Meira um svifrykið
Mikið hefur verið rætt og ritað undanfarið um mikla svifryksmengun sem mælst hefur hér á Akureyri. Sagt hefur verið lengi að naglar í dekkjum bíla Akureyringa séu stór þáttur í svifryki því, sem myndast hefur en annað kemur líka til og ekki minna. Fyrir stuttu datt einhverjum snillingnum í
hug að ausa söltum sjó í sandinn og drulluna án þess að hreinsa áður svo úr varð einn drullupyttur eins og margir tala um og útlit ökutækja bæjarbúa er eins og þeim hefði verið ekið í drullubaði daginn út og inn.
Andri Teitsson, bæjarfullltrúi frá L-listanum, kom líka fram í sjónvarpsviðtali og viðurkenndi að mælingar á svifriki sem komu svona illa út hefðu verið framkvæmdar áður en göturnar voru hreinsaðar. Ökumenn höfðu líka vart undan að þrífa bíla sína um þessar mundir. Haldin hefur verið mótmælafundur vegna ástandsins og stofnuð síða á netmiðlum þar sem notuð hafa verið miður sterk og niðrandi lýsingarorð, sem m.a. hafa farið fyrir brjóstið á Hildu Jönu bæjarfulltrúa að sagt er.
Þá vona ég að frú Ásthildur bæjarstjóri hafi bara verið að grínast þegar hún viðraði það að vonandi þyrfti ekki að setja takmarkanir á notkun bifreiða í bænum allavega tímabundið. Mig grunar að þar hafi frúin verið að vitna í mjög óábyrgt tal óvandaðra borgarfulltrúa meirihlutans í Reykjavík, sem hafa auðvitað ekki hugmynd um landslag hér á Akureyri og oft erfitt að aka í brekkunum þegar mikil hálka er á
vetrum. Öflugur götusópur er sagður væntanlegur en hann verður ekki kjaftaður norður því það þarf meira til en svoleiðis tæki er mjög sjaldséð á götum Akureyrar.
Það sem til þarf er að hreinsa skítinn af götunum og síðan smúla þær (hreinlega hvítþvo) og hættið svo að ausa sandi á göturnar á flatendinu eins og t.d. Glerárgötuna. Það þarf bara að sanda í mesta hallan upp á brekkurnar, sem svo þarf að sópa eftir þörfum. Þá segja mér fróðir menn að til sé harðara efni en nú er notað í malbikið og því ekki að nota það svo menn geti hætt að hrópa Úlfur, Úlfur , eða
réttara sagt Naglar, Naglar.
Ef rétt er með aðra blöndun á malbikinu myndi trúlega svifrykismengunin minnka verulega því ég á ekki von á að Akureyringar hætti að aka á nöglum, þeim mikla og góða öryggisbúnaði.
-Hjörleifur Hallgríms
Nýjast
-
Sólarhringssund hjá Óðinskrökkum
Hið árlega sólarhringssund iðkenda í Óðni stendur nú sem hæst. Einn sundamaður syndir í einu og er þetta því nokkurs konar boðsund. -
Fékk ekki að lækka gjaldskrárhækkanir Orkuveitu Húsavíkur
Á fundi stjórnar Orkuveitu Húsavíkur í vikunni var tekin fyrir tillaga Valdimars Halldórssonar, varaformanns þess efnis að dregið yrði úr fyrirhuguðum gjaldskrárhækkunum en Valdimar taldi næga innistæðu fyrir hendi til að lækka umrædda hækkun -
Banaslys í Eyjafjarðarsveit
Alvarlegt umferðarslys varð á Eyjafjarðabraut eystri , skammt norðan við Laugaland skömmu eftir kl. 13:00 í dag. Þarna hafði bíll lent út af og voru tveir aðilar sem í honum voru úrskurðaðir látnir á vettvangi. Lögreglan á Norðurlandi eystra fer með rannsókn málsins og er hún á frumstigi og ekki frekari upplýsingar að hafa að sinni. -
Umferðarslys á Eyjafjarðarbraut eystri
Alvarlegt umferðarslys varð á Eyjafjarðabraut eystri , skammt norðan við Laugaland skömmu eftir kl. 13:00 í dag. Þarna hafði bíll lent út af og í honum voru tveir aðilar. Rannsókn á tildrögum slyssins stendur yfir á vettvangi og getur lögreglan ekki veitt frekari upplýsingar á þessu stigi málsins. -
Kirkjutröppurnar og gangstétt í Listagilinu
Framkvæmdir við kirkjutröppurnar eru hafnar að nýju eftir talsvert hlé og er búið að byggja yfir neðsta hluta trappanna, en þar er verið að vinna í húsnæði sem er undir tröppunum. Að því loknu verður hægt að hefja vinnu við sjálfar kirkjutröppurnar, þeirri vinnu hefur seinkað m.a. sökum þess að erfiðlega gekk að fá verktaka í verkefnið og það var umfangsmeira en var ráð fyrir gert. -
Hefur allt sem þarf
Fyrstu kynni mín af Höllu Tómasdóttur voru í tengslum við vinnustað þar sem hún kom einn dag og ræddi við hópinn. Þessi dagur breytti svolítið lífi mínu því þarna uppgötvaði ég í raun hvernig ég get tekið stjórn á eigin lífi. Halla varpaði á skjá mynd af vatnsglasi sem í var vökvi um það bil að miðju glasi. Hún talaði um viðhorf okkar og hvernig við tökumst á við það sem lífið færir okkur. -
Söngveisla í Glerárkirkju á sumardaginn fyrsta
Tíunda kóramót eldri borgara á Norðurlandi fer fram á morgun sumardaginn fyrsta. Fyrsta kóramót eldri borgara var haldið á Húsavík á lokadaginn 11 maí 2002 með þátttöku fimm kóra sem komu frá Húsavík, Akureyri, Dalvík, og Hrísey, Siglufirði og Skagafirði. -
Samherji og Ice Fresh Seafood á stærstu sjávarútvegssýningu heims
Alþjóðlega sjávarútvegssýningin Seafood Expo Global í Barcelona á Spáni opnaði í gær, 23. apríl. Sýningin er sú stærsta sinnar tegundar í heiminum á sviði veiða, vinnslu og sölu sjávarafurða. Samherji og Ice Fresh Seafood eru að venju með stóran og vel útbúinn bás, þar sem tekið er á móti gestum frá öllum heimshlutum og afurðir kynntar. Ice Fresh Seafood sér um að selja afurðir Samherja og fleiri fyrirtækja. -
Himinhátt innanlandsflug
Í samtölum mínum við fólk af landsbyggðinni um samgöngur og flug heyrist sífellt háværari umræða um hækkandi verð á flugferðum innanlands. Íbúum landsbyggðarinnar er orðið tíðrætt um að ekki fyrir svo löngu hafi það frekar borgað sig að keyra milli Akureyrar og Reykjavíkur ef þrír voru í bílnum. Í dag þurfi ekki einu sinni að hugsa sig um hvort eigi að keyra eða fljúga, jafnvel þó að Loftbrúin sé notuð og einungis einn sé á ferð. Fólk grínast með að það sé ódýrara að millilenda í London á leið sinni til Reykjavíkur, en það er sorgleg staðreynd að það er ekkert grín.
Athugasemdir