Nú er það Norðurland!
Hulda Ragnheiður Árnadóttir.
Ert þú leiðtogi, stjórnandi eða rekur þú þitt eigið fyrirtæki? Eða ertu kannski brautryðjandi á þínu svæði?
Ég þekki það af eigin reynslu að það getur verið mikil áskorun að vera kona með stórar hugmyndir í litlu samfélagi. Ég hef oft hugsað til þess á síðustu árum hversu mikið ég vildi að það væri sterkari hefð fyrir því að konur standi saman, hampi hver annari og hvetji hver aðra áfram til góðra verka.
Ég hef notið þeirra forréttinda á síðustu árum að taka þátt í starfi Félags kvenna í atvinnulífinu (FKA). Það hefur reynst mér einstaklega vel að styrkja tengsl mín við aðrar konur sem eru í fararbroddi í atvinnulífinu og deila með þeim sigrum og áskorunum úr vinnuumhverfinu. Í þessum félagsskap hef ég eignast sterkar fyrirmyndir sem hafa verið mér mikil hvatning til að takast á við ný verkefni.
Það eru nokkur ár síðan ég heyrði að kraftaverkin gerðust ekki inni í þægindahringnum mínum. Ég heyrði líka að til þess að kraftaverkin gerðust þurfum við að stíga út úr þægindahringnum og út í óvissuna.
Eitt af þeim kraftaverkum ég hef upplifað við að stíga út út mínum þægindahringvar þegar ég gaf kost á mér sem formaður í FKA s.l. vor. Það gerði ég ekki síst af því að mig langaði m.a til að sjá meiri áherslu lagða á eflingu landsbyggðadeildanna. Ég bjó sjálf á Norðurlandi alla mína æsku og fyrri hluta fullorðinsára og veit hversu mikilvægt er að fá fleiri hugmyndir og virkari þátttöku inn í samfélagið. Félagskonur í FKA hafa einlægan áhuga á að efla allar konur í atvinnulífinu, jafnt á landsbyggðinni sem höfuðborgarsvæðinu. Við hvetjum konur til að lyfta hver undir aðra, styðja hver aðra með samstöðu, miðlun þekkingar og sameiginlegri sókn til að nýta tækifærin sem gefast til hins ítrasta.
Föstudaginn 14. febrúar erum við að koma til Akureyrar og ætlum að halda sannkallaðan FKA ORKUFUND, þar sem við hittumst, tengjumst, eflumst og gleðjumst. Ég og Andrea Róberts, framkvæmdastjóri FKA munum mæta með stjórnarkonunum Margréti Jónsdóttur Njarðvík, nýráðnum Rektor Háskólans á Bifröst og Sigríði Hrund Pétursdóttur, athafnakonu í byggingariðnaði. Við verðum á persónulegu nótunum ásamt því að ræða um hvernig landsbyggðardeildirnar geta haft aukin áhrif á stefnu FKA og viðburði sem eru framundan, bæði á hjá FKA Norðurlandi og á landsvísu. Við ætlum að sýna ykkur fram á að skíðamót á Siglufirði er frábært til að mynda tengslanet, jafnvel þó að maður kunni ekkert á skíði. Það er ekki það sem skiptir máli heldur ferðalagið til og frá skíðamótinu þar myndast tengslin.
Ef þú svaraðir einhverri af fyrstu þremur spurningunum játandi þá er þetta þitt tækifæri til að mæta og máta þig við FKA kl. 17.00, föstudaginn 14. febrúar á Hótel KEA. Þú ert svo sannarlega velkomin og við hlökkum til að hitta þig og fá tækifæri til að kynnast þér betur.
Nýjast
-
Götuhornið - Gamlingi á villigötum
Mig hefur lengi langað til að senda bréf til Götuhornsins. Mér hefur legið ýmislegt á hjarta og fannst það eiga fullt erindi til lesenda. Þetta hefur þó ekki getað orðið fyrr en nú vegna vandræða sem ég lenti í og þurfti að greiða úr. -
Fyrsta alþjóðlega hótelið á landsbyggðinni mun opna á Akureyri árið 2025
Fyrirhugað er að fyrsta alþjóðlega hótelið á landsbyggðinni mun opna á Akureyri 2025 undir merkjum Curio Collection by Hilton. Framkvæmdin verður í samvinnu við Bohemian Hotels. „Bohemian Hotels ehf., í samstarfi við Hilton, tilkynnir með stolti undirritun tímamótasamnings um byggingu og rekstur tveggja hágæða hótela á Íslandi. Þessir samningar marka ákveðin tímamót í hótelgeiranum á Íslandi og færa Akureyri gistingu og þægindi á heimsmælikvarða til jafns við Reykjavík" segir i tilkynningu frá Bohemian Hotels. -
Kuldatíð seinkar vorverkum
Talsverðar líkur er á að kal verði í túnum í Svarfaðardal en sennilega sleppa önnur svæði í héraðinu betur þó ekki sé það fullvíst. Kuldatíð seinkar vorverkum bænda og gæti í versta falli orðið til þess að spretta fari seinna af stað en vanalega, snjór er yfir öllum túnum og því ekki hægt að bera á. -
Goblin opnar á Glerártorgi
„Eins leitt og okkur þykir að yfirgefa fallega miðbæinn okkar, erum við afar spennt fyrir þessum flutningum og hlökkum til að bjóða viðskiptavini okkar velkomna á Glerártorgi,“ segja þau Þorsteinn Marinósson og Ásta Hrönn sem eiga Goblin. Starfsemin hefur verið við Brekkugötu undanfarin ár en flyst nú í rýmra húsnæði á Glerártorgi. -
Lystigarðurinn - Kostar meira að pissa
Gjald fyrir afnot af salernisaðstöðu í Lystigarðinum á Akureyri hækkar 1. maí næstkomandi, út 150 krónum eins og áður var í 300 krónur. Gjaldið verður endurskoðað við gerð gjaldskrár Umhverfis- og mannvirkjaráðs Akureyrarbæjar árlega. -
Bókakynning á Amtsbókasafninu á Akureyri á morgun.
Kristín Guðmundsdóttir höfundur bókarinnar Tólf lyklar verður með kynningu á bókinni á Amtsbókasafninu á morgun og hefst kynningin klukkan 15:30. Bókin er fyrir fólk af erlendum uppruna sem er búið með grunninn í íslensku. -
Barnamenningarhátíð á Akureyri
Barnamenningarhátíð á Akureyri er nú haldin í sjöunda sinn og hefur vaxið ár frá ári. Hátíðin teygir sig yfir allan aprílmánuð með það að markmiði að hvetja börn og fjölskyldur þeirra til að taka virkan þátt í menningarlífi bæjarins sér að kostnaðarlausu.Á dagskrá eru fleiri en 50 viðburðir af ýmsu tagi. -
Sigríður Örvarsdóttir nýr safnstjóri Listasafnsins
Sigríður Örvarsdóttir hefur verið ráðin nýr safnstjóri Listasafnsins á Akureyri. Sigríður er með MA gráðu í safnafræði frá Háskóla Íslands (2018), BA gráðu í textílhönnun frá Seminaret for Kunst og Haandværk í Danmörku (2001), ásamt meistaranámi í prjónahönnun frá Academie Royale des Beux-Arts (2014) og viðbótardiplómu í hagnýtri jafnréttisfræði frá Háskóla Íslands (2009). Auk þess er hún með kennsluréttindi í grunn- og framhaldsskóla (2001). Sigríður hefur starfað sem safnstjóri og forstöðumaður Menningarmiðstöðvar Þingeyinga frá árinu 2022 og veitir sem slík forstöðu Myndlistarsafni Þingeyinga en safneign þess telur um 1.900 verk. Í starfi sínu stýrir hún starfseminni og ber ábyrgð á öllum þáttum rekstrar, allri fjárhags- og verkefnaáætlanagerð, bókhaldi, mannauðsmálum, rekstri fasteigna og faglegu starfi sjö annarra safneigna og fjögurra sýningarstaða. Sigríður starfaði sem verkefnastjóri sýninga hjá Akureyrarbæ sumarið 2021. Í því starfi sinnti hún sýningagerð, rannsóknarvinnu og kynningarmálum. Árin 2019 til 2020 var hún sjálfstætt starfandi ráðgjafi við gerð safnastefnu Akureyrarbæjar. Hún gegndi starfi safnafulltrúa Listasafnsins á Akureyri árið 2012 og árin 2010 og 2012 starfaði hún sem verkefnastjóri samsýninga og ritstjóri safnahandbóka fyrir söfn á Norður- og Norðausturlandi. Árin 2008 til 2012 starfaði hún sem safnkennari við Minjasafnið á Akureyri. Sigríður hefur reynslu af kennslu í list- og hönnunargreinum á öllum skólastigum innan lands sem utan, m.a. hjá Listaháskóla Íslands og Marbella Design Academy á Spáni. Hún hefur tekið þátt í alheimsþingi ICOM, alþjóðaráðs safna og verið fulltrúi þess í Rannsóknarsetri í safnafræðum við Háskóla Íslands. Alls bárust 14 umsóknir um starfið. -
Virðist sem skorti pólitískan vilja
Stjórn og trúnaðarráð Framsýnar kom saman til fundar í gær. Mörg mikilvæg mál voru til umræðu á fundinum m.a. samgöngumál. Ákveðið var að hvetja Vegagerðina og stjórnvöld til að styðja við áætlunarflug um Húsavíkurflugvöll auk þess styðja betur við Loftbrúna sem skiptir íbúa á landsbyggðinni verulega miklu máli. Fjölga þarf ferðum sem menn geta nýtt sér á þessum sérstöku kjörum
Athugasemdir