Aðalfundur Völsungs: Félagið rekið með hagnaði
Aðalfundur Íþróttafélagsins Völsungs á Húsavík var haldinn í gær, miðvikudaginn 11. maí og var mæting með ágætum. Elín Gunnsteinsdóttir gekk úr aðalstjórn Völsungs og sæti hennar tók Berglind Jóna Þorláksdóttir. Ný aðalstjórn Völsungs er því þannig skipuð: Guðrún Kristinsdóttir, formaður. Þóra Kristín Jónsdóttir, gjaldkeri. Meðstjórnendur eru Heiðar Hrafn Halldórsson, Már Höskuldsson og Rannveig Þórðardóttir. Og varamenn Víðir Svansson og Berglind Jóna Þorláksdóttir.
Guðrún Kristinsdóttir, formaður Völsungs, fór yfir skýrslu aðalstjórnar fyrir starfsárið 2015. Hún talaði um fyrirmyndarfélagið Völsung, íþróttafólk Völsungs og rekstur meistaraflokka í knattspyrnu sem hefur gengið vel. Einnig minntist Guðrún á það mikla uppbyggingarstarf sem skíðagöngudeildin hefur unnið á félagssvæði sínu við Reyðarárhnjúk.
Ársreikningar Völsungs voru lagðir fram og samþykktir samhljóða. Rekstur íþróttafélagsins Völsungs er í góðum málum og félagið í heild sinni rekið með hagnaði. Hagnaður ársins 2015 nam 3.826.336 krónum.
Á fundinum var árgjald Völsungs fyrir félaga 18 ára og eldri samþykkt óbreytt. Árgjaldið var 3000 kr fyrir félagsmenn 18 ára og eldri og helst óbreytt.
Samþykkt var að stofna afmælisnefnd innan Völsungs sem fengi það verkefni að skipuleggja viðburði kringum afmæli félagsins, en það verður 90 ára 12. apríl 2017. Í nefndinni munu sitja Guðrún Kristinsdóttir, formaður félagsins, Óskar Páll Davíðsson, Hilmar Valur Gunnarsson, ásamt tveimur meðlimum úr sögunefnd Völsungs.
Einnig var samþykkt að stofna afrekssjóð Völsungs sem fengið það verkefni að veita afreksfólki í Völsungi 16 ára og eldri fjárhagslegan styrk vegna æfinga eða keppni og búa þeim sem besta aðstöðu til að stunda íþrótt sína. Sjóðurinn styrkir einnig við bakið á þjálfurum Völsungs sem sækja sér aukna menntun erlendis. JHF/js
Nýjast
-
Eyjafjarðarsveit - Katta- og hundahald
Nú er varptíminn í algleymingi og vert að minna á 15. gr. samþykktar um hunda og kattahald, en þar segir: „Eigendum og forráðamönnum katta ber að taka tillit til fuglalífs á varptíma, t.d. með því að takmarka útiveru þeirra og eftir atvikum hengja á þá bjöllu.” -
Akureyrarbær óskar eftir þátttakendum á Stórþing eldri borgara
Stórþing eldri borgara verður haldið í Menningarhúsinu Hofi á Akureyri föstudaginn 30. maí. Markmið þingsins er að kanna viðhorf einstaklinga 60 ára og eldri til þjónustu Akureyrarbæjar og safna hugmyndum að áframhaldandi þróun þjónustunnar. -
Húsfriðunarsjóður Akureyrar Aðalstræti 54 og 54a fá viðurkenningu
Húsin við Aðalstræti 54 og 54a, og eigendur þeirra, hlutu viðurkenningu Húsverndarsjóðs Akureyrar árið 2025 fyrir viðgerðir á síðustu árum sem gerðar hafa verið í góðu samræmi við aldur og gerð húsanna. -
Bærinn getur ekki aðstoðað
Bæjarráð Akureyrar getur ekki orðið við erindi frá gönguhópnum Club 1010. Hópurinn skoraði á Akureyrarbæ að aðstoða Félag eldri borgara á Akureyri um kaup á húsnæði við Hólabraut þar sem áður var ÁTVR fyrir starfsemi félagsins. Húsnæðið er við Hólabraut. Starfsemi Vínbúðarinnar var flutt á Norðurtorg en til stendur að selja húsið við Hólabraut. -
Hagnaður af rekstri Sparisjóðs Þingeyinga 179 milljónir króna
Aðalfundur Sparisjóðs Þingeyinga var haldinn 28. apríl s.l. á Fosshótel Húsavík. Rekstur Sparisjóðsins gekk vel á síðasta ári, hagnaður af starfseminni var 226 milljónir króna fyrir skatta og hagnaður eftir skatta var 179 milljónir króna. Um síðustu áramót voru heildareignir sparisjóðsins 14,7 milljarðar króna og hafa aukist um 1.553 milljónir á milli ára. Innlán voru á sama tíma um 12,8 milljarðar. Eigið fé sparisjóðsins var 1,5 milljarður í árslok og lausafjárstaða er sterk. -
Langþráður skeljasandur skilar sér til hafnar.
Skollans langri bið eftir skeljasandi lokið. 1250 tonnum landað í s.l. viku á Dalvík og Krossanesi og farmi ekið til 24 bænda til kölkunar við jarðvinnslu eða á tún. Auk þess fengu bændur í S-Þing. rúm 900 tonn og 340 tonn eru á leið til Reyðarfjarðar sem fer upp á Hérað. Mikilvægt er til að tryggja góð vaxtarskilyrði plantna með réttu sýrustigi jarðvegs þar sem ódýrasta leiðin er að nota skeljasand til kölkunar. -
Heitaloftsþurrkun fiskafurða á Laugum Starfsleyfi framlengt til 15. nóvember
Starfsleyfi Samherja fyrir heitaloftsþurrkun fiskafurða á Laugum í Reykjadal verður framlengt um 6 mánuði og gildir til 15. nóvember næstkomandi. Heilbrigðisnefnd Norðurlands hefur samþykkt framlengt starfsleyfi. -
Grófin fær styrk
Grófin Geðrækt á Akureyri hefur fengið styrk frá Rafiðnaðarsambandi Íslands upp á 500 þúsund krónur. -
Umgengni afleit og ásýnd verulegt lýti í umhverfinu
„Það er búið að ganga frá deiliskipulagi og framkvæmdaleyfi vegna geymslusvæðis liggur sömuleiðis fyrir. Því ætti ekkert að vera því að vanbúnaði hefja framkvæmdir við geymslusvæði og flytja þá hluti sem hafa varðveislugildi inn á svæðið í framhaldi af því,“ segir Leifur Þorkelsson framkvæmdastjóri Heilbrigðiseftirlits Norðurlands um ástand mála hjá fyrirtækinu Skútabergi á Moldhaugnahálsi.
