Af skólamálum og naflaskoðunum
Skólamálin eru einn stærsti einstaki kostnaðarliðurinn hjá Akureyrarbæ og þarf vart að tíunda mikilvægi þessa stóra málaflokks. Þó er vert að íhuga hvernig við sem foreldrar og íbúar bæjarins viljum að staðið sé að þessum málum.
26%
Í dag ganga 2644 börn í grunnskóla Akureyrar. 1103 börn eru vistuð í leikskólum bæjarins og 160 dvelja hjá dagforeldrum. 790 einstaklingar vinna í þessum skólum og eru á launaskrá bæjarins, að auki eru 38 dagforeldrar á skrá. Allur þessi hópur telur saman um 26% af íbúum sveitarfélagsins.
Hér er um að ræða fólk sem stuðlar að hamingjusömu og farsælu þjóðfélagi framtíðarinnar, kennararnir og börnin sjálf sem erfa skulu landið. Hin bjarta framtíð okkar, svo ég nái nú örugglega að klína pólitískum áróðri í þennan pistil. Hvernig getum við sýnt það í verki að þessi málaflokkur sé okkur mikilvægur, líklega mikilvægastur allra?
Velferð
Jú, við þurfum að tryggja velferð allra sem að þessu kerfi koma. Velferð barnanna, velferð starfsfólksins og velferð bæjarbúanna.
Börnin eiga að útskrifast úr þessu kerfi með heildstætt veganesti í farteskinu, s.s. góða félagslega færni, þekkingu og leikni í hinum fjölbreyttustu námsþáttum, kröftuga sköpunargleði, virðingu fyrir náttúru og umhverfi og opinn hug gagnvart tækifærum framtíðarinnar.
Til að af þessum háleitu en þó raunhæfu markmiðum verði þarf líka að huga að þeim sem stýra skólastarfinu, skólastjórnendum, kennurum og starfsfólki öllu.
Viljum við geta státað okkur af því að eiga besta skólakerfi í heimi? Viljum við að fólk velji sér búsetu hér á Akureyri einmitt vegna framúrskarandi skólaumgjarðar á öllum stigum?
Naflaskoðun
Við viljum og væntum þess að starfsfólk leggi sig fram að öllu leyti. Á hinn bóginn má líka vænta þess af okkur að við skattgreiðendur og bæjarbúar hlúum að þessum hóp og látum okkur hag þeirra varða. Þeirra hagur er okkar hagur líka. Ríkir almenn ánægja meðal starfsfólks um þær kröfur sem til þeirra eru gerðar? Er álag í starfi viðunandi? Ríkir sátt um kaup og kjör? Ef einhverjum þessa þátta er ábótavant, hverju viljum við þá sem samfélag til kosta til að bæta ástandið?
Farsælt skólakerfi er ekki kerfi stöðnunar heldur lifandi kerfi sem er í sífelldri naflaskoðun og vinnur stöðugt að því að bæta sjálft sig. Samvinna allra sem að máli koma skiptir sköpum.
Áshildur Hlín Valtýsdóttir.
Höfundur skipar 2. sæti á lista Bjartrar framtíðar á Akureyri, er grunnskólakennari, á sæti í skólanefnd og er sérlega virkur meðlimur í öllu foreldrastarfi er viðkemur skólagöngu barna sinna fjögurra.
Nýjast
-
Krummafótur á Grenivík 25 ára
Leikskólinn Krummafótur á Grenivík fagnaði 25 ára afmæli nýverið. Af því tilefni var opið hús í leikskólanum og var gestum og gangandi boðið upp á kaffi og afmælisköku. -
Sjúkrabílabangsar afhentir á Hlíð
Sigurbjörg Ingvadóttir notandi í dagþjálfun á Hlíð afhenti fullan poka af fallegum sjúkrabílaböngsum til sjúkraflutningamanna nú fyrir skemmstu. Sibba, eins og hún er -
B.Jensen vormòt Òðins Jón Ingi Einarsson sló 3 Akureyrarmet í flokki 13-14 ára
B.Jensen vormót Óðins var haldið í blíðskaparveðri í Sundlaug Akureyrar laugardaginn 17. Maí. Keppendur voru 62 frá Óðni auk 1 frá Sundfélaginu Rán á Dalvík. Yngstu keppendurnir voru fæddir 2016 og 2017 en þau fóru flest að taka þátt í fyrsta sinn. Það er skemmst frá því að segja að þau stóðu sig frábærlega vel þrátt fyrir að hafa velflest aldrei stungið sér af startpalli, þar sem enginn slíkur er í Glerársundlaug, þar sem grasrótarstarf Óðins fer fram. -
Ævintýragarðurinn við Oddeyrargötu 17 opnar á morgun
Í tilkynningu sem Hreinn Halldórsson, staðarhaldari, og listasmiður í Odddeyrargötu 17 sendi frá sér kemur fram að Ævintýragarðurinn hans sem er eitt að djánsum bæjarins opnar fyrir almenning 20. mai sem er á morgun þriðjudag. -
Þá er vorið loksins komið
Já vorið er sú árstíð sem ég elska mest. Sennilega er það líka ljótasta árstíðin. Allt skítugt, grasið gulbrúnt, tré og runnar berir. En svo breytist allt á augabragði. Og daginn sem sólgulur fífill brosir við mér, feit hunangsfluga flýgur framhjá, eða kónguló spásserar yfir borðið sem ég sit við, þá hellist þessi barnslega gleði og tilhlökkun vegna sumars sem er í vændum yfir mig. En besta vormerkið er án efa að það birtir. -
Íshokkí í aldarfjórðung 25 ár frá stofnun kvennaliðs SA í íshokkí
„Þetta er ein hraðasta íþrótt í heimi. Ég hef lýst henni á þann veg að leikmaður er í 100 metra hlaupi á fullum hraða, gefi allt í sprettinn, með 10-15 kg aukalega á sér ásamt því að tveir menn hangi á honum. Það þarf að huga að kylfu og hvar pökkurinn er auk þess sem farið er um á örmjóu blaði. Íshokkí reynir mjög mikið á leikmenn, þeir þurfa að vera í góðu formi, sterkir og hafa gott jafnvægi,“ segir Jónína Margrét Guðbjartsdóttir. Hún var ein af þeim konum sem tók þátt í að stofna kvennalið Skautafélags Akureyrar fyrir 25 árum og er enn að, spilar með og þjálfar að auki U16 kvenna hjá félaginu -
Einstök upplifun í Grobbholti
-Sauðfjárbúið á Húsavík sem dregur að sér hundruði gesta á hverju vori -
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin.