Aðsóknarsprengja í HA
Nýtt met hefur verið sett í fjölda rafrænna umsókna við Háskólann á Akureyri í ár, en umsóknarfrestur um skólavist rann út nú um helgina. Alls hafa 1030 umsóknir borist sem er um 15% fleiri en sóttu um skólavist í fyrra. Að sögn Dagmarar Ýrar Stefánsdóttur er þessi mikla sprenging sérstaklega ánægjuleg, ekki síst í ljósi þess að í fyrra var mikil sókn í kennsluréttindanámið sem þá var boðið í síðasta sinn með eftir eldra kerfi og mikill fjöldi notfærði sér að ljúka því námi áður en lenging námsins tók gildi.
Dagmar bendir á að þetta séu hráar umsóknir og muni ekki endilega skila sér allar inn í skólann í haust því enn eigi eftir að ganga úr skugga um hvort þær séu gildar og innritunargjald hefur ekki verið greitt.
Það virðist vera aukning á innskráningu í flestar tegundir náms, en áberandi er mikill fjöldi umsókna í hjúkrunarnámið þar sem um 200 manns sóttu um. Í því námi er kvóti eftir fyrstu önn þannig að einungis 50 nemar komast áfram í náminu. Dagmar telur að í þessari miklu aðsóknarsprenginu í hjúkrun sé orðspor skólans og heilbrigðissviðsins að skila sér.
Þá er greinilegt að viðskipafræðin er að taka aftur við sér en örlítið bakslag kom í þá grein eftir hrunið. Nú hafa hins vegar um 160 umsóknir eru í það nám. Þá hafa félagsvísindi verið vinsæl og segir Dagmar að fjarnámið hafi mælst vel fyrir. Í sálfræði hafa um 150 nemendur skráð sig og í fjölmiðlafræði og nútímafræði hafa milli 40 og 50 nemar skráð sig í hvora grein um sig.
Nýjast
-
Eyjafjarðarsveit - Katta- og hundahald
Nú er varptíminn í algleymingi og vert að minna á 15. gr. samþykktar um hunda og kattahald, en þar segir: „Eigendum og forráðamönnum katta ber að taka tillit til fuglalífs á varptíma, t.d. með því að takmarka útiveru þeirra og eftir atvikum hengja á þá bjöllu.” -
Akureyrarbær óskar eftir þátttakendum á Stórþing eldri borgara
Stórþing eldri borgara verður haldið í Menningarhúsinu Hofi á Akureyri föstudaginn 30. maí. Markmið þingsins er að kanna viðhorf einstaklinga 60 ára og eldri til þjónustu Akureyrarbæjar og safna hugmyndum að áframhaldandi þróun þjónustunnar. -
Húsfriðunarsjóður Akureyrar Aðalstræti 54 og 54a fá viðurkenningu
Húsin við Aðalstræti 54 og 54a, og eigendur þeirra, hlutu viðurkenningu Húsverndarsjóðs Akureyrar árið 2025 fyrir viðgerðir á síðustu árum sem gerðar hafa verið í góðu samræmi við aldur og gerð húsanna. -
Bærinn getur ekki aðstoðað
Bæjarráð Akureyrar getur ekki orðið við erindi frá gönguhópnum Club 1010. Hópurinn skoraði á Akureyrarbæ að aðstoða Félag eldri borgara á Akureyri um kaup á húsnæði við Hólabraut þar sem áður var ÁTVR fyrir starfsemi félagsins. Húsnæðið er við Hólabraut. Starfsemi Vínbúðarinnar var flutt á Norðurtorg en til stendur að selja húsið við Hólabraut. -
Hagnaður af rekstri Sparisjóðs Þingeyinga 179 milljónir króna
Aðalfundur Sparisjóðs Þingeyinga var haldinn 28. apríl s.l. á Fosshótel Húsavík. Rekstur Sparisjóðsins gekk vel á síðasta ári, hagnaður af starfseminni var 226 milljónir króna fyrir skatta og hagnaður eftir skatta var 179 milljónir króna. Um síðustu áramót voru heildareignir sparisjóðsins 14,7 milljarðar króna og hafa aukist um 1.553 milljónir á milli ára. Innlán voru á sama tíma um 12,8 milljarðar. Eigið fé sparisjóðsins var 1,5 milljarður í árslok og lausafjárstaða er sterk. -
Langþráður skeljasandur skilar sér til hafnar.
Skollans langri bið eftir skeljasandi lokið. 1250 tonnum landað í s.l. viku á Dalvík og Krossanesi og farmi ekið til 24 bænda til kölkunar við jarðvinnslu eða á tún. Auk þess fengu bændur í S-Þing. rúm 900 tonn og 340 tonn eru á leið til Reyðarfjarðar sem fer upp á Hérað. Mikilvægt er til að tryggja góð vaxtarskilyrði plantna með réttu sýrustigi jarðvegs þar sem ódýrasta leiðin er að nota skeljasand til kölkunar. -
Heitaloftsþurrkun fiskafurða á Laugum Starfsleyfi framlengt til 15. nóvember
Starfsleyfi Samherja fyrir heitaloftsþurrkun fiskafurða á Laugum í Reykjadal verður framlengt um 6 mánuði og gildir til 15. nóvember næstkomandi. Heilbrigðisnefnd Norðurlands hefur samþykkt framlengt starfsleyfi. -
Grófin fær styrk
Grófin Geðrækt á Akureyri hefur fengið styrk frá Rafiðnaðarsambandi Íslands upp á 500 þúsund krónur. -
Umgengni afleit og ásýnd verulegt lýti í umhverfinu
„Það er búið að ganga frá deiliskipulagi og framkvæmdaleyfi vegna geymslusvæðis liggur sömuleiðis fyrir. Því ætti ekkert að vera því að vanbúnaði hefja framkvæmdir við geymslusvæði og flytja þá hluti sem hafa varðveislugildi inn á svæðið í framhaldi af því,“ segir Leifur Þorkelsson framkvæmdastjóri Heilbrigðiseftirlits Norðurlands um ástand mála hjá fyrirtækinu Skútabergi á Moldhaugnahálsi.
