Akureyrskir verktakar óhressir með framkvæmd verðkönnunar
Fjórir verktakar lögðu fram verðtilboð, þrír frá Akureyri og einn úr Skagafirði og átti skagfirski verktakinn lægsta tilboðið en kostnaðaráætlun verksins var upp á rúmar 33 milljónir króna. Verktakar á Akureyri eru mjög ósáttir við hvernig staðið var að verðkönnuninni og þá sérstaklega með að skagfirskum verktökum skyldi boðið að bjóða í þetta verk hér á svæðinu, á sama tíma og akureyskum verktökum er meinað að bjóða í verk í Skagafirði.
Guðmundur Gunnarsson framkvæmdastjóri G.V. Grafa ehf. á Akureyri segir að menn hafi verið að nota svona verðkannanir í minni verkum. Hér sé hins vegar um að ræða stórt verk upp á tugi milljóna og því hefði ekki átt að vera með verðfyrirspurn heldur hafa útboð, hvort sem það var lokað eða opið. "Sveitarfélög eru með lokuð útboð til þess að tryggja að heimaverktakar vinni þau. Norðurorka, sem er fyrirtæki í eigu Akureyrarbæjar, ákveður hins vegar að leita einnig til tveggja fyrirtækja í Skagafirði í þessari verðkönnun. Langflest verk á vegum Sveitarfélagsins Skagafjarðar, Dalvíkurbyggðar og fleiri sveitarfélaga hér í kring eru lokuð fyrir aðra en heimamenn. Við fáum ekki að komast að þessum verkum en skagfirðingarnir eiga greiðan aðgang hingað og það finnst okkur ekki réttlátt."
Guðmundur segir að akureysku verktakarnir hafi gert athugasemdir við það hvernig staðið var að málum í síðustu viku en án árangurs. Hann segir að það sé full ástæða fyrir sveitarstjórnarmenn á Akureyri að ræða þessi mál við kollega sína í öðrum sveitarfélögum. "Ef menn vilja hafa það þannig að útboð séu lokuð annars staðar, er það sanngirnismál að það sama sé upp á teningnum hér. Þó er sanngjarnast að útboð séu opin," segir Guðmundur.
Vinnuvélar Símonar Skarphéðinssonar ehf. á Sauðárkróki áttu lægsta tilboð í verkið, tæpar 25,8 milljónir króna, eða 77,5% af kostnaðaráætlun, G. Hjálmarsson hf. á Akureyri átti næst lægsta tilboð í verkið, tæpar 26 milljónir króna, eða 78% af kostnaðaráætlun. GV gröfur buðu rúmar 26,5 milljónir króna, eða um 80% af kostnaðaráætlun og Vélaleiga Halldórs Baldurssonar ehf. á Akureyri bauð rúmar 33,3 milljónir króna, eða 100,2% af kostnaðaráætlun.
Nýjast
-
Umgengni afleit og ásýnd verulegt lýti í umhverfinu
„Það er búið að ganga frá deiliskipulagi og framkvæmdaleyfi vegna geymslusvæðis liggur sömuleiðis fyrir. Því ætti ekkert að vera því að vanbúnaði hefja framkvæmdir við geymslusvæði og flytja þá hluti sem hafa varðveislugildi inn á svæðið í framhaldi af því,“ segir Leifur Þorkelsson framkvæmdastjóri Heilbrigðiseftirlits Norðurlands um ástand mála hjá fyrirtækinu Skútabergi á Moldhaugnahálsi. -
Átt þú heima í Giljahverfi? Hvað finnst þér um hverfið?
Akureyrarbær boðar til hverfisfundar í Giljaskóla með íbúum hverfisins, bæjarstjóra og bæjarfulltrúum kl. 17 fimmtudaginn 8. maí. Endilega takið daginn frá og látið í ljós skoðanir ykkar um hverfið. -
Kattafláning og kirkjuganga.
Það hendir mig stundum í hugsunarleysi að fara að hugsa um eitthvað sem dettur upp í hugann. Og þetta henti einmitt í dag. -
Að leggja grunninn að framtíðinni Upplifun úr nútímafræði
Í ár eru 20 ár síðan fyrsti árgangurinn útskrifaðist úr nútímafræði frá Háskólanum á Akureyri. Í tilefni þess var rætt við Ragnheiði Jónu Ingimarsdóttur sem var í þeim útskriftarárgangi. Hún sá tækifæri sem fólust í að vera hluti af fyrsta hópnum sem stundaði þetta áhugaverða nám. -
Fjölmörg verkefni fram undan að takast á við
„Það er mikið verk að vinna og fjölmörg verkefni fram undan sem takast þar á við,“ segir Björn Snæbjörnsson sem kjörinn var formaður Landssambands eldri borgara á landsfundi þess sem haldinn var í Reykjanesbæ. Helgi Pétursson lauk fjórða ári sínu í formannsstóli en formaður situr mest í fjögur ár. Björn var sá eini sem bauð sig fram og því sjálfkjörinn í embætti. -
Þakklátur fyrir heiðurinn og er mjög gíraður
„Ég er virkilega þakklátur fyrir þennan heiður og ætli ég orðið það ekki sem svo; mjög gíraður,“ segir Egill Logi Jónasson nýr bæjarlistamaður á Akureyri. Egill er framsækinn myndlistar- og tónlistarmaður segir í umsögn frá Akureyrarbæ, „sem hefur vakið athygli fyrir frumleg verk og ögrandi sýningar.“ Egill Logi gegnir lykilhlutverki í starfsemi Listagilsins og rekur m.a. tvær vinnustofur í húsnæði Kaktus, fyrir myndlist annars vegar og tónlist hins vegar. Hann hefur verið iðinn við að skapa vettvang fyrir unga og óháða listamenn, m.a. í gegnum tónlistarhátíðina Mysing. -
Tveir fengu gullmerki Einingar-Iðju
Tveir félagar i Einingu-Iðju voru sæmdir gullmerki félagsins á aðalfundi nýverið, þau Gunnar Berg Haraldsson og Laufey Bragadóttir. -
Fiðringur á Norðurlandi fer fram í Hofi í fjórða sinn
Fiðringur fer fram í Menningarhúsinu Hofi næsta miðvikudag, 7. maí og er þetta í fjórða sinn sem keppnin er haldin. Í ár munu tíu skólar af Norðurlandi mætast. Grunnskóli Húnaþings vestra tekur þátt í fyrsta sinn og vonandi taka fleiri skólar frá Norðurlandi vestra þátt á næsta ári því markmiðið er að sinna öllu Norðurlandi frá Borðeyri til Bakkafjarðar! -
,,Ég kveð sátt og held glöð út í lífið"
Þórunn Ingólfsdóttir hefur starfað hjá fyrirtækjum við Fiskitanga á Akureyri stærstan hluta starfsævinnar, lengst af hjá Útgerðarfélagi Akureyringa og Samherja. Hún lét af störfum í fiskvinnsluhúsi ÚA um mánaðamótin og segist kveðja afskaplega sátt. Nú taki við nýr kafli í lífinu.
