Afmælis- og aðventuhátíð Hjartalags
Afmælis- og aðventuhátíð Hjartalags fer fram á morgun laugardag, Hulda Ólafsdóttir það stendur mikið til? ,,Já það má segja það, Hjartalag er 9 ára á þessu ári og í fyrsta sinn eftir Covid sem ég opna vinnustofuna mína upp á gátt fyrir gestum svo það er mikil tilhlökkun. Ég hef svo boðið tveimur góðum vinkonum mínum að vera með mér þennan dag, Kristínu S. Bjarnadóttur í Blúndum og blómum og Ölmu Lilju Ævarsdóttur blómahönnuði úr Salvíu. Við leggjum mikið upp úr að taka vel á móti gestum með notalegri og glaðlegri aðventustemningu, kveikt verður á eldstæði úti í garði og boðið upp á heita jólaglögg og piparkökur. Svo er að sjálfsögðu hægt að kaupa íslenska hönnun í jólapakkann, finna aðventuskreytingu fyrir sig og sína eða næla sér í gómsæta Randalínu með kaffinu svo eitthvað sé nefnt“, sagði Hulda og tilhlökkunin leyndi sér ekki.
Það sem á boðstólum verður er það allt unnið af ykkur stöllum?
,,Það má segja það, ég verð með allar mínar vörur saman komnar á einum stað en það sem er helst að nefna eru vörulínan Jökull en hugmyndin að henni kviknaði þegar ég fór í göngu á hálendinu. Svo kom ég með þrjá nýja jólailmi, kerti sem hafa slegið í gegn.
Kristín verður með nýjasta árganginn í dagatölum, fallegar og dúnmjúkar jólaservétturnar ásamt öllum hennar fallegu og hlýlegu vörum, sem byggja á ljósmyndum hennar og textum.
Alma sem er blómahönnuður og mikill fagurkeri verður með dásamlega fallegar aðventu- og jólaskreytingar, kransa og leiðisgreinar svo eitthvað sé nefnt.“
Hvernig er að vinna svona skapandi vinnu? Aldrei skortur á hugmyndum?
,,Það er afskaplega sjaldan sem er skortur á hugmyndum, það er einmitt það sem er svo gaman, af einni hugmynd fæðast yfirleitt aðrar tíu og þegar maður er umhverfis fleira skapandi fólk verður svo mikil atorka, flæði og gleði sem gefur kraft og orku til að skapa meira. Annars kemur sköpunarkrafturinn oftar hjá mér þegar ég er ein í náttúrunni, eða sit heima við í ró og næði eða að hlusta á tónlist sem hugmyndir kvikna. Það þarf þó að rækta þetta og gefa sér rými og tíma til að leyfa hugmyndum að flæða og ekki gleyma að hafa gaman, gera nærandi og skemmtilega hluti fyrir líkama, sál, hjarta og huga“.
Hvar verður ykkur að finna og hvenær verður opnaða fyrir gesti og gangandi?
,,Þið finnið okkur á vinnustofu Hjartalags að Þórunnarstræti 97, gengið inn í kjallara vestan við húsið og er opið laugardaginn 10. desember frá 11-22“ Sagði Hulda að endingu og rauk í frekari undirbúning vegna afmælishátíðarinnar.
Nýjast
-
Lokaorðið - Sumardagurinn fyrsti.
Sumardagurinn fyrsti er ævaforn hátíðisdagur á Íslandi. Þó líði aldir og kynslóðir komi og fari er ekkert sem Íslendingar þrá heitar en vorið. Hjörtun slá þá í mildum samhljóma takti og loks er liðin vetrarþraut. Sumardagurinn er einnig þekktur sem barnadagurinn. Í þéttbýlinu gerði fólk sér dagamun og klæddist sparifötum. -
Mikil umferð um Akureyrarflugvöll s.l. daga
Mikil umferð hefur verið um Akureyrarflugvöll síðustu daga áætlunarflug, sjúkraflug, einkaþotur og töluverð þyrluumferð. -
Eik fasteignafélag vill byggja við Gleráreyrar
Á fundi skipulagsráðs Akureyrarbæjar í gær var tekin til umræðu tillaga frá Kollgátu, sem Ingólfur Guðmundsson og Andrea Sif Hilmarsdóttir kynntu f.h hönd Eikar fasteignafélags um uppbyggingu á lóðum 2-8 við Gleráreyrar og svæðis vestan þeirra. -
Sólarhringssund hjá Óðinskrökkum
Hið árlega sólarhringssund iðkenda í Óðni stendur nú sem hæst. Einn sundamaður syndir í einu og er þetta því nokkurs konar boðsund. -
Fékk ekki að lækka gjaldskrárhækkanir Orkuveitu Húsavíkur
Á fundi stjórnar Orkuveitu Húsavíkur í vikunni var tekin fyrir tillaga Valdimars Halldórssonar, varaformanns þess efnis að dregið yrði úr fyrirhuguðum gjaldskrárhækkunum en Valdimar taldi næga innistæðu fyrir hendi til að lækka umrædda hækkun -
Banaslys í Eyjafjarðarsveit
Alvarlegt umferðarslys varð á Eyjafjarðabraut eystri , skammt norðan við Laugaland skömmu eftir kl. 13:00 í dag. Þarna hafði bíll lent út af og voru tveir aðilar sem í honum voru úrskurðaðir látnir á vettvangi. Lögreglan á Norðurlandi eystra fer með rannsókn málsins og er hún á frumstigi og ekki frekari upplýsingar að hafa að sinni. -
Umferðarslys á Eyjafjarðarbraut eystri
Alvarlegt umferðarslys varð á Eyjafjarðabraut eystri , skammt norðan við Laugaland skömmu eftir kl. 13:00 í dag. Þarna hafði bíll lent út af og í honum voru tveir aðilar. Rannsókn á tildrögum slyssins stendur yfir á vettvangi og getur lögreglan ekki veitt frekari upplýsingar á þessu stigi málsins. -
Kirkjutröppurnar og gangstétt í Listagilinu
Framkvæmdir við kirkjutröppurnar eru hafnar að nýju eftir talsvert hlé og er búið að byggja yfir neðsta hluta trappanna, en þar er verið að vinna í húsnæði sem er undir tröppunum. Að því loknu verður hægt að hefja vinnu við sjálfar kirkjutröppurnar, þeirri vinnu hefur seinkað m.a. sökum þess að erfiðlega gekk að fá verktaka í verkefnið og það var umfangsmeira en var ráð fyrir gert. -
Hefur allt sem þarf
Fyrstu kynni mín af Höllu Tómasdóttur voru í tengslum við vinnustað þar sem hún kom einn dag og ræddi við hópinn. Þessi dagur breytti svolítið lífi mínu því þarna uppgötvaði ég í raun hvernig ég get tekið stjórn á eigin lífi. Halla varpaði á skjá mynd af vatnsglasi sem í var vökvi um það bil að miðju glasi. Hún talaði um viðhorf okkar og hvernig við tökumst á við það sem lífið færir okkur.
Athugasemdir