Aflið fær bætta aðstöðu
Sigrún Finnsdóttir formaður Aflsins og Eiríkur Björn Björgvinsson bæjarstjóri við undirritun samningsins. (Ljósmynd: Akureyrarstofa / Þórgnýr Dýrfjörð)
Aflið, samtök gegn kynferðis- og heimilisofbeldi og Akureyrarbær , undirrituðu í gær samstarfssamning sem felur í sér aukinn stuðning Akureyrarbæjar við Aflið með því að húsnæðismálum Aflsins verður komið í viðunandi horf, þetta kemur fram á vef Akureyrarbæjar.
Með samningnum er stefnt á að efla þjónustu við þolendur heimilis- og kynferðisofbeldis og aðstandendur þeirra. Samstarf verður aukið við þá aðila sem vinna með fólki sem glímir við afleiðingar heimilis- og kynferðisofbeldis. Forvarnarstarf verður einnig eflt og samstarf þeirra sem vinna að forvarnarstarfi innan málaflokkanna, sérstaklega gagnvart börnum. Loks á að efla tengsl og samstarf Aflsins við félagsþjónustu bæjarins og barnavernd.
„Samningurinn felur í sér að Akureyrarbær veitir Aflinu styrk í formi afnota að húsnæðinu í Gamla spítala (Gudmans Minde) að Aðalstræti 14. Þar með verður hinu mikilvæga starfi sem Aflið sinnir komið í fullnægjandi húsnæði á Akureyri.
Eiríkur Björn Björgvinsson bæjarstjóri á Akureyri er ánægður með að samkomulag hafi náðst á milli Akureyrarbæjar og Aflsins um starfsemina til næstu ára. Aflið hefur unnið ómetanlegt starf í samfélaginu og langt út fyrir sveitarfélagið. Það er mikilvægt fyrir Akureyrarbæ að geta aðstoðað þennan öfluga hóp kvenna sem stendur að baki starfinu,“ segir í tilkynningunni.
Sigrún Finnsdóttir formaður Aflsins segir að þessi tímamót í starfseminni séu sérstaklega mikilvæg og geri samtökunum kleift auka og þróa þjónustuna enn frekar við þolendur heimilis- og kynferðisofbeldis. „Mjög ánægjulegt er að finna fyrir auknum stuðningi og skilningi í samfélaginu og þeirri vitundarvakningu sem skilar sér í því að fleiri sækja sér hjálp sem enga fengu áður. Þessi samningur við Akureyrarbæ er Aflinu gríðarleg hvatning til áframhaldandi starfa,“ segir jafnframt í tilkynningunni.
Samningurinn gildir til ársloka 2018 og verður þá tekinn til endurskoðunar. /epe
Nýjast
-
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí.