Að jafnaði eru einn til þrír á götunni á Akureyri
Færst hefur í vöxt að einstaklingar séu heimilislausir á Akureyri en á Norðurtanga verður reyst bráðabirgðalausn fyrir þann hóp. Mynd/Mþþ.
Á undanförnum árum hefur færst í vöxt á Akureyri að einstaklingar séu utangarðs og/eða heimilislausir. Þetta segir Guðrún Sigurðardóttir sviðsstjóri fjölskyldusviðs Akureyrarbæjar. „Þeir sem eru beinlínis heimilislausir á götunni eða búa á ýmsum stöðum í óþökk annarra geta verið frá einum og upp í þrjá aðila,“ segir Guðrún.
Eins og Vikudagur greindi frá fyrir skemmstu hefur skipulagsráð Akureyrarbæjar samþykkt að veita vesturhluta lóðarinnar númer sjö við Norðurtanga til að reisa smáhýsi tímabundið til tveggja ára til að leysa búsetuúrræði fyrir heimilislausa.
„Það sem er sameiginlegt þessum hópi er að einstaklingarnir glíma við fjölþættan vanda, gjarnan langt gengna fíknisjúkdóma ásamt hegðunar og/eða geðröskunum af einhverju tagi,“ segir Guðrún.
Hún segir vanda þessa hóps vera með þeim hætti að hann getur illa búið í nábýli við aðra, s.s. í venjulegum fjölbýlishúsum. „Bæjarfélagið hefur ákveðnar skyldur við þá sem ekki geta útvegað sér húsnæði á eigin forsendum og þarf þess vegna að huga að húsnæði fyrir fólk í þessari stöðu.“
Guðrún segir að þrátt fyrir mikinn vanda þessa hóps sé unnið að endurhæfingu einstaklinga eftir því sem mögulegt er og reynt að samhæfa heilbrigðis- og félagskerfið sem bæði þurfa að koma að málum ef vel á að vera.
„Í hverju tilviki er m.a. unnið að lausnum í húsnæðisvanda viðkomandi og samhliða sett inn sú þjónusta sem metin er nauðsynleg. Með þennan hóp í huga stendur til að bærinn komi upp tveimur litlum einbýlishúsum sem eru hugsuð sem tímabundin lausn fyrir þá sem á þurfa að halda. Staðsetning húsanna á lóð á hafnarsvæðinu á Norðurtanga er bráðabirgðalausn sem hugsuð er til að flýta fyrir úrlausn mála á með-
an unnið er að varanlegri lausnum,“ segir Guðrún.
Við val á staðsetningu var m.a. horft til þess að Norðurtanginn er í göngufæri við nauðsynlega þjónustu, s.s. matvöruverslanir og almenningssamgöngur.
Nýjast
-
Skýr og lausnamiðuð afstaða Framsóknar til veiðigjalda
Framsókn hefur tekið skýra og málefnalega afstöðu í umræðunni um veiðigjöld. Við styðjum heilshugar réttmæta kröfu samfélagsins um að sameiginleg sjávarauðlind þjóðarinnar skili arði sem gagnast samfélaginu öllu. Hins vegar skiptir máli hvernig það er gert. Óvönduð skattheimta getur skaðað atvinnulíf, dregið úr nýsköpun og veikt byggðir sem byggja afkomu sína á sjávarútvegi. -
Farsæld í brennidepli – öll eru velkomin! Sjónaukinn 2025
Í heimi þar sem hraði breytinga og flókin samfélagsmál eru daglegt brauð, skiptir máli að staldra við og beina sjónum að því sem skiptir mestu máli: farsæld fólks. Ráðstefnan Sjónaukinn 2025, sem haldin verður við Háskólann á Akureyri dagana 19. og 20. maí, leitast við að varpa ljósi á fjölbreyttar leiðir til að efla samfélagslega velferð og vellíðan. Undirtónn ráðstefnunnar er skýr: Við höfum öll hlutverki að gegna – og með samvinnu getum við skapað samfélag þar sem enginn er skilinn eftir. -
Vel heppnaður Súpufundur atvinnulífsins haldinn á Múlabergi
Í hádeginu í gær fór fram vel heppnaður Súpufundur atvinnulífsins á Múlabergi, Hótel KEA, þar sem stjórnendur um fimmtíu fyrirtækja og stofnana komu saman til að ræða framtíð atvinnulífsins á svæðinu. -
Ársfundur HSN Jákvæð þróun þrátt fyrir áskoranir í rekstri
Ársfundur Heilbrigðisstofnunar Norðurlands (HSN) fór fram í Hofi á Akureyri þriðjudaginn 13. maí 2025. Þar voru kynntar niðurstöður fyrir rekstrarárið 2024. Þrátt fyrir áskoranir í rekstri varð þó mjög jákvæð þróun í starfsemi, þjónustu og mannauðsmálum sem gefur tilefni til bjartsýni fram veginn. -
Auðlindirnar í þjóðareign.
Margir biðu spenntir eftir því að Alþingi tæki til starfa eftir páskafrí þingmanna og ég var þeirra á meðal. Á dagskrá þingsins voru hugmyndir um að hækka talsvert skatta sem lagðir eru á sjávarútveginn umfram aðra atvinnuvegi. Mér fannst þetta áhugaverð hugmynd og hlakkaði til að hlusta á upplýsandi umræðu um auðlindir og auðlindanýtingu. Ég kom mér því notalega fyrir við sjónvarpsskjáinn áður en Silfrið byrjaði í sjónvarpi Ríkisútvarpsins fyrsta mánudag eftir frí þingmanna. -
Fimm tilboð í göngubrú
Fimm tilboð bárust í byggingu á nýrri steinsteyptri göngubrú í götustæði Borgarbrautar, auk stígagerðar að aðliggjandi stígum, uppsetningu á grjótkörfum, stoðveggjum og uppsetningu á lýsingu. -
Feðgar útskrifast með stúdentspróf
Upp er runninn síðasti kennsludagur þessarar vorannar 2025. Í mörg horn hefur verið að líta síðustu daga fyrir bæði kennara og nemendur enda þarf að ljúka við hin ýmsu verkefni og einnig eru próf í mörgum námsáföngum. Fram undan eru námsmatsdagar og punkturinn verður síðan settur yfir i-ið með brautskráningu í Menningarhúsinu Hofi laugardaginn 24. maí. -
Nýtt diplómanám við HA fyrir fólk með fjölþættar stuðningsþarfir
Háskólinn á Akureyri leitar að brautryðjendum sem langar að taka þátt í spennandi þróunarverkefni og hefja nám við skólann. -
Krúttlegasta hjólamót árins haldið á Akureyri á sunnudaginn
Krónan, Akureyrardætur og Hjólreiðafélag Akureyrar standa fyrir hjólamóti fyrir krakka á aldrinum 2 til 12 ára og fer mótið fram í Kjarnaskógi sunnudaginn 18. maí næstkomandi. Um er að ræða fyrsta hjólamótið sem Krónan heldur á Akureyri en mótið er haldið að fyrirmynd Krónumótsins í Öskjuhlíð sem er orðinn árlegur viðburður í september ár hvert. Skráning á mótið er hafin og eru öll börn velkomin.