Allir aðilar bera nokkra ábyrgð á leka í Þórsstúkunni
Matsmennirnir, Júlíus Sólnes prófessor og byggingarverkfræðingur og Snæbjörn Kristjánsson byggingarverkfræðingur, hafa áætlað kostnað vegna nauðsynlegra aðgerða og endurbóta. Heildarkostnaður við þær aðgerðir sem þeir leggja til er tæplega 15 milljónir króna og tjón verkkaupa er metið rúmlega 11 milljónir króna. Þar til frádráttar ætti að koma „eigin ábyrgð“ verkaupa/eftirlitsmanns sem nemur 9% eða 1,0 milljón króna. Áætlaður kostnaður við að fjarlægja sætisbekki og sætiseiningar og koma þeim fyrir aftur að lokinni viðgerð er um 5,5 milljónir króna.
Kostnaður við yfirborðsmeðhöndlun skáflatar í stúkunni er um 3,2 milljónir króna og kostnaður við viðgerðir innanhúss, spörtlun og málningarvinnu er um 1,3 milljónir króna. Matsmennirnir benda á í skýrslu sinni, að hér sé um grófa og ekki mjög nákvæma deilingu ábyrgðar að ræða, enda sé það frekar dómstóla að skera úr um slíkt ágreiningsefni. Það er Akureyrarbær sem matsbeiðandi en matsþolar eru byggingarfélagið Hyrna ehf., arkitektastofan Kollgáta ehf., og verkfræðistofan Mannvit, starfsstöð á Akureyri.“Í upphafi verks var tekin faglega röng ákvörðun um gerð mannvirkisins. Þegar hún lá fyrir, hefði átt að reyna að takast á við hana og finna tæknilega lausn til að tryggja, að þakplatan héldi vatni í veðri og vindum. Það var ekki gert og má kalla hönnunarmistök. Við framkvæmd verksins var aðhlynningu og eftirmeðhöndlun steypunnar í þakplötunnar að dómi matsmanna ekki sinnt nægilega vel, og eins vakna spurningar um gæði steypunnar, þ.e.a.s með tilliti til vatns-sementshlutfallsins,” segir m.a. í lokaniðurstöðu skýrsluhöfunda. Oddur Helgi Halldórsson formaður stjórnar Fasteigna Akureyrarbæjar segir að næsta skref sé að fara vel yfir matsgerðina og ræða við þá aðila sem að málum koma og ákveða framhaldið í samráði við þá.
Nýjast
-
Umgengni afleit og ásýnd verulegt lýti í umhverfinu
„Það er búið að ganga frá deiliskipulagi og framkvæmdaleyfi vegna geymslusvæðis liggur sömuleiðis fyrir. Því ætti ekkert að vera því að vanbúnaði hefja framkvæmdir við geymslusvæði og flytja þá hluti sem hafa varðveislugildi inn á svæðið í framhaldi af því,“ segir Leifur Þorkelsson framkvæmdastjóri Heilbrigðiseftirlits Norðurlands um ástand mála hjá fyrirtækinu Skútabergi á Moldhaugnahálsi. -
Átt þú heima í Giljahverfi? Hvað finnst þér um hverfið?
Akureyrarbær boðar til hverfisfundar í Giljaskóla með íbúum hverfisins, bæjarstjóra og bæjarfulltrúum kl. 17 fimmtudaginn 8. maí. Endilega takið daginn frá og látið í ljós skoðanir ykkar um hverfið. -
Kattafláning og kirkjuganga.
Það hendir mig stundum í hugsunarleysi að fara að hugsa um eitthvað sem dettur upp í hugann. Og þetta henti einmitt í dag. -
Að leggja grunninn að framtíðinni Upplifun úr nútímafræði
Í ár eru 20 ár síðan fyrsti árgangurinn útskrifaðist úr nútímafræði frá Háskólanum á Akureyri. Í tilefni þess var rætt við Ragnheiði Jónu Ingimarsdóttur sem var í þeim útskriftarárgangi. Hún sá tækifæri sem fólust í að vera hluti af fyrsta hópnum sem stundaði þetta áhugaverða nám. -
Fjölmörg verkefni fram undan að takast á við
„Það er mikið verk að vinna og fjölmörg verkefni fram undan sem takast þar á við,“ segir Björn Snæbjörnsson sem kjörinn var formaður Landssambands eldri borgara á landsfundi þess sem haldinn var í Reykjanesbæ. Helgi Pétursson lauk fjórða ári sínu í formannsstóli en formaður situr mest í fjögur ár. Björn var sá eini sem bauð sig fram og því sjálfkjörinn í embætti. -
Þakklátur fyrir heiðurinn og er mjög gíraður
„Ég er virkilega þakklátur fyrir þennan heiður og ætli ég orðið það ekki sem svo; mjög gíraður,“ segir Egill Logi Jónasson nýr bæjarlistamaður á Akureyri. Egill er framsækinn myndlistar- og tónlistarmaður segir í umsögn frá Akureyrarbæ, „sem hefur vakið athygli fyrir frumleg verk og ögrandi sýningar.“ Egill Logi gegnir lykilhlutverki í starfsemi Listagilsins og rekur m.a. tvær vinnustofur í húsnæði Kaktus, fyrir myndlist annars vegar og tónlist hins vegar. Hann hefur verið iðinn við að skapa vettvang fyrir unga og óháða listamenn, m.a. í gegnum tónlistarhátíðina Mysing. -
Tveir fengu gullmerki Einingar-Iðju
Tveir félagar i Einingu-Iðju voru sæmdir gullmerki félagsins á aðalfundi nýverið, þau Gunnar Berg Haraldsson og Laufey Bragadóttir. -
Fiðringur á Norðurlandi fer fram í Hofi í fjórða sinn
Fiðringur fer fram í Menningarhúsinu Hofi næsta miðvikudag, 7. maí og er þetta í fjórða sinn sem keppnin er haldin. Í ár munu tíu skólar af Norðurlandi mætast. Grunnskóli Húnaþings vestra tekur þátt í fyrsta sinn og vonandi taka fleiri skólar frá Norðurlandi vestra þátt á næsta ári því markmiðið er að sinna öllu Norðurlandi frá Borðeyri til Bakkafjarðar! -
,,Ég kveð sátt og held glöð út í lífið"
Þórunn Ingólfsdóttir hefur starfað hjá fyrirtækjum við Fiskitanga á Akureyri stærstan hluta starfsævinnar, lengst af hjá Útgerðarfélagi Akureyringa og Samherja. Hún lét af störfum í fiskvinnsluhúsi ÚA um mánaðamótin og segist kveðja afskaplega sátt. Nú taki við nýr kafli í lífinu.
