Akureyringar kjöldrógu FH-inga í Höllinni
Geir Guðmundsson skoraði fimm mörk fyrir Akureyringa í kvöld.
Akureyringar unnu arfaslaka FH-inga sannfærandi á heimavelli sínum kvöld, 30-26, í N1-deild karla í handknattleik. Sigur norðanmanna var mun öruggari en tölur gefa til kynna en Akureyri var nokkrum skrefum á undan allan leikinn og FH átti í raun aldrei möguleika. Frábær fyrri hálfleikur heimamanna lagði grunninn að sigrinum þar sem þeir skoruðu 20 mörk á móti ellefu frá FH. Gestirnir úr Hafnarfirði björguðu þó andlitinu í restina með fínum endaspretti.
Heimamenn í Akureyri mættu gríðarlega einbeittir til leiks en að sama skapi voru FH-ingar í engu takti við leikinn. Akureyringar náðu fljótt góðu forskoti og höfðu yfir, 12-7, þegar fyrri hálfleikur var hálfnaður. Vel studdir af hávaðasömum áhorfendum gekk allt í haginn hjá norðanmönnum sem juku forystuna jafnt og þétt. Sóknarleikurinn rúllaði vel, vörnin stóð þétt og Sveinbjörn Pétusson í fínu stuði í markinu. FH var í bullandi vandræðum í sóknarleiknum allan fyrri hálfleikinn, vörnin hriplak og markavarslan arfaslök, en þeir Daníel Freyr Andrésson og Pálmar Pétursson vörðu fjögur skot saman. Það segir sína sögu að FH fékk 20 mörk á sig á 30 mínútum en hálfleikstölur voru 20-11. Sennilega einar lélegustu 30 mínútur FH-inga í vetur en norðanmenn léku á als oddi.
Seinni hálfleikurinn var beint framhald af þeim fyrri. Akureyri nokkrum skrefum á undan í öllum sínum aðgerðum og héldu forystunni í 8-9 mörkum. Það vottaði fyrir aðeins meira biti í varnarleik FH en sóknarleikurinn var enn í molum. Akureyri náði tíu marka forystu, 28-18, þegar tíu mínútur lifðu leiks og slökktu endanlega síðasta vonarneista FH-inga í að fá eitthvað út úr leiknum. FH náði hins vegar að klóra í bakkan í restina og minnka muninn í fjögur mörk en of lítið og of seint og Akureyringar fögnuðu sannfærandi og mikilvægum sigri. Lokatölur, 30-26.
Akureyringar fara í 24 stig en FH hefur áfram 25 stig.
Mörk Akureyrar: Bjarni Fritzson 6 (1), Hörður Fannar Sigþórsson 2, Heimir Örn Árnason 4, Geir Guðmundsson 5, Oddur Gretarsson 6 , Guðmundur Hólmar Helgason 5, Bergvin Gíslason 1.
Varin skot: Sveinbjörn Pétursson 22.
Mörk FH: Ólafur Gústafsson 6, Ragnar Jóhannson 1, Sigurður Ágústsson 2, Hjalti Þór Pálmason 4 (4), Ari Magnús Þorgeirsson 3, Örn Ingi Bjarkason 3, Atli Rúnar Steinþórsson 3, Þorkell Magnússon 1, Halldór Guðjónsson 1, Ísak Rafnsson.
Varin skot: Daníel Freyr Andrésson 6 (1), Pálmar Pétursson 3,
Nýjast
-
Krummafótur á Grenivík 25 ára
Leikskólinn Krummafótur á Grenivík fagnaði 25 ára afmæli nýverið. Af því tilefni var opið hús í leikskólanum og var gestum og gangandi boðið upp á kaffi og afmælisköku. -
Sjúkrabílabangsar afhentir á Hlíð
Sigurbjörg Ingvadóttir notandi í dagþjálfun á Hlíð afhenti fullan poka af fallegum sjúkrabílaböngsum til sjúkraflutningamanna nú fyrir skemmstu. Sibba, eins og hún er -
B.Jensen vormòt Òðins Jón Ingi Einarsson sló 3 Akureyrarmet í flokki 13-14 ára
B.Jensen vormót Óðins var haldið í blíðskaparveðri í Sundlaug Akureyrar laugardaginn 17. Maí. Keppendur voru 62 frá Óðni auk 1 frá Sundfélaginu Rán á Dalvík. Yngstu keppendurnir voru fæddir 2016 og 2017 en þau fóru flest að taka þátt í fyrsta sinn. Það er skemmst frá því að segja að þau stóðu sig frábærlega vel þrátt fyrir að hafa velflest aldrei stungið sér af startpalli, þar sem enginn slíkur er í Glerársundlaug, þar sem grasrótarstarf Óðins fer fram. -
Ævintýragarðurinn við Oddeyrargötu 17 opnar á morgun
Í tilkynningu sem Hreinn Halldórsson, staðarhaldari, og listasmiður í Odddeyrargötu 17 sendi frá sér kemur fram að Ævintýragarðurinn hans sem er eitt að djánsum bæjarins opnar fyrir almenning 20. mai sem er á morgun þriðjudag. -
Þá er vorið loksins komið
Já vorið er sú árstíð sem ég elska mest. Sennilega er það líka ljótasta árstíðin. Allt skítugt, grasið gulbrúnt, tré og runnar berir. En svo breytist allt á augabragði. Og daginn sem sólgulur fífill brosir við mér, feit hunangsfluga flýgur framhjá, eða kónguló spásserar yfir borðið sem ég sit við, þá hellist þessi barnslega gleði og tilhlökkun vegna sumars sem er í vændum yfir mig. En besta vormerkið er án efa að það birtir. -
Íshokkí í aldarfjórðung 25 ár frá stofnun kvennaliðs SA í íshokkí
„Þetta er ein hraðasta íþrótt í heimi. Ég hef lýst henni á þann veg að leikmaður er í 100 metra hlaupi á fullum hraða, gefi allt í sprettinn, með 10-15 kg aukalega á sér ásamt því að tveir menn hangi á honum. Það þarf að huga að kylfu og hvar pökkurinn er auk þess sem farið er um á örmjóu blaði. Íshokkí reynir mjög mikið á leikmenn, þeir þurfa að vera í góðu formi, sterkir og hafa gott jafnvægi,“ segir Jónína Margrét Guðbjartsdóttir. Hún var ein af þeim konum sem tók þátt í að stofna kvennalið Skautafélags Akureyrar fyrir 25 árum og er enn að, spilar með og þjálfar að auki U16 kvenna hjá félaginu -
Einstök upplifun í Grobbholti
-Sauðfjárbúið á Húsavík sem dregur að sér hundruði gesta á hverju vori -
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin.