Á að sameina meistaraflokka Þórs og KA í knattspyrnu?
Í síðasta tölublaði Vikudags talar Björgólfur Jóhannesson, forstjóri Icelandair Group, fyrir sameiningu meistaraflokka félaganna í knattspyrnu og bendir á hversu vel hafi tekist til með sameiningu kvennaliða félaganna og handboltans. Þá nefnir hann baráttu félaganna fyrir sömu peningunum sem ættu þá að nýtast einu liði betur en tveimur.
Tilgangurinn með sameiningu félaganna hlýtur fyrst og fremst að snúast um að búa til eitt gott knattspyrnulið sem gæti blandað sér í topp- baráttuna.
Ég efast satt besta að segja um að við getum stillt upp einu góðu liði úr þeim leikmönnum sem nú spila með sitthvoru félaginu. Góðu og þá meina ég breiðum hópi leikmanna sem gætu barist um efstu sætin í úrvalsdeild.
Þá kemur krafan um að fá betri leikmenn sem kosta sitt.
Með einu liði og öllum þeim peningum (og hugsanlega meiri peningum) sem þau hafa úr að spila mætti styrkja það með enn betri innlendum eða erlendum leikmönnum en nú skipa liðin eða einfaldlega halda okkar bestu mönnum lengur heima sem nú eru margir lykilmenn í liðum á höfuðborgarsvæðinu.
Vandamálið eða eigum við að segja lúxusvandamálið er að ekkert bæjarfélag heldur úti jafn fjölbreyttri flóru íþróttagreina eins og Akureyri og samkeppnin um fjármuni er mikil. Þótt liðin væru sameinuð í eitt þá myndi samt sem áður annað knattspyrnulið verða til í bænum sem myndi gera kröfu um aðstöðu og peninga rétt eins og önnur íþróttafélög.
Það er óhjákvæmilegt m.v. þann fjölda sem hefur áhuga á að spila fótbolta þótt þeir vilji ekki leggja allt undir og æfa í líkingu við það sem ætlast er til í efstu deild. Við sjáum það í dag hvernig nágrannaliðin eru skipuð þ.e. á Grenivík, Dalvík og fleiri félögum á svæðinu.
Hin hliðin á málinu er svo þessi félagslega sýn og hvernig menn næðu sáttum um æfingaraðstöðu, heimavöll, og vinnuframlag. Handboltinn spilar í Höllinni sem kalla má hlutlaust svæði.
Eðlilegast væri því að spila á Akureyrarvelli með sameiginlegt knattspyrnulið með tilheyrandi viðbótarkostnaði.
Kostnaði sem væntanlega mun lenda að hluta á svæðum félaganna að óbreyttu.
Hvar stend ég þá varðandi sameiningu liðanna???? Satt best að segja hef ég efasemdir um ávinninginn en myndi vilja sjá vel ígrunduð fjárhagsleg- og félagsleg rök fyrir sameiningu áður en ég legði endanlegan dóm á hugmyndina.
Benedikt Guðmundsson.
Höfundur er áhugamaður um íþróttir.
Nýjast
-
Guðmundur Ármann opnar sýningu laugardaginn 3. til 31. maí í Bergi, menningarhúsi Dalvíkinga
Á sýningunni, sem ber yfirskriftina Yrkja II, verða um 19 málverk máluð á árunum 2021 til 2025. Einnig nokkrar teikningar. Þessi sýning er í beinu framhaldi af sýningu minni á Bergi 2022 um sama yrkisefni. -
Bernskuheimilið mitt eftir Ólöfu Sigurðardóttur frá Hlöðum
Flóra Menningarhús í Sigurhæðum á Akureyri hefur hafið söfnun á Karolina Fund fyrir útgáfu á bókinni Bernskuheimilið mitt eftir Ólöfu Sigurðardóttur frá Hlöðum (1857-1933). Árið 1906 fékk Ólöf birta grein í tímaritinu Eimreiðinni undir heitinu Bernskuheimilið mitt sem telst vera fyrsti sjálfsævisögulegi þáttur íslenskrar konu. Greinin vakti á sínum tíma mikla athygli. Það að kona fjalli opinberlega og opinskátt um líf sitt og fjölskyldu sinnar má kalla uppreisn á þessum tíma "þegar konur áttu að standa vörð um heiður fjölskyldunnar, meðal annars með þagmælsku um eigin hagi og með því að þegja alltaf um það sem fór úrskeiðis" (Raghneiður Richter, Íslenskar konur-ævisögur, s. 11). Verkið hefur aldrei verið gefið út á bók en nú verður bætt úr því. Hægt er að styðja verkefnið og kaupa bækur í forsölu hér: https://www.karolinafund.com/project/view/6459 -
Metfjölda notaðra snjalltækja skilað inn hjá Elko
Með tilliti til sjálfbærni var árið 2024 sögulegt fyrir ELKO – sérstaklega á Akureyri þar sem viðskiptavinir skiluðu inn og keyptu alls 400 notuð snjalltæki. Þetta gerir árið að metári í viðskiptum með notuð raftæki í versluninni þar í bæ. -
Kostuleg klassík með Sinfóníuhljómsveit Westmont-háskóla í Kaliforníu
Sinfóníuhljómsveit Westmont-háskóla í Kaliforníu er væntanleg til landsins á vormánuðum. Hún leikur á þrennum tónleikum í maí. Aðgangur er ókeypis á þá alla en sækja þarf miða á tix.is: -
Opið fyrir umsóknir í Slipptöku Driftar EA 2025
Drift EA hefur opnað fyrir umsóknir í Slipptökuna (e. Test Drive) 2025. Í Slipptökunni felast fjórar kraftmiklar vinnustofur fyrir frumkvöðla og teymi með hugmyndir sem eru tilbúnar á næsta stig. Slipptakan endar á formlegri kynningu verkefnanna þar sem valin verkefni komast áfram í Hlunninn. -
Þorsteinn Kári gefur út Skuggamynd
Lagið var hljóðritað að mestu leyti á Akureyri síðla árs 2023, en trommurnar voru hljóðritaðar í Berlín. Upptöku á Akureyri stjórnaði Þorsteinn Kári sjálfur, en tökum á trommum stjórnuðu Jón Haukur Unnarsson ásamt Nirmalya Banerjee. -
Fjármögnun lokið á nýrri landeldisstöð Samherja
Samherji fiskeldi ehf., dótturfélag Samherja hf., hefur lokið fjármögnun fyrsta áfanga Eldisgarðs, nýrrar landeldisstöðvar við Reykjanesvirkjun, með útgáfu nýs hlutafjár og sambankaláni. Fjármögnun fyrsta áfanga nemur 235 milljónum evra, jafnvirði 34 milljarða króna. Eitt hundrað ný störf verða til í stöðinni og annar eins fjöldi afleiddra starfa. Stefnt er að því að taka stöðina í notkun á fyrsta ársfjórðungi 2027. -
Ný bók frá Gunnari J. Straumland
Út er komin hjá bókaútgáfunni Sæmundi ný bók eftir Húsvíkinginn Gunnar J. Straumland. -
Hvatningarverðlaun BSE vegna ársins 2024
Fátt er mikilvægara fyrir íslenskan landbúnað en hafa baráttufólk sem berst með oddi og egg fyrir framtíð og starfsskilyrðum greinarinnar.
