Hjól atvinnulífsins farin að snúast
Nú þegar veðrið hefur leikið við okkur og bansett veiran er hætt að halda okkur í gíslingu er ekki laust við að geðið lyftist og aukinnar bjartsýni gæti. Maður leyfir sér loks að trúa á framtíðina.
Þetta á ekki síst við í atvinnumálum í Norðurþingi en á þriðjudag fór fram íbúafundur á Fosshótel Húsvík þar sem áform um grænan iðngarð á Bakka voru kynnt.
Fjölgum eggjunum
Kófið reiddi Norðurþingi bylmingshögg í atvinnumálum með tilheyrandi þrengingum og áskorunum í rekstri hins opinbera. Átökin við veiruna ætti þó að kenna okkur mikilvæga og góða lexíu, þ.e. að fjölga eggjunum í körfunni.
Mikilvægasti atvinnuvegurinn á Húsavík er tvímælalaust ferðaþjónustan og iðnaðarstarfsemin á Bakka. Hvort tveggja má segja að hafi hrunið í kófinu þó ferðaþjónustan hafi kannski komið ögn betur út úr því en óttast var í fyrstu.
Lokun kísilverksmiðju PCC á Bakka var lamandi. Fjöldi fólks missti vinnuna, verktakar sem þjónusta verksmiðjuna misstu verkefni og hafnarsjóður varð fyrir gríðarlegu tekjutapi. Nú er verksmiðjan að ná vopnum sínum á ný og stutt í að mötun hefjist í síðari ofninum.
Áformin sem kynnt hafa verið um grænan iðngarð á Bakka eru áhugaverð og maður er farinn að leyfa sér að vona og trúa því að hér sé eitthvað verulega jákvætt að fara að gerast. Og auðvitað fagna ég því að áherslurnar í þessum áformum séu grænar.
Viðkomustaður eða áfangastaður?
Ferðaþjónustubær er eitt það fyrsta sem kemur upp í hugann þegar Húsavík á í hlut. Hvalaskoðunarfyrirtækin hafa séð til þess að bærinn hefur iðað af lífi á sumrin undanfarin 20 ár eða svo og þá er gaman að vera Húsvíkingur. En ég ætla að leyfa mér að segja að ferðaþjónustan í bænum hafi verið fremur einhæf. Hvalaskoðun á sjó og landi ásamt frábærum veitingastöðum, nokkrum mögnuðum rótgrónum verslunum, falleg kirkja og safn. Einhvern vegin svona var úrvalið af afþreyingu í bænum. Enda hefur Húsavík ávallt verið viðkomustaður ferðamanna, aldrei áfangastaður.
Þetta gæti þó verið að breytast; Húsavík hefur upp á sífellt meira að bjóða sem áfangastaður. Sjóböðin hafa gríðarlegt aðdráttarafl, hér er fyrsta flokks ráðstefnuhótel. Opnun Demantshringsins og nálægð við margar af fegurstu náttúruperlum landsins býður upp á tækifæri til sóknar. Markaðssetning ferðaþjónustunnar getur því hæglega farið að snúast um það að ferðamenn stoppi lengur í bænum en þeir hafa gert hingað til.
Skíðasvæði
Þá hafa verið umræður um skíðasvæðið við Reyðarárhnjúk og þær raddir hafa heyrst að sveitarfélagið ætti að byggja svæðið upp til að vera samkeppnishæft við Hlíðarfjall á Akureyri. Það væri göfugt verkefni sem myndi gera Húsavík að vinsælum áfangastað allt árið. Það er þó ekki raunhæft að Norðurþing sé tilbúið til að ráðast í slíkar fjárfestingar á næstu árum. En ef vel tekst til með uppbyggingu á Bakka, þá er aldrei að vita hvað gerist í kjölfarið, því öflugt og fjölbreytt atvinnulíf getur haft margfeldisáhrif út í samfélagið og fjárfestingagetu hins opinbera og einkaaðila.
Verum jákvæð.
Egill P. Egilsson
Nýjast
-
Banaslys í Eyjafjarðarsveit
Alvarlegt umferðarslys varð á Eyjafjarðabraut eystri , skammt norðan við Laugaland skömmu eftir kl. 13:00 í dag. Þarna hafði bíll lent út af og voru tveir aðilar sem í honum voru úrskurðaðir látnir á vettvangi. Lögreglan á Norðurlandi eystra fer með rannsókn málsins og er hún á frumstigi og ekki frekari upplýsingar að hafa að sinni. -
Umferðarslys á Eyjafjarðarbraut eystri
Alvarlegt umferðarslys varð á Eyjafjarðabraut eystri , skammt norðan við Laugaland skömmu eftir kl. 13:00 í dag. Þarna hafði bíll lent út af og í honum voru tveir aðilar. Rannsókn á tildrögum slyssins stendur yfir á vettvangi og getur lögreglan ekki veitt frekari upplýsingar á þessu stigi málsins. -
Kirkjutröppurnar og gangstétt í Listagilinu
Framkvæmdir við kirkjutröppurnar eru hafnar að nýju eftir talsvert hlé og er búið að byggja yfir neðsta hluta trappanna, en þar er verið að vinna í húsnæði sem er undir tröppunum. Að því loknu verður hægt að hefja vinnu við sjálfar kirkjutröppurnar, þeirri vinnu hefur seinkað m.a. sökum þess að erfiðlega gekk að fá verktaka í verkefnið og það var umfangsmeira en var ráð fyrir gert. -
Hefur allt sem þarf
Fyrstu kynni mín af Höllu Tómasdóttur voru í tengslum við vinnustað þar sem hún kom einn dag og ræddi við hópinn. Þessi dagur breytti svolítið lífi mínu því þarna uppgötvaði ég í raun hvernig ég get tekið stjórn á eigin lífi. Halla varpaði á skjá mynd af vatnsglasi sem í var vökvi um það bil að miðju glasi. Hún talaði um viðhorf okkar og hvernig við tökumst á við það sem lífið færir okkur. -
Söngveisla í Glerárkirkju á sumardaginn fyrsta
Tíunda kóramót eldri borgara á Norðurlandi fer fram á morgun sumardaginn fyrsta. Fyrsta kóramót eldri borgara var haldið á Húsavík á lokadaginn 11 maí 2002 með þátttöku fimm kóra sem komu frá Húsavík, Akureyri, Dalvík, og Hrísey, Siglufirði og Skagafirði. -
Samherji og Ice Fresh Seafood á stærstu sjávarútvegssýningu heims
Alþjóðlega sjávarútvegssýningin Seafood Expo Global í Barcelona á Spáni opnaði í gær, 23. apríl. Sýningin er sú stærsta sinnar tegundar í heiminum á sviði veiða, vinnslu og sölu sjávarafurða. Samherji og Ice Fresh Seafood eru að venju með stóran og vel útbúinn bás, þar sem tekið er á móti gestum frá öllum heimshlutum og afurðir kynntar. Ice Fresh Seafood sér um að selja afurðir Samherja og fleiri fyrirtækja. -
Himinhátt innanlandsflug
Í samtölum mínum við fólk af landsbyggðinni um samgöngur og flug heyrist sífellt háværari umræða um hækkandi verð á flugferðum innanlands. Íbúum landsbyggðarinnar er orðið tíðrætt um að ekki fyrir svo löngu hafi það frekar borgað sig að keyra milli Akureyrar og Reykjavíkur ef þrír voru í bílnum. Í dag þurfi ekki einu sinni að hugsa sig um hvort eigi að keyra eða fljúga, jafnvel þó að Loftbrúin sé notuð og einungis einn sé á ferð. Fólk grínast með að það sé ódýrara að millilenda í London á leið sinni til Reykjavíkur, en það er sorgleg staðreynd að það er ekkert grín. -
Sumardagurinn fyrsti í Sigurhæðum klukkan 13
Ferskustu listamennirnir í Pastel ritröð kynna verk sín:Nr. 37: Þorbjörg Þóroddsdóttir: Vögguvísuatómapar.Nr. 36: Egill Logi Jónasson: Hohner mér vel.Egill Logi aka Drengurinn fengurinn er tónlistar- og myndlistarmaður. Hann starfar á Akureyri og er hluti af listhópnum Kaktus.Þorbjörg Þóroddsdóttir er 19 ára ungskáld frá Akureyri. Hún varð stúdent frá MA í fyrra, stundaði nám við lýðháskóla á Jótlandi í haust og vinnur nú á leikskóla. Hún hefur unnið til þrennra verðlauna í ritlistarsamkeppni Ungskálda. -
Dr. Áslaug Ásgeirsdóttir skipuð rektor Háskólans á Akureyri
Dr. Áslaug Ásgeirsdóttir hefur verið skipuð sem rektor Háskólans á Akureyri frá og með 1. júlí næstkomandi. Skipan Áslaugar er samkvæmt ákvörðun Háskólaráðs frá 2. apríl síðastliðnum um að tilnefna hana sem næsta rektor skólans. Háskóla-, iðnaðar- og nýsköpunarráðherra samþykkti tillöguna og tekur Áslaug við rektorsstöðunni 1. júlí næstkomandi. Alls bárust fimm umsóknir um embættið en skipað er til fimm ára.
Athugasemdir