinna vinnu við Laxárvirkjun. Aðalgeir og Guðný opinberuðu um páskana 1971 og giftu sig 2. apríl 1972. Þau hófu félagsbúskap ásamt foreldrum Guðnýjar og keyptu síðar af þeim eignir þeirra í Múla eftir að þau hættu búskap árið 1986 og fluttu til Húsavíkur. Aðalgeir og Guðný bjuggu alla tíð í Múla meðan heilsan leyfði. Þau seldu jörðina í sumarið 2021 og fluttu til Akureyrar. Alli og Guðný í Múla voru með fjölmörg börn í sumardvöl í sveit og eins voru þau með fósturbörn bæði til skemmri og lengri tíma. Þrjú af þeim börnum fengu varanlegt aðsetur hjá þeim hjónum í Múla og má svo sannarlega segja að þau hafi dottið í lukkupottinn, Ólafur Svanur Ingimundarson, f. 3.ágúst 1965, Einar Jóhann Sigurðsson, f. 6. ágúst 1983 og Aðalheiður Ágústa Jónsdóttir, f. 2. október 1987. Ólafur Svanur er kvæntur Emmu Gísladóttur, f. 17.maí 1967 og eiga þau tvo syni Gísla Ólaf og Jón Aðalgeir og 6 barnabörn. Einar Jóhann er kvæntur Þórhildi Einarsdóttur, f. 31. ágúst 1983, og eiga þau tvö börn saman Kristján Guðna og Heiðveigu Halldóru. Einar á einnig dóttur úr fyrra sambandi, Lilju Dögg, f. 3.mars 2005. Aðalheiður er gift Sigmundi Birgi Skúlasyni, f. 19.maí 1982 og eiga þau þrjú börn Heiðar Inga, Fannar Atla og Margréti Guðnýju. Aðalgeir lést á hjúkrunarheimilinu Lögmannshlíð 12.júlí s.l. og útför hans fór fram miðvikudaginn 24.júlí kl 14:00 frá Grenjaðarstaðarkirkju í Aðaldal. Elsku afi okkar, við vitum ekki hvernig okkur á að líða, þetta er allt svo skrýtið. -
Þyrla sótti slasaða hjólreiðarmenn í Jökulsárgljúfur
Laust eftir hádegi í dag kom tilkynning til lögreglu og sjúkraflutningamanna á Húsavík um reiðhjólaslys við Jökulsárgljúfur. Þar hafi reiðhjólamaður fallið fram af kletti og þá hafði samferðamaður hans einnig slasast við að reyna að koma honum til aðstoðar -
Mæðgur hafa stjórnað kórum í samanlagt 71 ár
Kynslóðir kórfélaga frá Hóffý og Ástu sameinast og halda saman tónleika í Húsavíkurkirkju
Athugasemdir