Akureyri úr leik í bikarnum
Það gekk fátt upp hjá Akureyringum í dag gegn sterku liði FH.
Akureyringar eru úr leik í Eimskipsbikarnum í handknattleik karla eftir þrettán marka tap gegn FH í Kaplakrika í dag í 16-liða úrslitum keppninnar. Lokatölur í Hafnarfirði urðu 34-21. Leikurinn var jafn fyrstu mínúturnar eða allt þar til staðan var 5-5. Þá tóku FH-ingar öllu völd í leiknum og höfðu sjö marka forystu í hálfleik, 16-9.
Norðanmenn náðu góðum kafla í upphafi síðari hálfleiks og minnkuðu muninn í þrjú mörk. Þá komu brottrekstravandræði hjá Akureyringum og FH jók muninn á ný og norðanmenn misstu algjörlega dampinn undir lokin og voru hreinlega niðurlægðir af FH-ingum sem léku sér að andstæðingnum í restina.
Lokatölur 34-21 og bikarævintýri Akureyringa var stutt í ár eftir að liðið lék til úrslita í fyrra. FH-ingar voru einfaldlega miklu betri í dag og eru til alls líklegir í keppninni miðað við frammistöðu liðsins í þessum leik.
Mörk FH: Ólafur Gústafsson 9, Þorkell Magnússon 8, Örn Ingi Bjarkason 4, Halldór Guðjónsson 4, Andri Berg Haraldsson 3, Hjalti Pálmason 2, Bjarki Jónsson 2, Sigurður Ágústsson1.
Varin skot: Daníel Freyr Andrésson 22.
Mörk Akureyrar: Bjarni Fritzson 6, Guðmundur Hólmar Helgason 6, Heimir Örn Árnason 6, Heiðar Þór Aðalsteinsson 2, Geir Guðmundsson 1.
Varin skot: Sveinbjörn Pétursson 13, Stefán Guðnason 1.
Nýjast
-
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí.