Afturbati eða sama tóbakið?
Ragnar Sverrisson skrifar
Nýja bæjarstjórnin á Akureyri spyr okkur bæjarbúa þessa dagana hvernig við viljum haga íbúasamráði og er óskað eftir áliti og ábendingum íbúa um það sem betur má fara í þeim efnum. Á vefsíðu bæjarins eru auk þess tíunduð ítarlega áform bæjarstjórnarinnar sjálfrar á þessu sviði og kallað eftir viðbrögðum bæjarbúa við þeim fyrir 22. september. Í tillögunum er meðal annars sagt: „Gengið verði lengra í samráði um skipulagsmál en lög gera ráð fyrir með það að markmiði að tryggja aðkomu íbúa eins snemma í ferlinu og mögulegt er.” Enn fremur segir: „Íbúasamráði telst ekki lokið fyrr en þátttakendum hefur verið svarað.” Fleiri göfug markmið eru talin upp svo ókunnugir gætu hreinlega tárast að lesa svo hugljúfan texta. Eftir sem áður virka þessi áform bæjaryfirvalda fyrir kunnuga eins og risavaxinn brandari eða öfugmæli þegar tillit er tekið til hvernig sama bæjarstjórn hagaði sér í þessum efnum á síðasta kjörtímabili. Ekki hef ég tölu á því hve oft ég gerði opinberlega athugasemdir við breytingar sem síðasta bæjarstjórn vann illu heilli að á þágildandi miðbæjarskipulagi. Aldrei – ég endurtek: ALDREI – var mér eða öðrum svarað eða reynt að færa rök fyrir breytingum sem bæjarstjórnin stefndi að. Þess í stað voru gerð hrossakaup um þann ófögnuð allan í lokuðu rými innan bæjarstjórnar og þeim svo þröngvað í gegn án nokkurs samráðs við bæjarbúa. Alveg sama þótt vandaðar greinargerðir hafi verið sendar með alvarlegum athugasemdum eða spurningum beint til bæjarstjórnar í heild eða til einstakra forystumanna – því var einfaldlega ekki svarað, aðeins dauðaþögn.
Með hliðsjón af ofangreindri framkomu við bæjarbúa er engu líkara en bæjarstjórnin sé orðin eins konar umskiptingur því nú virðist ekkert lengur því til fyrirstöðu að hafa eðlilegt samráð við íbúa bæjarins og jafnvel talið æskilegt!
Við höfum svo sem áður heyrt að bæjarfulltrúar séu áhugasamir um að leita til bæjarbúa um ráð en gera svo ekkert með þau þegar til kastanna kemur. Ekki var einu sinni unnt að hafa samráð við bæjarbúa um reglur varðandi útigöngu katta jafnvel þó bæjarfulltrúar hafi lýst vilja til þess. Eflaust þægilegra að ákveða slíkt í lokuðum herbergjum þó liðið neyddist svo til að snúa til baka með allt á hælunum. Nú bregður svo við að ganga á framar gildandi reglum um samráð og slá öll met í þeim efnum. Óskað er eftir viðbrögðum frá bæjarbúum við þessum hátimbruðu tillögum innan þriggja vikna og látið eins og þau komi til með að skipta einhverju máli. Með hliðsjón af sorglegri reynslu er ekki hægt að ráðleggja nokkrum manni að eyða tíma í að svara slíkum tilmælum frá bæjarstjórn nema því aðeins að fyrir liggi skýr yfirlýsing frá bæjarfulltrúum að hlustað verði á athugasemdir, þær ræddar og fái eðlilega meðferð öfugt við það sem gert hefur verið síðustu ár. Að öðrum kosti verður að líta þetta framlag bæjarstjórnar um aukið íbúasamráð eins og enn einn drepfyndinn farsa á fjölum Leikfélagsins. Nema jákvæð þróun sé orðin svo stórbrotin í nýrri bæjarstjórn að jafna megi við stökkbreytingu í náttúrunni sem enginn skilur. Það yrði þá saga til næsta bæjar.
Ragnar Sverrisson
kaupmaður
Nýjast
-
Ef ég væri sími.
Líklega er áhugi fólks á tækjum og tækni mismikill. Flestir eru þó duglegir í að passa uppá símana sína, tileinka sér tækninýjungar og uppfæra þá. Þetta litla tæki sem fylgir okkur mörgum í daglegu lífi. Síminn er gjarnan skammt undan, uppi á borði, í töskunni eða vasanum. Góður sími getur veitt okkur sítengingu við alheiminn, vini og vandamenn, afþreyingu, vinnuna og bara allt mögulegt. -
Mörg þúsund manns árlega á faraldsfæti suður til lækninga
Þjónusta Sjúkrahússins á Akureyri hefur dregist saman undanfarin misseri. Því fer fjarri að SAK nái að uppfylla það hlutverk sem skilgreint er í lögum um heilbrigðisþjónustu, þar sem m.a. segir að sjúkrahúsið eigi að veita þjónustu í nær öllum sérgreinum lækninga og vera varasjúkrahús Landspítala -
Lögreglan á Norðurlandi eystra rannsakar andlát
Eftirfarandi tilkynningu sendi lögreglan á Norðurlandi eysta frá sér nú rétt í þessu. Klukkan 04:30 aðfaranótt mánudags var lögreglan á Norðurlandi eystra kölluð að fjölbýlishúsi á Akureyri. Fyrstu lögreglumönnum sem komu á vettvang var vísað á meðvitundarlausa konu í íbúðinni og hófust endurlífgunartilraunir þegar í stað. Læknir og sjúkraflutningamenn komu einnig á vettvang en tilraunir til endurlífgunar báru ekki árangur og var konan úrskurðuð látin á vettvangi. -
Svona er síminn hannaður til að stela athygli okkar
Af hverju er svona erfitt að leggja frá sér símann? Er efnið sem þar er að finna alltaf svo mikilvægt og áríðandi að það gengur fyrir þau samskipti sem við erum að eiga við fólkið í kringum okkur? Förum við í símann þegar að við erum undir stýri? (Já það telst líka með að gera það á rauðu ljósi). Lengjum við klósettferðirnar okkar til að vera lengur í símanum? Leggjum við símann alltaf á borðið á fundum, í kaffitímanum eða við matarboðið og leyfum þannig tilkynningunum á skjánum að stela athygli okkar? Setjum við börnin okkar fyrir framan skjá til þess að kaupa okkur sjálfum skjátíma? Leitum við í símann alltaf þegar að okkur leiðist? Erum við hrædd við að vera vandræðaleg á almannafæri og förum í símann til að þykjast vera að sinna einhverju mikilvægu frekar en að líta upp og leyfa huganum að reika? Dettum við út í samtölum við annað fólk því við ætluðum að fletta einhverju eldsnöggt upp en rákumst svo á eitthvað annað sem greip athygli okkar? Getum við átt gæðastundir með fjölskyldunni án þess að láta símann trufla okkur? -
Lokaorðið - Forgangslistinn
Eftir því sem ég eldist verð ég sífellt þakklátari fyrir að fá að ganga lífsins veg með fólkinu mínu. Við erum fámenn þjóð og höfum í gegnum tíðina staðið þétt saman. Við höfum lyft grettistaki í forvörnum vegna slysa á sjó og landi. -
Hörður Óskarsson styrkir Krabbameinsfélagið
Hörður Óskarsson færði Krabbameinsfélagi Akureyrar og nágrennis ríflega hálfa milljón króna sem er andvirði af sölu á skarti úr gamalli mynt sem hann selur undir nafninu Mynthringir og alls konar. -
Háskólinn á Akureyri Endurskoðun jafnréttisáætlunar í fullum gangi
Um þessar mundir stendur yfir endurskoðun á áætlun háskólans um jafna stöðu kynjanna sem gildir frá 2021 til 2024 og jafnréttisráð Háskólans á Akureyri stendur að þeirri vinnu. Jafnréttisráð HA er öflugt og virkt ráð sem heldur reglulega fundi og tekur fyrir og fylgir eftir erindum starfsfólks og stúdenta. Þá er boðið upp á fræðslu innan skólans ásamt þátttöku í skipulagi Jafnréttisdaga sem haldnir eru árlega. Ráðið hefur starfskraft á sínum snærum, Sæunni Gísladóttur, sérfræðing hjá Rannsóknamiðstöð Háskóla Akureyrar. -
Andrésar andarleikarnir haldnir í 48 sinn
Andrésar andarleikarnir í skíðaíþróttum verða haldnir í Hlíðarfjalli í næstu viku, dagana 24.-27. apríl. Skíðafélag Akureyrar heldur leikana og er þetta í 48. sinn sem efnt er til þeirra. -
Stöðug aukning í blóð- og krabbameinsmeðferðum hjá SAk
Krabbameinsfélag Akureyrar og nágrennis afhenti formlega á dögunum almennu göngudeildinni á SAk þrjá meðferðarstóla og þrjú hliðarborð. Mikil aukning hefur orðið í blóð- og krabbameinsmeðferðum undanfarin ár og stefnir í að svo verði áfram.
Athugasemdir