Áberandi fleiri erlendir ferðamenn í innanlandsfluginu
Ari Fossdal stöðvarstjóri Flugfélags Íslands á Akureyrarflugvelli, afgreiðir farþega á leið til Reykjavíkur.
Flugið gekk vel á liðnu ár, það er hæg og stöðug aukning, segir Ari Fossdal stöðvarstjóri Flugfélags Íslands á Akureyrarflugvelli. Í heild nam aukning í innanlandsflugi félagsins um 2%, en aukningin varð heldur meiri á leiðinni Reykjavík-Akureyri. Að venju var mikið um að vera í fluginu fyrir jól og áramót og fjöldi farþega mikill, en vegna veðurs þurfti að fella niður flug á aðfangadag.
Ari segir að veður hafi þó almennt ekki sett mikið strik í reikninginn hvað flugið varðar árið 2011. Hvað frakt varðar var hún svipuð að magni á nýliðnu ári miðað við fyrra ár, en að venju var líflegt í fraktinni um jólin að sögn Ara. Það var mikið að gera hjá okkur og allt gekk vel. Áberandi fleiri erlendir ferðamenn hafa ferðast með Flugfélagi Íslands í ár miðað við fyrri ár, en Ari segir að bæði nú í vetur og eins á komandi mánuðum sé töluverð aukning á ferðalögum erlendra gesta. Erlendir ferðamenn hafa verið töluvert á ferðinni undanfarna mánuði og eins sjáum við á bókunum fram í tímann, bæði nú á næstu mánuðum og eins allt fram á sumar að þeir eru mikið á ferðinni. Það er ánægjuleg viðbót.
Flugfélag Íslands mun í sumar fljúga leiguflug fyrir Icelandair milli Akureyrar og Keflavíkur og ganga bókanir vel, en farþegar í því flugi eru bæði heimamenn og útlendingar. Við sjáum fram á vel merkjanlega aukningu hjá okkur vegna þessa tengiflugs, en bókanir eru hafnar og þær lofa góðu, segir Ari. Öflugt kynningarstarf undanfarin misseri er að skila sér, bæði hjá Flugfélaginu og eins Icelandair og þá nefnir Ari að fjöldi flugfélaga hafi Keflavíkurflugvöll sem áfangastað og það þýði að fleiri eru á ferðinni. Ferðamenn eru svo hægt og bítandi að skila sér í auknum mæli norður í landi.
Átakið Skemmtum okkur innanlands er sem fyrr í fullum gangi og gengur vel. Það er unnið í samstarfi við hótel á Akureyri og leggur jafnan fjöldi fólks leið sína norður í land yfir vetrartímann sér til skemmtunar. Þá nefnir Ari að sífellt sé verið að bæta vef flugfélagsins, en mikill meirihluti bókana fari í gegnum hann. Stór hluti okkar viðskiptavina bókar flugferðina í gegnum netið enda er það alltaf ódýrast, segir hann.
Nýjast
-
Íshokkí í aldarfjórðung 25 ár frá stofnun kvennaliðs SA í íshokkí
„Þetta er ein hraðasta íþrótt í heimi. Ég hef lýst henni á þann veg að leikmaður er í 100 metra hlaupi á fullum hraða, gefi allt í sprettinn, með 10-15 kg aukalega á sér ásamt því að tveir menn hangi á honum. Það þarf að huga að kylfu og hvar pökkurinn er auk þess sem farið er um á örmjóu blaði. Íshokkí reynir mjög mikið á leikmenn, þeir þurfa að vera í góðu formi, sterkir og hafa gott jafnvægi,“ segir Jónína Margrét Guðbjartsdóttir. Hún var ein af þeim konum sem tók þátt í að stofna kvennalið Skautafélags Akureyrar fyrir 25 árum og er enn að, spilar með og þjálfar að auki U16 kvenna hjá félaginu -
Einstök upplifun í Grobbholti
-Sauðfjárbúið á Húsavík sem dregur að sér hundruði gesta á hverju vori -
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu.