Um 2000 manns sóttu fjölbreytt helgihald jóla og aðventu í Akureyrar- og Laugalandsprestakalli
Í kringum 1500 manns komu í Akureyrarkirkju, um 400 sóttu þjónustu í kirkjunum frammí firði og aðrir á viðburðum hér og þar á svæðinu. Samtals sóttu 5336 viðburði, þjónustu og starf í prestakallinu í desember þannig að næg voru verkefnin hjá prestum og starfsfólki Akureyrarkirkju.
Eins og fyrri ár þá var mikið um viðburði fyrir börnin með þátttöku þeirra. Aðventuhátíð barnanna, Jólaævintýrið, helgileikurinn fluttur og jólaball annan í jólum svo fátt eitt sé nefnt. Það var jólaljóðastund og síðast en ekki síst alveg stórglæsilegir jólatónleikar kirkjukóranna sem voru fluttir fyrir pakkfullu húsi. Árið endaði og nýtt ár hófst með samvinnuverkefni Glerárkirkju og Akureyrarkirkju þar sem messa safnaðanna á Akureyri var á gamlársdag í Glerárkirkju og á nýársdag í Akureyrarkirkju.
Hvað stendur upp úr persónulega hjá prestunum?
Hildur Eir Bolladóttir, sóknarprestur sagði minningarstundina í Höfðakappellu á Þorláksmessu standa hjarta hennar nærri, fjölgað hafi í stundinni jafnt og þétt síðan hún var sett á að frumkvæði Samhygðar og nú Sorgamiðstöðvar Norðurlands. Í ár var fullt hús af fólki sem í sameiningu studdi hvort annað að takast á við missinn sem við finnum oft sárast fyrir á jólunum.
Séra Jóhanna Gísladóttir sagði aðventukvöldið í Grundarkirkju hafa verið töfrum líkast. Góð mæting, mikil gleði og þétt stemning, vekjandi hugvekja flutt af Sveinbjörgu Sveinsdóttur og kórinn hafi átt stórleik og söng í stundinni. Virkilega ánægjuleg stund og nærandi. Hún bætir við að helgihald aðfangadagskvölds í Grundarkirkju og jóladags í Kaupangskirkju eigi sinn fasta stað í hjartanu og tekst alltaf að standa upp úr á hverju ári, ár eftir ár!
Allt er nýtt fyrir séra Aðalsteini Þorvaldssyni sem nefndi miðnæturmessuna í Akureyrarkirkju sem var í fyrsta skipti á 15 ára ferli sem hann messar á þessum tíma. Svo voru það messur annan í jólum, fyrst í Hólakirkju og var þá í fyrsta skipti að messa frammí firði. Hann rétt náði 5 mínútur fyrir messu að komast í hús en huggaði sig við það að fólk myndi sennilga hinkra eftir prestinum. Eftir messu var boðið í kaffi á Vatnsenda og þaðan var farið í Minjasafnskirkjuna að messa og Bjarnatónið þanið.
Prestarnir þrír eru sammála um að hápunktur hafi verið móttaka barna í Jólaævintýrið í Akureyrarkirkju sem var stýrt af Sigrúnu Mögnu Þórsteinsdóttur, organista, og Sonju Kro, æskulýðsfulltrúa. Börn í 1. bekk komu og voru leidd í gegnum jólasöguna með ferðalagi um kirkjuna þar sem þau klæddu sig upp og tóku á sig persónur jólasögunar og hittu engla, keisara og gistihúsaeiganda. Upplifun okkar prestanna með börnunum var ekki minni en barnanna, gott ef hún var ekki bara meiri.
Prestar, sóknarnefndir og starfsfólk safnaðanna þakkar öllum fyrir komuna og góðar stundir saman.
Nýjast
-
Löngu tímabært að taka þetta samtal
-Segir Huld Hafliðadóttir, einn af stofnendum SVÍVS um Málþing um framtíð Skjálfandaflóa á Húsavík -
Aðalsteinn Árni heiðraður fyrir vel unninn störf í þágu verkafólks
Á fjölmennum hátíðarhöldunum á Húsavík í dag í tilefni af 1. maí var Aðalsteinn Árni Baldursson formaður Framsýnar heiðraður sérstaklega fyrir vel unninn störf í þágu félagsmanna Framsýnar og samfélagsins alls en hann hefur verið mjög áberandi í umræðunni um verkalýðsmál í þrjá til fjóra áratugi. Var hann sæmdur gullmerki félagsins fyrir óeigingjörn störf í þágu félagsins. Hátíðargestir stóðu upp og klöppuðu fyrir honum vel og lengi. Hér má lesa ávarp varaformanns félagsins -
Fjölmenn hátíðarhöld á Húsavík
Nú kl. 14:00 hófust hátíðarhöld á Húsavík í tilefni af 1. maí. Mikið fjölmenni er samankomið á Fosshótel Húsavík þar sem hátíðarhöldin fara fram. Boðið er upp á magnaða dagskrá, tónlist, barátturæður og kaffihlaðborð. Hér má lesa hátíðarræðu formanns Framsýnar, Aðalsteins Árna, sem er ekki hefðbundin í ár þar sem hann fagnar 30 ára starfsafmæli. Hér má lesa ræðuna: -
Hreinsstöð fráveitu 100 tonn af rusli síuð frá
Hreinsistöð fráveitu Norðurorku hefur sannað gildi sitt en á þeim tíma sem hún hefur verið starfrækt hafa tæplega 100 tonn af rusli verið síuð úr fráveituvatninu sem annars hefðu endað út í sjó. Gerlamengun við strandlengju Akureyrar hefur í kjölfarið minnkað umtalsvert. Hreinsistöðin er því mikil umhverfisbót fyrir samfélagið allt við Eyjafjörð að því er fram kom á aðalfundi Norðurorku. -
Mannréttindaviðurkenning Akureyrarbæjar til Rauða krossins við Eyjafjörð
„Rauði krossinn byggir starf sitt umfram allt á framlagi sjálfboðaliða. Rauði krossinn á Íslandi og við Eyjafjörð hefur verið svo lánsamur að eiga á hverjum tíma aðgang að öflugum hópi sjálfboðaliða. Framlag þeirra til mannúðarmála verður seint metið til fjár. Vegna þessa sjálfboðna starfs er starfsemin í okkar samfélagi jafn öflug og raun ber vitni,“ sagði Þorsteinn Björnsson formaður deildarinnar þegar hann tók við viðurkenningunni. -
Opið í 113 daga og yfir 87 þúsund gestir
Skíðatíð í Hlíðarfjalli er lokið þennan veturinn. Alls var opið í 113 daga og gestafjöldi fór yfir 87 þúsund sem er meira en verið hefur undanfarin ár. -
Samanburður á gjaldskrám nokkurra sveitarfélaga
Öldungaráð Akureyrarbæjar ákvað að bera saman gjaldskrár nokkurra valinna sveitarfélaga vegna þjónustu við eldri borgara. Starfsmaður Akureyrarbæjar fékk það verkefni að taka þær saman. Síðan tóku fulltrúar EBAK í ráðinu við, bættu við atriðum og aðlöguðu að óskum sínum. -
Félagsgróðurhús og aðstoð við makaleit
Hugmyndir um hraðstefnumót og uppbyggingu á félagsgróðurhúsi litu dagsins ljós á fundum sem haldnir hafa verið í Stórutjarnarskóla og í Skjólbrekku. Mótun heildstæðrar stefnu fyrir Þingeyjarsveit stendur yfir um þessar munir og var boðað til fundanna í tengslum við þá vinnu. Einnig var rafrænn fundur haldinn fyrir allt sveitarfélagið. -
Akureyri og Fjallabyggð - Hátíðarhöld í tilefni af Verkalýðsdeginum
Stéttarfélögin við Eyjafjörð bjóða félagsfólki og fjölskyldum þeirra að taka þátt í hátíðardagskrá í tilefni af verkalýsdeginum þann 1. maí. Í ár er fylgt liði undir kjörorðunum Sterk hreyfing - Sterkt samfélag og er félagsfólk hvatt til þess að sýna samstöðu með því að fjölmenna í kröfugöngu.
Athugasemdir