Ætlum að hirða bikarinn
Þór/KA leikur einn sinn stærsta leik í sögu félagsins á laugardaginn kemur er liðið mætir Breiðabliki í úrslitum bikarkeppni kvenna í knattspyrnu. Leikurinn fer fram á Laugardalsvelli og hefst kl. 16:00. Vikudagur heyrði hljóðið í Örnu Sif Ásgrímsdóttur fyrirliða Þórs/KA fyrir leikinn mikilvæga.
-Hvernig er stemmningin í hópnum fyrir stóra daginn?
Hún er mjög góð og það eru allir frekar spenntir fyrir laugardeginum. Þetta leggst vel í okkur. Það eru ekki margar í hópnum sem hafa fengið að spila á Laugardalsvellinum og ekki á hverjum degi sem við spilum í bikarúrslitum. Þannig að þetta er stór dagur fyrir okkur allar í liðinu. Við fljúgum suður á laugardagsmorguninn, borðum saman fyrir leik og komum okkur í rétta gírinn. Svo reynum við bara að hafa gaman af þessu.
-Hvernig metur þú ykkar möguleika?
Ég tel þá vera mikla. Ég held að hæfileikar á knattspyrnuvellinum komi ekki til með að skipta höfuð máli í leiknum. Það sem mun ráða úrslitum er fyrst og fremst hvort liðið er tilbúið að leggja meira á sig til þess að vinna. Við ætlum að gefa allt sem við eigum í leikinn og vonandi dugar það til. Ég hef fulla trú á þessu liði og að við förum alla leið. Þetta verða slagsmál en við ætlum að hirða bikarinn.
-Stuðningur áhorfenda hlýtur að skipta máli í svona leik. Áttu von á því að Akureyringar flykkist suður?
Ég vona allavega að fólk fjölmenni til styðja við bakið á okkur. Ég veit að það verða rútuferðir í boði suður og vonandi verða þær rútur allar fullar af fólki, bæði Þórsurum og KA-mönnum, sem munu öskra hástöfum á vellinumog hvetja okkur áfram í leiknum.
-Kemur bikarinn með ykkur norður?
Já.
Nýjast
-
Akureyri - Mjög góð þátttaka í 1. maí hátíðarhöldum
Fjölmenni safnaðist saman á Akureyri fyrr í dag í góðu veðri til að taka þátt í kröfugöngu sem stéttarfélögin á Akureyri stóðu fyrir í tilefni af 1. maí, á alþjóðlegum baráttudegi verkafólks. Einnig var góð mæting í kaffiveislu á skrifstofu stéttarfélaganna í Fjallabyggð, þar sem Ína Sif Stefánsdóttir, starfsmaður Einingar-Iðju, flutti ávarp. -
Skólalóðin farin að láta á sjá
Foreldrafélag Giljaskóla, Réttindaráð Giljaskóla og Skólaráð Giljaskóla hafa óskað eftir samtali við Fræðslu- og lýðheilsuráð sem og Umhverfis og mannvirkjasvið um skólalóð Giljaskóla. -
Fjölmenni á hátíðarhöldum vegna 1 mai á Húsavík
Fjölmenni er á hátíðarhöldum verkalýðsfélagana á Húsavík en eins og venja er 1.mai er boðið í veglegt kaffisamsæti ásamt vönduðum tónlistarflutningi og kröftugum ræðum. -
Hljómsveitin Klaufar spilar á Norðurlandi
Hljómsveitin Klaufar sem spilar vandað kántrýpopp heldur í Norðurlands-túr 1. til 3. maí. Hljómsveitin spilar í fyrsta skipti á þeim magnaða tónleikastað Græna hattinum á Akureyri föstudaginn 2. maí. -
Hátíðarhöldin 1. maí á Húsavík
Stéttarfélögin standa fyrir hátíðarhöldum 1. maí á Fosshótel Húsavík. Hátíðin hefst kl. 14:00. Boðið verður upp á veglegt kaffihlaðborð, hátíðarræður, auk þess sem heimamenn í bland við góða gesti munu sjá um að skemmta gestum með hreint út sagt mögnuðum tónlistaratriðum. -
Annars konar upplifun í Bandaríkjunum en átti von á
„Mín upplifun varð önnur en ég gerði fyrir fram ráð fyrir. Þetta var dálítið einkennileg upplifun,“ segir Rachael Lorna Johnstone lagaprófessor við Háskólann á Akureyri. Hún flytur erindi í stofu M-101 í Háskólanum á Akureyri föstudaginn 2. maí þar sem hún segir frá dvöl sinni í Bandaríkjunum undanfarna mánuði. -
Tæplega 63 þúsund manns renndu sér á skíðum eða bretti í Hlíðarfjalli í vetur.
Skíðavertíðinni í Hlíðarfjalli lauk um liðna helgi og eins og vant er voru það keppendur á Andrésar Andar leikunum sem slógu loka tóninn. -
1 mai dagskrá á Akureyri og Fjallabyggð
Alþjóðlegur baráttudagur launafólks verður haldinn hátíðlegur með dagskrá á Akureyri og í Fjallabyggð fimmtudaginn 1. maí. -
Göngugatan lokuð frá og með morgundeginum
Bæjarstjórn samþykkti 18. mars sl. að sá hluti Hafnarstrætis sem gengur jafnan undir heitinu „göngugatan“ verði lokaður frá 1. maí til 30. september eða í fimm mánuði. Þetta er umtalsvert lengri lokun en var síðasta sumar en þá var lokað í þrjá mánuði frá 3. júní til ágústloka.
