Er tími kattanna runninn upp?
Ragnar Sverrisson kaupmaður.
„Samstjórn býður upp á meðvirkni eins og sjá má í ákvarðanatöku bæjarstjórnar,” segir Snorri Ásmundsson leiðtogi kattaframboðsins á Akureyri. Meðvirkni af þessu tagi leiðir gjarnan af sér skeytingarleysi gagnvart viðhorfum þeirra sem standa utan hópsins eins og þeir bæjarbúar þekkja vel sem undanfarið hafa reynt að koma athugasemdum á framfæri við það sem ákveðið hefur verið innan bæjarstjórnar án samráðs við almenning. Þannig hefur núverandi bæjarstjórn þóst þess umkomin að svara ekki enda þótt á hana sé yrt og heldur ekki þegar tilteknir bæjarfulltrúar eru beðnir að svara opinberlega mikilvægum spurningum. Þeir einfaldlega svara ekki - rétt eins og þeir séu yfir það hafnir.
Nægir að nefna í því sambandi ítarlegar og málefnalegar fyrirspurnir frá Hildi Friðriksdóttur til Þórhalls Jónssonar um nýbyggingar við Tónatröð. Hann svaraði ekki einu orði. Fyrirspurnir mínar til Höllu Bjarkar Reynisdóttur sem tengjast breytingum á miðbæjarskipulaginu. Hún sá ekki ástæðu til að svara því kvaki. Fyrirspurnir og athugasemdir Árveigar Aradóttur um sömu breytingar – því var ekki ansað. Einnig má nefna þá staðreynd að nefnd undir forystu Hildar Jönu Gísladóttur lokaði sig af og gjörbreytti miðbæjarskipulaginu sem víðtæk sátt var um í bæjarstjórn árið 2014. Í því starfi var þess vandlega gætt að hafa ekki nokkurt einasta samráð við bæjarbúa hvað þá sérfræðinga á sviði bæjarskipulags.
Áfram væri hægt að greina frá áhugaleysi bæjarstjórnar síðustu árin að hafa raunhæft og eðlilegt samráð og samband við bæjarbúa.
Svo var það á síðasta ári að Eva Hrund Einarsdóttir bæjarfulltrúi fékk þá hugljómun að reglur um útigöngu katta væri kjörið málefni til að taka ákvörðun um í góðri samvinnu við bæjarbúa. Nokkrum mánuðum síðar var hún greinilega búin að gleyma öllu samráði við bæjarbúa og lagði einhliða til í bæjarstjórn þessa frægu tillögu um bann við útigöngu katta sem samþykkt var. Síðan hefur bærinn okkar verið aðhlátursefni um land allt.
Með hliðsjón af allri þessari meðvirkni í lokuðu bæjarkerfi er ekki að furða að nær þriðjungur kjósenda eigi erfitt með að gera upp hug sinn fyrir næstu bæjarstjórnarkosningar. Ekkert samráð haft við bæjarbúa eins og sannarlega var gert fyrir nokkrum árum um mikilvæg málefni. Engin ástæða til að svara málefnalegum spurningum hvað þá að gera tilraun til að útskýra fyrir bæjarbúum afdrifaríkar ákvarðanir. Svo er einn daginn talað um mikilvægi íbúalýðræðis en síðan teknar ákvarðanir bak við lokaðar dyr til þess að samstjórnin geti hangið áfram á horriminni í fullkominni meðvirkni.
Við þessar aðstæður þarf ekki að undra að margir kjósendur hugsi af fullri alvöru til kattaframboðsins á kosningadegi.
Ragnar Sverrisson
Nýjast
-
Mikil aukning á hótunum og beitingu á ofbeldi gagnvart lögreglu á Norðurlandi eystra.
,,Það er ljóst að það að hér er um grafalvarlega stöðu að ræða. Svar dómsmálaráðherra við fyrirspurninni sýnir okkur að þróunin á starfssvæði lögreglustjórans á Norðurlandi eystra er með þeim hætti að það er nauðsynlegt að bregðast við. Það er mikilvægt að greina þessa stöðu. Hver er ástæðan fyrir þessari miklu fjölgun á brotum gegn lögreglumönnum og opinberum starfsmönnum á þessu landsvæði það er Norðurlandi eystra“ segir Njáll Trausti Friðbertsson þingmaður og oddviti Sjálfstæðisflokksins í Norðausturkjördæmi. -
Boðskapur frá forsetaframbjóðanda
Það hafa kannski margir klórað sér í hausnum yfir þátttöku minni í forsetakosningunum þar sem ég stíg nú eins og landkönnuður á nýjum slóðum og tek með mér ný og fersk sjónarhorn, smá húmor og djúpstæða trú á mátt hins ómögulega. Ég er eflaust ekki hinn hefðbundni frambjóðandi en ég er án efa ferskur blær inn í flokk frambjóðenda og það er einmitt það sem gerir þetta stóra verkefni svo skemmtilegt og hvetjandi. -
Líf að færast í Holtahverfi
Líf er að færast í nýtt Holtahverfi norður, svæði á milli Krossanesbrautar og smábátahafnar í Sandgerðisbót. Húsin rísa hvert á fætur öðru og fyrstu íbúarnir hafa komið sér fyrir í nýjum íbúðum. Enn er eitthvað eftir af lóðum og er Akureyrarbær um þessar mundir að auglýsa par- og raðhúsalóðir lausar til úthlutunar, en m.a. eru nokkrar lóðir lausar við Álfaholt, Hulduholt og Þursaholt. -
Frú Ragnheiður - Færri í nálaskiptaþjónustu en fleiri komu í bílinn
Fjöldi einstaklinga sem leitaði til Frú Ragnheiðar árið 2023 var 51 í 584 heimsóknum en árið 2022 voru einstaklingarnir 46 í 412 heimsóknum. Af þessum fjölda voru 10 viðbragðsaðilar og einstaklingar sem leituðu til verkefnisins til að fá Nyxoid nefúðann. Ekki er því um fjölgun skjólstæðinga í nálaskiptaþjónustu að ræða en þeim fækkaði um fimm milli ára, úr 46 í 41. -
Götuhornið - Gamlingi á villigötum
Mig hefur lengi langað til að senda bréf til Götuhornsins. Mér hefur legið ýmislegt á hjarta og fannst það eiga fullt erindi til lesenda. Þetta hefur þó ekki getað orðið fyrr en nú vegna vandræða sem ég lenti í og þurfti að greiða úr. -
Fyrsta alþjóðlega hótelið á landsbyggðinni mun opna á Akureyri árið 2025
Fyrirhugað er að fyrsta alþjóðlega hótelið á landsbyggðinni mun opna á Akureyri 2025 undir merkjum Curio Collection by Hilton. Framkvæmdin verður í samvinnu við Bohemian Hotels. „Bohemian Hotels ehf., í samstarfi við Hilton, tilkynnir með stolti undirritun tímamótasamnings um byggingu og rekstur tveggja hágæða hótela á Íslandi. Þessir samningar marka ákveðin tímamót í hótelgeiranum á Íslandi og færa Akureyri gistingu og þægindi á heimsmælikvarða til jafns við Reykjavík" segir i tilkynningu frá Bohemian Hotels. -
Kuldatíð seinkar vorverkum
Talsverðar líkur er á að kal verði í túnum í Svarfaðardal en sennilega sleppa önnur svæði í héraðinu betur þó ekki sé það fullvíst. Kuldatíð seinkar vorverkum bænda og gæti í versta falli orðið til þess að spretta fari seinna af stað en vanalega, snjór er yfir öllum túnum og því ekki hægt að bera á. -
Goblin opnar á Glerártorgi
„Eins leitt og okkur þykir að yfirgefa fallega miðbæinn okkar, erum við afar spennt fyrir þessum flutningum og hlökkum til að bjóða viðskiptavini okkar velkomna á Glerártorgi,“ segja þau Þorsteinn Marinósson og Ásta Hrönn sem eiga Goblin. Starfsemin hefur verið við Brekkugötu undanfarin ár en flyst nú í rýmra húsnæði á Glerártorgi. -
Lystigarðurinn - Kostar meira að pissa
Gjald fyrir afnot af salernisaðstöðu í Lystigarðinum á Akureyri hækkar 1. maí næstkomandi, út 150 krónum eins og áður var í 300 krónur. Gjaldið verður endurskoðað við gerð gjaldskrár Umhverfis- og mannvirkjaráðs Akureyrarbæjar árlega.
Athugasemdir