Stíga út fyrir þægindarammann
Öll erum við mismunandi. En hversu öðruvísi megum við vera í dag án þess að vera talin skrýtin? Eru allir skrýtnir? Ég hef velt fyrir mér hvað mér finnst vera skrýtið og gagnrýnt hugsanir mínar í ræmur. Hinsvegar tel ég að allir tengi við það að óttast það á einhverjum tímapunkti í lífi sínu að passa ekki inn í hópinn. Langar ekki alla til að líða vel í samfélaginu ?
Til þess að okkur líði vel, sama hvernig við lítum út, klæðum okkur eða högum okkur, þurfum við að mæta skilningi. Við þurfum að byrja á börnunum og sem fullorðin að sýna þeim gott fordæmi. Við þurfum að byrja heima, við þurfum að endurhugsa hugsanir okkar og forrita heilann upp á nýtt. Eins erfitt og það hljómar þá er þetta svo mikilvægt fyrir framtíðarsamfélagið. Því eins og sést er nútímasamfélagið sem við öll lifum í er á leiðinni í þá átt að allir mega vera hvernig sem þeir vilja en í dag vantar að þeir sem eru hvernig sem er séu velkomnir hvert sem er hvenær sem er. Höfum við eitthvað betra að gera en að passa að afkomendur okkar og nútími á eftir okkar nútíma verði betri en hann er? Við þurfum að passa hvað við segjum, við þurfum að passa hvernig við högum okkur. Því allt hefur áhrif. Sama hvar, hvenær og með hverjum. Ég hugsa stundum um myndaseríu sem ég sá á instagram sem á svolítið vel um okkur sem mannverur. Það var stelpa sem sagðist ekki vera eins og aðrar stelpur. Hún var allt öðruvísi og fannst hlutir sem stelpunum fannst skemmtilegir ekki skemmtilegir. En síðan kynntist hún “stelpunum” og þá voru þær einstakar á sinn hátt eins og hún og sumar þeirra höfðu sömu áhugamál og hún. Við erum ósjálfrátt búin að ákveða og gera ráð fyrir, oft, hvernig aðrir eru út frá staðalímyndum og það er allt í lagi, það er algengt.
En við þurfum að tileinka okkur réttinn til þess að hafa rangt fyrir okkur. Því það er allt í lagi líka, að hafa rangt fyrir sér. Við þurfum að efast okkur sjálf og gagnrýna okkar eigin hugsanir. Við megum segja eitthvað og hætta við eða gera eitthvað og sjá eftir þeim en við þurfum bara að leyfa okkur að hafa rangt fyrir okkur og vera óhrædd að segja það. Fyrir nokkrum árum eignaðist bróðir minn kærustu. Mér fannst svo skrýtið að stundum þegar við töluðum saman eða vorum ósammála um eitthvað þá kom hún stundum svona hálftíma seinna eða klukkutíma seinna til mín og fór að tala um málið og var þá búin að endurhugsa það og var jafnvel ósammála sjálfri sér.
Ég var furðu lostin og skildi ekkert í þessu. Ég hafði nær aldrei upplifað það að fólk viðurkenndi að það hefði rangt fyrir sér og sérstaklega ekki við þann aðila sem það sagði skoðanir sínar við. Eftir þetta fór ég að taka þetta upp og tók eftir því að fólki finnst þetta svolítið furðuleg hegðun. En alltaf er eitthvað fyrst. Ekki vera hrædd við að gera eitthvað öðruvísi. Þannig þróumst við og þannig ýtum við samfélaginu út úr þægindarammanum. Vitur maður sagði nefnilega einhverntímann við mig „comfortzone’ið ykkar er deadzone” og ég hef reynt að tileinka mér þetta síðan þá. Ég vona að þið farið aðeins að draga hlutina í efa og farið út fyrir þetta venjulega því þá sjáið þið allt annan heim.
En til að enda þetta þá hef ég ákveðið að skora á góða vinkonu mína og frábærann penna, Sæunni Emiliu Tómasdóttur.
Takk fyrir mig.
-Ásthildur Ómarsdóttir
Nýjast
-
Mikil aukning á hótunum og beitingu á ofbeldi gagnvart lögreglu á Norðurlandi eystra.
,,Það er ljóst að það að hér er um grafalvarlega stöðu að ræða. Svar dómsmálaráðherra við fyrirspurninni sýnir okkur að þróunin á starfssvæði lögreglustjórans á Norðurlandi eystra er með þeim hætti að það er nauðsynlegt að bregðast við. Það er mikilvægt að greina þessa stöðu. Hver er ástæðan fyrir þessari miklu fjölgun á brotum gegn lögreglumönnum og opinberum starfsmönnum á þessu landsvæði það er Norðurlandi eystra“ segir Njáll Trausti Friðbertsson þingmaður og oddviti Sjálfstæðisflokksins í Norðausturkjördæmi. -
Boðskapur frá forsetaframbjóðanda
Það hafa kannski margir klórað sér í hausnum yfir þátttöku minni í forsetakosningunum þar sem ég stíg nú eins og landkönnuður á nýjum slóðum og tek með mér ný og fersk sjónarhorn, smá húmor og djúpstæða trú á mátt hins ómögulega. Ég er eflaust ekki hinn hefðbundni frambjóðandi en ég er án efa ferskur blær inn í flokk frambjóðenda og það er einmitt það sem gerir þetta stóra verkefni svo skemmtilegt og hvetjandi. -
Líf að færast í Holtahverfi
Líf er að færast í nýtt Holtahverfi norður, svæði á milli Krossanesbrautar og smábátahafnar í Sandgerðisbót. Húsin rísa hvert á fætur öðru og fyrstu íbúarnir hafa komið sér fyrir í nýjum íbúðum. Enn er eitthvað eftir af lóðum og er Akureyrarbær um þessar mundir að auglýsa par- og raðhúsalóðir lausar til úthlutunar, en m.a. eru nokkrar lóðir lausar við Álfaholt, Hulduholt og Þursaholt. -
Frú Ragnheiður - Færri í nálaskiptaþjónustu en fleiri komu í bílinn
Fjöldi einstaklinga sem leitaði til Frú Ragnheiðar árið 2023 var 51 í 584 heimsóknum en árið 2022 voru einstaklingarnir 46 í 412 heimsóknum. Af þessum fjölda voru 10 viðbragðsaðilar og einstaklingar sem leituðu til verkefnisins til að fá Nyxoid nefúðann. Ekki er því um fjölgun skjólstæðinga í nálaskiptaþjónustu að ræða en þeim fækkaði um fimm milli ára, úr 46 í 41. -
Götuhornið - Gamlingi á villigötum
Mig hefur lengi langað til að senda bréf til Götuhornsins. Mér hefur legið ýmislegt á hjarta og fannst það eiga fullt erindi til lesenda. Þetta hefur þó ekki getað orðið fyrr en nú vegna vandræða sem ég lenti í og þurfti að greiða úr. -
Fyrsta alþjóðlega hótelið á landsbyggðinni mun opna á Akureyri árið 2025
Fyrirhugað er að fyrsta alþjóðlega hótelið á landsbyggðinni mun opna á Akureyri 2025 undir merkjum Curio Collection by Hilton. Framkvæmdin verður í samvinnu við Bohemian Hotels. „Bohemian Hotels ehf., í samstarfi við Hilton, tilkynnir með stolti undirritun tímamótasamnings um byggingu og rekstur tveggja hágæða hótela á Íslandi. Þessir samningar marka ákveðin tímamót í hótelgeiranum á Íslandi og færa Akureyri gistingu og þægindi á heimsmælikvarða til jafns við Reykjavík" segir i tilkynningu frá Bohemian Hotels. -
Kuldatíð seinkar vorverkum
Talsverðar líkur er á að kal verði í túnum í Svarfaðardal en sennilega sleppa önnur svæði í héraðinu betur þó ekki sé það fullvíst. Kuldatíð seinkar vorverkum bænda og gæti í versta falli orðið til þess að spretta fari seinna af stað en vanalega, snjór er yfir öllum túnum og því ekki hægt að bera á. -
Goblin opnar á Glerártorgi
„Eins leitt og okkur þykir að yfirgefa fallega miðbæinn okkar, erum við afar spennt fyrir þessum flutningum og hlökkum til að bjóða viðskiptavini okkar velkomna á Glerártorgi,“ segja þau Þorsteinn Marinósson og Ásta Hrönn sem eiga Goblin. Starfsemin hefur verið við Brekkugötu undanfarin ár en flyst nú í rýmra húsnæði á Glerártorgi. -
Lystigarðurinn - Kostar meira að pissa
Gjald fyrir afnot af salernisaðstöðu í Lystigarðinum á Akureyri hækkar 1. maí næstkomandi, út 150 krónum eins og áður var í 300 krónur. Gjaldið verður endurskoðað við gerð gjaldskrár Umhverfis- og mannvirkjaráðs Akureyrarbæjar árlega.
Athugasemdir