Tónatröð magnað tækifæri fyrir Akureyri
Þórhallur Jónsson skrifar
Skipulagsráð samþykkti á fundi sínum þann 9.des 2020 að úthluta lóðunum við Tónatröð með öllum greiddum atkvæðum frá öllum flokkum með fyrirvara um að umsóknaraðilinn SS-Byggir mætti leggja fram hugmynd að uppbyggingu innan 2ja mánaða. Þá var SS-Byggi á sama fundi hafnað um lóðir við Austurbrú
og var lóðunum við Austurbrú og Hafnarstræti úthlutað með sömu fyrirvörum til annars aðila.
Á þessum tíma var verið að glíma við verulegan lóðaskort í bænum og Skipulagsráð var að bregðast við í góðri trú. Einbýlishúsalóðirnar í Tónatröð höfðu þá verið lausar í 11 ár og mátti byggja 3 hæðir með risi allt að 13,65m.
Oddviti Samfylkingarinnar óskaði eftir lögfræðiáliti sem leiddi í ljós að ekki hafi verið gert neitt rangt nema að bæjarstjórn þyrfti að samþykkja gjörninginn sem hún og gerði.
Þessu verkefni hefur verið fundið flest til foráttu, þarna átti ekki að vera hægt að byggja brekkan myndi ekki þola það, en jarðvegsrannsóknir segja að það er vel hægt að byggja í brekkunni. Umferðarþunginn yrði svo gígantískur að það væri ekki búandi í nágrenninu, umferðarkönnun sýndi fram á að það er ekki rétt.
Fullt að andmælum voru send inn mörg hver sem var smalað og fjöldinn allur af umsögnunum voru frá fólki sem býr ekki á Akureyri. Ætlum við virkilega að láta þennan fámenna hóp stjórna því hvort og hvernig við byggjum í Tónatröð.
Minjastofnun heimilar ekki flutning á Tónatröð 8 sem var keypt á sínum tíma til niðurrifs eins og fram hefur komið hjá eiganda húsins þar með þarf að sníða skipulagið að því. Að mínu mati væri nær að flytja húsið til norðurs en minjastofnun heimilar það ekki.
Ásýnd spítalabrekkunnar er fólki hjartfólgin þó aðeins sé um illa hirta njólabrekku að ræða og nú er búið að samþykkja á Alþingi að fara í viðbyggingu við Sjúkrahúsið sem kemur til með að breyta ásýndinni töluvert þarna fyrir ofan 3-4 hæða hús kemur til með að rísa þar.
Vandamál við þéttingu byggðar er það að það eru allir fylgjandi en bara ekki í sínum bakgarði, sem er ótrúlegt því við búum í bæ þar sem íbúar kvarta undan háum fasteignaskatti og ein besta leiðin til að lækka hann til framtíðar er að þétta byggðina og nýta betur innviðina í stað þess að breiða úr okkur.
Ég hef hitt mjög marga sem eru spenntir fyrir kaupa íbúð í Tónatröð og flest er það fólk sem býr í dag í einbýlishúsum í grennd við skóla og er 60 ára eða eldra. Með því að byggja á stöðum sem eldra fólk getur hugsað sér að búa losum við um eftirsóttar eignir fyrir barnafjölskyldur.
Vonandi klúðrum við ekki uppbyggingu þarna líkt og gert var á Eyrinni þar sem 7% bæjarbúa fengu sínum vilja framgengt.
Þórhallur Jónssons
Nýjast
-
Aðalsteinn Árni heiðraður fyrir vel unninn störf í þágu verkafólks
Á fjölmennum hátíðarhöldunum á Húsavík í dag í tilefni af 1. maí var Aðalsteinn Árni Baldursson formaður Framsýnar heiðraður sérstaklega fyrir vel unninn störf í þágu félagsmanna Framsýnar og samfélagsins alls en hann hefur verið mjög áberandi í umræðunni um verkalýðsmál í þrjá til fjóra áratugi. Var hann sæmdur gullmerki félagsins fyrir óeigingjörn störf í þágu félagsins. Hátíðargestir stóðu upp og klöppuðu fyrir honum vel og lengi. Hér má lesa ávarp varaformanns félagsins -
Fjölmenn hátíðarhöld á Húsavík
Nú kl. 14:00 hófust hátíðarhöld á Húsavík í tilefni af 1. maí. Mikið fjölmenni er samankomið á Fosshótel Húsavík þar sem hátíðarhöldin fara fram. Boðið er upp á magnaða dagskrá, tónlist, barátturæður og kaffihlaðborð. Hér má lesa hátíðarræðu formanns Framsýnar, Aðalsteins Árna, sem er ekki hefðbundin í ár þar sem hann fagnar 30 ára starfsafmæli. Hér má lesa ræðuna: -
Hreinsstöð fráveitu 100 tonn af rusli síuð frá
Hreinsistöð fráveitu Norðurorku hefur sannað gildi sitt en á þeim tíma sem hún hefur verið starfrækt hafa tæplega 100 tonn af rusli verið síuð úr fráveituvatninu sem annars hefðu endað út í sjó. Gerlamengun við strandlengju Akureyrar hefur í kjölfarið minnkað umtalsvert. Hreinsistöðin er því mikil umhverfisbót fyrir samfélagið allt við Eyjafjörð að því er fram kom á aðalfundi Norðurorku. -
Mannréttindaviðurkenning Akureyrarbæjar til Rauða krossins við Eyjafjörð
„Rauði krossinn byggir starf sitt umfram allt á framlagi sjálfboðaliða. Rauði krossinn á Íslandi og við Eyjafjörð hefur verið svo lánsamur að eiga á hverjum tíma aðgang að öflugum hópi sjálfboðaliða. Framlag þeirra til mannúðarmála verður seint metið til fjár. Vegna þessa sjálfboðna starfs er starfsemin í okkar samfélagi jafn öflug og raun ber vitni,“ sagði Þorsteinn Björnsson formaður deildarinnar þegar hann tók við viðurkenningunni. -
Opið í 113 daga og yfir 87 þúsund gestir
Skíðatíð í Hlíðarfjalli er lokið þennan veturinn. Alls var opið í 113 daga og gestafjöldi fór yfir 87 þúsund sem er meira en verið hefur undanfarin ár. -
Samanburður á gjaldskrám nokkurra sveitarfélaga
Öldungaráð Akureyrarbæjar ákvað að bera saman gjaldskrár nokkurra valinna sveitarfélaga vegna þjónustu við eldri borgara. Starfsmaður Akureyrarbæjar fékk það verkefni að taka þær saman. Síðan tóku fulltrúar EBAK í ráðinu við, bættu við atriðum og aðlöguðu að óskum sínum. -
Félagsgróðurhús og aðstoð við makaleit
Hugmyndir um hraðstefnumót og uppbyggingu á félagsgróðurhúsi litu dagsins ljós á fundum sem haldnir hafa verið í Stórutjarnarskóla og í Skjólbrekku. Mótun heildstæðrar stefnu fyrir Þingeyjarsveit stendur yfir um þessar munir og var boðað til fundanna í tengslum við þá vinnu. Einnig var rafrænn fundur haldinn fyrir allt sveitarfélagið. -
Akureyri og Fjallabyggð - Hátíðarhöld í tilefni af Verkalýðsdeginum
Stéttarfélögin við Eyjafjörð bjóða félagsfólki og fjölskyldum þeirra að taka þátt í hátíðardagskrá í tilefni af verkalýsdeginum þann 1. maí. Í ár er fylgt liði undir kjörorðunum Sterk hreyfing - Sterkt samfélag og er félagsfólk hvatt til þess að sýna samstöðu með því að fjölmenna í kröfugöngu. -
Annir hjá starfsmönnum Hafnasamlagsins
Snemma í gærmorgun mættu fjórir af okkar mönnum til Húsavíkur á dráttarbátnum Seif, eftir að hafa siglt frá Akureyri. Tveir menn til viðbótar keyrðu svo austur og voru tilbúnir í verkefni dagsins.
Athugasemdir