Aðventuveisla Sinfóníuhljómsveitar Norðurlands í Hofi um helgina
Stórsöngvararnir Kristján Jóhannsson og Sigríður Thorlacius stíga á stokk ásamt SN og öflugum stúlknakór.
Sinfóníuhljómsveit Norðurlands býður til sannkallaðrar Aðventuveislu sem einkennist af jólagleði, birtu og yl í Menningarhúsinu Hofi, í dag laugardag og á morgun sunnudag. Búast má við glæsilegum tónleikum en stórsöngvararnir Kristján Jóhannsson og Sigríður Thorlacius stíga á stokk ásamt SN og öflugum stúlknakór. Slík samsetning býður upp á stemmningu sem leiðir áheyrendur inn í jólaundirbúninginn á ljúfum og fallegum nótum.
Fyrri tónleikarnir eru kl. 18 í dag laugardag, 26. nóvember og seinni tónleikarnir kl. 16 á morgun sunnudag. Ýmiskonar góðgæti verður í boði, m.a. lögin Jólakötturinn, Ave Maria, Christmas Festival, Geso Bambino, Betlehemsstjarnan og Ó, helga nótt.. Einnig verða þrír þættir úr Hnotubrjótnum fluttir svo fátt eitt sé nefnt. Sigríður Thorlacius er landsþekkt fyrir seiðandi söng sinn og fallega sviðsframkomu m.a. með hljómsveitinni Hjaltalín.
Kristján Jóhannsson sagðist vera spenntur að koma norður og taka þátt í þessari aðventuveislu. Það verður alveg yndislegt að koma og syngja á Akureyri, sagði Kristján. Sigríður er líka alveg einstaklega skemmtileg, þannig að ég held að þetta verði áhugaverður kokteill hjá okkur. Við ætlum aðgeraokkar til að þetta verði góðir tónleikar og gleði í hjörtum, um það snýst þetta.
Kristján sagði það virkilega spennandi að syngja í Hofi, enda hafi tekist einstaklega vel til með húsið. Hann sagði að efnisskráin væri skemmtileg og fyrir alla fjölskylduna. Kristján syngur m.a. tvær aríur sem hann hefur aldrei áður sungið á Akureyri. Ég er í hörkuformi og banastuði, þannig að þetta verður bara skemmtilegt.
Nýjast
-
Líflínan
Í þessari viku legg ég fram þingsályktunartillögu sem snýr að því að tryggja áframhaldandi starfsemi Janusar endurhæfingar eða tryggja sambærilega geðendurhæfingu fyrir ungmenni með fjölþættan vanda. -
Eyjafjarðarsveit - Katta- og hundahald
Nú er varptíminn í algleymingi og vert að minna á 15. gr. samþykktar um hunda og kattahald, en þar segir: „Eigendum og forráðamönnum katta ber að taka tillit til fuglalífs á varptíma, t.d. með því að takmarka útiveru þeirra og eftir atvikum hengja á þá bjöllu.” -
Akureyrarbær óskar eftir þátttakendum á Stórþing eldri borgara
Stórþing eldri borgara verður haldið í Menningarhúsinu Hofi á Akureyri föstudaginn 30. maí. Markmið þingsins er að kanna viðhorf einstaklinga 60 ára og eldri til þjónustu Akureyrarbæjar og safna hugmyndum að áframhaldandi þróun þjónustunnar. -
Húsfriðunarsjóður Akureyrar Aðalstræti 54 og 54a fá viðurkenningu
Húsin við Aðalstræti 54 og 54a, og eigendur þeirra, hlutu viðurkenningu Húsverndarsjóðs Akureyrar árið 2025 fyrir viðgerðir á síðustu árum sem gerðar hafa verið í góðu samræmi við aldur og gerð húsanna. -
Bærinn getur ekki aðstoðað
Bæjarráð Akureyrar getur ekki orðið við erindi frá gönguhópnum Club 1010. Hópurinn skoraði á Akureyrarbæ að aðstoða Félag eldri borgara á Akureyri um kaup á húsnæði við Hólabraut þar sem áður var ÁTVR fyrir starfsemi félagsins. Húsnæðið er við Hólabraut. Starfsemi Vínbúðarinnar var flutt á Norðurtorg en til stendur að selja húsið við Hólabraut. -
Hagnaður af rekstri Sparisjóðs Þingeyinga 179 milljónir króna
Aðalfundur Sparisjóðs Þingeyinga var haldinn 28. apríl s.l. á Fosshótel Húsavík. Rekstur Sparisjóðsins gekk vel á síðasta ári, hagnaður af starfseminni var 226 milljónir króna fyrir skatta og hagnaður eftir skatta var 179 milljónir króna. Um síðustu áramót voru heildareignir sparisjóðsins 14,7 milljarðar króna og hafa aukist um 1.553 milljónir á milli ára. Innlán voru á sama tíma um 12,8 milljarðar. Eigið fé sparisjóðsins var 1,5 milljarður í árslok og lausafjárstaða er sterk. -
Langþráður skeljasandur skilar sér til hafnar.
Skollans langri bið eftir skeljasandi lokið. 1250 tonnum landað í s.l. viku á Dalvík og Krossanesi og farmi ekið til 24 bænda til kölkunar við jarðvinnslu eða á tún. Auk þess fengu bændur í S-Þing. rúm 900 tonn og 340 tonn eru á leið til Reyðarfjarðar sem fer upp á Hérað. Mikilvægt er til að tryggja góð vaxtarskilyrði plantna með réttu sýrustigi jarðvegs þar sem ódýrasta leiðin er að nota skeljasand til kölkunar. -
Heitaloftsþurrkun fiskafurða á Laugum Starfsleyfi framlengt til 15. nóvember
Starfsleyfi Samherja fyrir heitaloftsþurrkun fiskafurða á Laugum í Reykjadal verður framlengt um 6 mánuði og gildir til 15. nóvember næstkomandi. Heilbrigðisnefnd Norðurlands hefur samþykkt framlengt starfsleyfi. -
Grófin fær styrk
Grófin Geðrækt á Akureyri hefur fengið styrk frá Rafiðnaðarsambandi Íslands upp á 500 þúsund krónur.