Þegar Arnar Björns gerði díl aldarinnar!
Arnar Björnsson af Reykjaheiðarveginum, sendiherra Húsavíkur í suðurvegi. Mynd: JS
Rólyndismaðurinn og enska sjentilmennið Roy Phillips, stofnaði á sínum tíma fyrirtækið Mynd hf á Húsavík, sem annaðist framköllun og myndvinnslu af ýmsu tagi. Framkvæmdastjóri var ráðinn kempan Arnar Björnsson, síðar hinn landsþekkti og langbesti íþróttafréttamaður landsins.
Arnar er hugmyndaríkur atorkumaður eins og þeir vita sem til hans þekkja, en átti það til á yngri árum að vera nokkuð skjótráður og stundum úr hófi fram.
Eitt sinn kom viðskiptavinur í Mynd hf og var að leita hófanna um framleiðslu á jólakortum sem átti að selja til styrktar Þóroddsstaðakirkju í Kinn. Arnar tók að venju vel á móti kúnna og átti við hann samningaviðræður um magn og verð um stund. Og kom síðan að spjalli yfirstöðnu blaðskellandi og himinlifandi inn til félaga síns og hrópaði: „Roy, nú hljóp aldeilis á snærið hjá okkur, því ég var að gera díl aldarinnar!“
Roy tók þessari yfirlýsingu með ró, eins og öllu öðru. En vildi auðvitað fá að vita í hverju þessi fádæma díll væri fólginn. „Jú, sjáðu til, maðurinn vildi láta okkur búa til 250 kort, en þegar ég sagði honum að stykkið kostaði 25 kall, þá þótti honum það nokkuð dýrt og virtist tregur. Þannig að ég hjólaði í kallinn og tókst að fullvissa hann um að í stað þess að kaupa 250 kort fyrir þessi jól, þá ætti hann að hugsa til framtíðar, miklu gáfulegra væri að fjárfesta í jólakortum til margra ára og þá gæti ég boðið honum upp á verulegan magnafslátt. Nú, bjálfinn lét sannfærast og ég samdi um að við prentuðum 2000 kort á tíkall stykkið! Og ef þetta er ekki díll aldarinnar, ja, þá veit ég ekki hvað á að kalla það.“ Sagði Arnar í sigurvímu.
„Jaaá, ég veit það nú eiginlega ekki heldur. Varstu nokkuð búinn að gleyma því Arnar minn, að það kostar okkur 17 krónur að prenta kortið? Þannig að við þurfum að borga 7 krónur með hverju korti af þessum 2000, sem sagt 14.000 króna tap á þessum díl aldarinnar,“
Sagði Roy Phillips, sallarólegur að vanda. JS
Nýjast
-
Götuhornið - Gamlingi á villigötum
Mig hefur lengi langað til að senda bréf til Götuhornsins. Mér hefur legið ýmislegt á hjarta og fannst það eiga fullt erindi til lesenda. Þetta hefur þó ekki getað orðið fyrr en nú vegna vandræða sem ég lenti í og þurfti að greiða úr. -
Fyrsta alþjóðlega hótelið á landsbyggðinni mun opna á Akureyri árið 2025
Fyrirhugað er að fyrsta alþjóðlega hótelið á landsbyggðinni mun opna á Akureyri 2025 undir merkjum Curio Collection by Hilton. Framkvæmdin verður í samvinnu við Bohemian Hotels. „Bohemian Hotels ehf., í samstarfi við Hilton, tilkynnir með stolti undirritun tímamótasamnings um byggingu og rekstur tveggja hágæða hótela á Íslandi. Þessir samningar marka ákveðin tímamót í hótelgeiranum á Íslandi og færa Akureyri gistingu og þægindi á heimsmælikvarða til jafns við Reykjavík" segir i tilkynningu frá Bohemian Hotels. -
Kuldatíð seinkar vorverkum
Talsverðar líkur er á að kal verði í túnum í Svarfaðardal en sennilega sleppa önnur svæði í héraðinu betur þó ekki sé það fullvíst. Kuldatíð seinkar vorverkum bænda og gæti í versta falli orðið til þess að spretta fari seinna af stað en vanalega, snjór er yfir öllum túnum og því ekki hægt að bera á. -
Goblin opnar á Glerártorgi
„Eins leitt og okkur þykir að yfirgefa fallega miðbæinn okkar, erum við afar spennt fyrir þessum flutningum og hlökkum til að bjóða viðskiptavini okkar velkomna á Glerártorgi,“ segja þau Þorsteinn Marinósson og Ásta Hrönn sem eiga Goblin. Starfsemin hefur verið við Brekkugötu undanfarin ár en flyst nú í rýmra húsnæði á Glerártorgi. -
Lystigarðurinn - Kostar meira að pissa
Gjald fyrir afnot af salernisaðstöðu í Lystigarðinum á Akureyri hækkar 1. maí næstkomandi, út 150 krónum eins og áður var í 300 krónur. Gjaldið verður endurskoðað við gerð gjaldskrár Umhverfis- og mannvirkjaráðs Akureyrarbæjar árlega. -
Bókakynning á Amtsbókasafninu á Akureyri á morgun.
Kristín Guðmundsdóttir höfundur bókarinnar Tólf lyklar verður með kynningu á bókinni á Amtsbókasafninu á morgun og hefst kynningin klukkan 15:30. Bókin er fyrir fólk af erlendum uppruna sem er búið með grunninn í íslensku. -
Barnamenningarhátíð á Akureyri
Barnamenningarhátíð á Akureyri er nú haldin í sjöunda sinn og hefur vaxið ár frá ári. Hátíðin teygir sig yfir allan aprílmánuð með það að markmiði að hvetja börn og fjölskyldur þeirra til að taka virkan þátt í menningarlífi bæjarins sér að kostnaðarlausu.Á dagskrá eru fleiri en 50 viðburðir af ýmsu tagi. -
Sigríður Örvarsdóttir nýr safnstjóri Listasafnsins
Sigríður Örvarsdóttir hefur verið ráðin nýr safnstjóri Listasafnsins á Akureyri. Sigríður er með MA gráðu í safnafræði frá Háskóla Íslands (2018), BA gráðu í textílhönnun frá Seminaret for Kunst og Haandværk í Danmörku (2001), ásamt meistaranámi í prjónahönnun frá Academie Royale des Beux-Arts (2014) og viðbótardiplómu í hagnýtri jafnréttisfræði frá Háskóla Íslands (2009). Auk þess er hún með kennsluréttindi í grunn- og framhaldsskóla (2001). Sigríður hefur starfað sem safnstjóri og forstöðumaður Menningarmiðstöðvar Þingeyinga frá árinu 2022 og veitir sem slík forstöðu Myndlistarsafni Þingeyinga en safneign þess telur um 1.900 verk. Í starfi sínu stýrir hún starfseminni og ber ábyrgð á öllum þáttum rekstrar, allri fjárhags- og verkefnaáætlanagerð, bókhaldi, mannauðsmálum, rekstri fasteigna og faglegu starfi sjö annarra safneigna og fjögurra sýningarstaða. Sigríður starfaði sem verkefnastjóri sýninga hjá Akureyrarbæ sumarið 2021. Í því starfi sinnti hún sýningagerð, rannsóknarvinnu og kynningarmálum. Árin 2019 til 2020 var hún sjálfstætt starfandi ráðgjafi við gerð safnastefnu Akureyrarbæjar. Hún gegndi starfi safnafulltrúa Listasafnsins á Akureyri árið 2012 og árin 2010 og 2012 starfaði hún sem verkefnastjóri samsýninga og ritstjóri safnahandbóka fyrir söfn á Norður- og Norðausturlandi. Árin 2008 til 2012 starfaði hún sem safnkennari við Minjasafnið á Akureyri. Sigríður hefur reynslu af kennslu í list- og hönnunargreinum á öllum skólastigum innan lands sem utan, m.a. hjá Listaháskóla Íslands og Marbella Design Academy á Spáni. Hún hefur tekið þátt í alheimsþingi ICOM, alþjóðaráðs safna og verið fulltrúi þess í Rannsóknarsetri í safnafræðum við Háskóla Íslands. Alls bárust 14 umsóknir um starfið. -
Virðist sem skorti pólitískan vilja
Stjórn og trúnaðarráð Framsýnar kom saman til fundar í gær. Mörg mikilvæg mál voru til umræðu á fundinum m.a. samgöngumál. Ákveðið var að hvetja Vegagerðina og stjórnvöld til að styðja við áætlunarflug um Húsavíkurflugvöll auk þess styðja betur við Loftbrúna sem skiptir íbúa á landsbyggðinni verulega miklu máli. Fjölga þarf ferðum sem menn geta nýtt sér á þessum sérstöku kjörum
Athugasemdir