Orð og athafnir
Eftir að hafa lesið mjög athyglisverða grein Hildar Jönu Gísladóttur í blaðinu fyrir hálfum mánuði rann upp fyrir mér sá helkaldi veruleiki að það telst til tíðinda að bæjarfulltrúi tjái sig opinberlega um mikilvægt málefni. Þeir gera það nánast aldrei, jafnvel þó þeir séu beðnir vinsamlega um að upplýsa íbúa og gera þeim betur kleift að átta sig á ýmsum ákvörðunum sem teknar eru innan veggja bæjarstjórnar. Þögnin hefur verið einkenni bæjarfulltrúa og þeir forðast síðustu árin að eiga orðastað við bæjarbúa um málefni sem skipta þá miklu máli. Það var því að vonum að margir trúðu vart sínum eigin skilningarvitum þegar bæjarstjórnin okkar tilkynnti á vefsíðu fyrir skömmu að til stæði að móta „sérstaka stefnu um íbúasamráð.” Þetta þótti mér svo ótrúlegt að ég vildu láta segja mér það þremur sinnum áður en ég trúði að þarna fylgdi hugur máli. Þess vegna óskaði ég eftir staðfestingu frá bæjarstjórn á því að hlustað yrði á hugsanleg viðbrögð bæjarbúa við þessum tillögum, þau rædd og síðan tekin ákvörðun í bæjarstjórn öfugt við það sem gert hefur verið í slíkum málum síðustu árin. Að öðrum kosti væri eins víst að ekkert yrði gert með athugasemdir frá íbúum og þær færu bara eins og undanfarin ár beint í stóra tætarann á bæjarkontórnum. Eins og vanalega var þessari litlu ósk ekki ansað, engin staðfesting að hlustað yrði á innsendar ábendingar í boði og það sem meira var: Ekki einn einasti bæjarfulltrúi tjáði sig opinberlega um þessar tillögur þeirra sjálfra né hvatti til umræðu um þær.
Ein afleiðing allrar þessarar deyfðar var sú að enginn blaða- eða fréttamaður spurði heldur spurninga um svo mikilvægt málefni, enginn þáttastjórnandi fjölmiðla efndi til umræðna um það og ekkert fjallað um tillögurnar með nokkrum hætti; aðeins þurr kynning á bæjarstjórnarfundi þar sem fjórir tóku til máls – búið.
Samráð við bæjarbúa um fjölbreytt málefni þessa samfélags okkar er vissulega mikilvægt. En þá verður líka að sýna þeim og tillögum þeirra lágmarks virðingu líkt og gerðist þegar fjölmennasta íbúaþing landsins árið 2004 lagði meginlínur hvernig ætti að endurbæta miðbæinn okkar. Það samráð kom hins vegar algjörlega að frumkvæði áhugafólks og fyrirtækja úti í bæ með átakinu Akureyri í öndvegi. Þá máttu stjórnvöld bæjarins eiga það að þau tóku tillögum íbúaþingsins fagnandi og lögðu þær til grundvallar við lokaákvörðun árið 2014. Á síðasta kjörtímabili hundsaði bæjarstjórn hins vegar allar meginlínur sem lagðar voru á íbúaþinginu sæla og samþykkti að fara allt aðra og ógæfulegri leið í miðbæjarskipulaginu án þess að hafa um það nokkurt samráð hvað þá samtal við bæjarbúa. Slétt sama um fyrirliggjandi ábendingar fjölmenns íbúaþings um grundvöll umrædds skipulags. Þegar þetta sama fólk boðar nú mikla og jákvæða byltingu um samvinnu við bæjarbúa þá þarf meira gáfnaljós en undirritaðan til að skylja heilindin þar á bak við.
Ragnar Sverrisson
kaupmaður
Nýjast
-
Mikil aukning á hótunum og beitingu á ofbeldi gagnvart lögreglu á Norðurlandi eystra.
,,Það er ljóst að það að hér er um grafalvarlega stöðu að ræða. Svar dómsmálaráðherra við fyrirspurninni sýnir okkur að þróunin á starfssvæði lögreglustjórans á Norðurlandi eystra er með þeim hætti að það er nauðsynlegt að bregðast við. Það er mikilvægt að greina þessa stöðu. Hver er ástæðan fyrir þessari miklu fjölgun á brotum gegn lögreglumönnum og opinberum starfsmönnum á þessu landsvæði það er Norðurlandi eystra“ segir Njáll Trausti Friðbertsson þingmaður og oddviti Sjálfstæðisflokksins í Norðausturkjördæmi. -
Boðskapur frá forsetaframbjóðanda
Það hafa kannski margir klórað sér í hausnum yfir þátttöku minni í forsetakosningunum þar sem ég stíg nú eins og landkönnuður á nýjum slóðum og tek með mér ný og fersk sjónarhorn, smá húmor og djúpstæða trú á mátt hins ómögulega. Ég er eflaust ekki hinn hefðbundni frambjóðandi en ég er án efa ferskur blær inn í flokk frambjóðenda og það er einmitt það sem gerir þetta stóra verkefni svo skemmtilegt og hvetjandi. -
Líf að færast í Holtahverfi
Líf er að færast í nýtt Holtahverfi norður, svæði á milli Krossanesbrautar og smábátahafnar í Sandgerðisbót. Húsin rísa hvert á fætur öðru og fyrstu íbúarnir hafa komið sér fyrir í nýjum íbúðum. Enn er eitthvað eftir af lóðum og er Akureyrarbær um þessar mundir að auglýsa par- og raðhúsalóðir lausar til úthlutunar, en m.a. eru nokkrar lóðir lausar við Álfaholt, Hulduholt og Þursaholt. -
Frú Ragnheiður - Færri í nálaskiptaþjónustu en fleiri komu í bílinn
Fjöldi einstaklinga sem leitaði til Frú Ragnheiðar árið 2023 var 51 í 584 heimsóknum en árið 2022 voru einstaklingarnir 46 í 412 heimsóknum. Af þessum fjölda voru 10 viðbragðsaðilar og einstaklingar sem leituðu til verkefnisins til að fá Nyxoid nefúðann. Ekki er því um fjölgun skjólstæðinga í nálaskiptaþjónustu að ræða en þeim fækkaði um fimm milli ára, úr 46 í 41. -
Götuhornið - Gamlingi á villigötum
Mig hefur lengi langað til að senda bréf til Götuhornsins. Mér hefur legið ýmislegt á hjarta og fannst það eiga fullt erindi til lesenda. Þetta hefur þó ekki getað orðið fyrr en nú vegna vandræða sem ég lenti í og þurfti að greiða úr. -
Fyrsta alþjóðlega hótelið á landsbyggðinni mun opna á Akureyri árið 2025
Fyrirhugað er að fyrsta alþjóðlega hótelið á landsbyggðinni mun opna á Akureyri 2025 undir merkjum Curio Collection by Hilton. Framkvæmdin verður í samvinnu við Bohemian Hotels. „Bohemian Hotels ehf., í samstarfi við Hilton, tilkynnir með stolti undirritun tímamótasamnings um byggingu og rekstur tveggja hágæða hótela á Íslandi. Þessir samningar marka ákveðin tímamót í hótelgeiranum á Íslandi og færa Akureyri gistingu og þægindi á heimsmælikvarða til jafns við Reykjavík" segir i tilkynningu frá Bohemian Hotels. -
Kuldatíð seinkar vorverkum
Talsverðar líkur er á að kal verði í túnum í Svarfaðardal en sennilega sleppa önnur svæði í héraðinu betur þó ekki sé það fullvíst. Kuldatíð seinkar vorverkum bænda og gæti í versta falli orðið til þess að spretta fari seinna af stað en vanalega, snjór er yfir öllum túnum og því ekki hægt að bera á. -
Goblin opnar á Glerártorgi
„Eins leitt og okkur þykir að yfirgefa fallega miðbæinn okkar, erum við afar spennt fyrir þessum flutningum og hlökkum til að bjóða viðskiptavini okkar velkomna á Glerártorgi,“ segja þau Þorsteinn Marinósson og Ásta Hrönn sem eiga Goblin. Starfsemin hefur verið við Brekkugötu undanfarin ár en flyst nú í rýmra húsnæði á Glerártorgi. -
Lystigarðurinn - Kostar meira að pissa
Gjald fyrir afnot af salernisaðstöðu í Lystigarðinum á Akureyri hækkar 1. maí næstkomandi, út 150 krónum eins og áður var í 300 krónur. Gjaldið verður endurskoðað við gerð gjaldskrár Umhverfis- og mannvirkjaráðs Akureyrarbæjar árlega.
Athugasemdir