Óli Kristins: Meintur húsvískur bílaþjófur í borginni
Óli Kristinsson, kaupmaður á Húsavík, átti erindi í höfuðborgina og flaug þangað með herkjum og harmkvælum, enda enginn flugfíkill að upplagi. Suður kominn þurfti Óli ýmislegt að erinda og hafði því gert ráðstafanir til að verða sér úti um bifreið í borginni. Kunningi hans hafði annast þau mál, leigt bílaleigubíl, rauðan Subaru. „Ég skil hann eftir fyrir utan Loftleiðahótelið og lyklarnir verða undir mottunni,“ voru skilaboðin frá kunningjanum.
En áður en Óli náði í bílinn, tók hann strætó frá flugvellinum niður í miðbæ, fór að sjálfsögðu í frímerkjabúð og verslaði töluvert þar og víðar og var því klyfjaður pökkum og pinklum þegar hann tók leigubíl að Loftleiðahótelinu. Hann fann rauða Subarúinn strax, bíllinn var opinn eins og um var talað og Óli skutlaði pökkum og frímerkjamöppum í aftursætið. Hinsvegar gekk bölvanlega að finna lykilinn undir mottunni.
Óli moldvarpaðist á fjórum fótum með nefið undir bílmottunum um skeið, en án árangurs. Skyndilega er gripið þéttingsfast í öxlina á honum, hann rifinn út úr bílnum með offorsi af heljarmiklum og heldur illúðlegum Reykjavíkurdrelli sem spurði með þjósti: „Hvern fjandann þykist þú eiginlega vera að gera hér, þokkapiltur?“
Óli stundi upp að hann væri nú bara að leita að bíllyklunum. „Þú finnur þá ekki þarna karlinn, því þeir eru nefnilega í vasa mínum.“ Sagði reykvíski ruddinn.
Við þessi orðaskipti fór aðeins að týra á skarinu hjá Óla. Hér var vissulega rauður Subaru, bara ekki réttur rauður Subaru. Eftir nokkrar útskýringar féllst eigandi bílsins á að hér væri aðeins smá misskilningur í gangi og að Óli væri ekki sá rummungs bílaþjófur sem flest benti til í upphafi. Tókust með þeim sættir, bíleigandinn aðstoðaði Óla við að finna réttan bíl þar sem lykill var undir mottu og allt í þessu fína. Kvöddust þeir félagar að svo búnu af gagnkvæmri vinsemd og virðingu.
Óli settist nú undir stýrið á réttum rauðum bíl og var harla hróðugur yfir að hafa komið sér út úr þessum ógöngum með nokkurn veginn óskert mannorð. En. Hann hafði ekki lengi ekið, þegar hann áttaði sig á að hann hafði skilið alla pakka og poka og pinkla eftir í aftursætinu á vitlausa bílnum!
Nú voru góð ráð dýr. Ekki gat Óli farið að rúnta um Reykjavíkursvæðið og stoppa alla rauða Subarúa, það gæti orðið nokkuð snúið mál. En þá datt honum í hug það snjallræði að snúa aftur á upphafsreit. Og það gerði hann, ók að Lofleiðahótelinu, og viti menn, rangi bílinn var enn á sínum stað. Í þetta skiptið reyndar læðupokaðist Óli að bílnum eins og þjófur að nóttu, hugðist ná í allt sitt hafurtask svo lítið bæri á og forða sér svo hið snarasta af vettvangi. Og hefði gert það, ef helvítis bíllinn hefði nú ekki verið læstur - af einhverjum ástæðum!
Eftir nokkurt japl, jaml, fuður og flandur, tókst Óla að hafa upp á góðkunningja sínum bíleigandanum, sem dratthalaðist með honum að þeim rauða, opnaði og Óli endurheimti þar með allt sitt góss og var harla kátur með eigin frammistöðu í þeirri flóknu og erfiðu stöðu sem upp var komin.
Kvöddust þeir kumpánar í annað sinn og óskaði bíleigandinn Óla góðs gengis í lífsins ólgusjó, en spurði svo að endingu: „Segðu mér félagi, hver ert þú eiginlega??“
Óli gaf sér góðan tíma áður en hann svaraði: „Ég? Ja, ég er nú bara bæjarstjórinn á Húsavík!“
Sem betur fer þurfti Bjarni Aðalgeirsson, þáverandi bæjarstjóri, aldrei að líða fyrir þetta snjalla svar Óla Kristins.
Sem að sjálfsögðu sagði sjálfur þessa sögu og dró ekkert undan. JS
Nýjast
-
Umferðarslys á Eyjafjarðarbraut eystri
Alvarlegt umferðarslys varð á Eyjafjarðabraut eystri , skammt norðan við Laugaland skömmu eftir kl. 13:00 í dag. Þarna hafði bíll lent út af og í honum voru tveir aðilar. Rannsókn á tildrögum slyssins stendur yfir á vettvangi og getur lögreglan ekki veitt frekari upplýsingar á þessu stigi málsins. -
Kirkjutröppurnar og gangstétt í Listagilinu
Framkvæmdir við kirkjutröppurnar eru hafnar að nýju eftir talsvert hlé og er búið að byggja yfir neðsta hluta trappanna, en þar er verið að vinna í húsnæði sem er undir tröppunum. Að því loknu verður hægt að hefja vinnu við sjálfar kirkjutröppurnar, þeirri vinnu hefur seinkað m.a. sökum þess að erfiðlega gekk að fá verktaka í verkefnið og það var umfangsmeira en var ráð fyrir gert. -
Hefur allt sem þarf
Fyrstu kynni mín af Höllu Tómasdóttur voru í tengslum við vinnustað þar sem hún kom einn dag og ræddi við hópinn. Þessi dagur breytti svolítið lífi mínu því þarna uppgötvaði ég í raun hvernig ég get tekið stjórn á eigin lífi. Halla varpaði á skjá mynd af vatnsglasi sem í var vökvi um það bil að miðju glasi. Hún talaði um viðhorf okkar og hvernig við tökumst á við það sem lífið færir okkur. -
Söngveisla í Glerárkirkju á sumardaginn fyrsta
Tíunda kóramót eldri borgara á Norðurlandi fer fram á morgun sumardaginn fyrsta. Fyrsta kóramót eldri borgara var haldið á Húsavík á lokadaginn 11 maí 2002 með þátttöku fimm kóra sem komu frá Húsavík, Akureyri, Dalvík, og Hrísey, Siglufirði og Skagafirði. -
Samherji og Ice Fresh Seafood á stærstu sjávarútvegssýningu heims
Alþjóðlega sjávarútvegssýningin Seafood Expo Global í Barcelona á Spáni opnaði í gær, 23. apríl. Sýningin er sú stærsta sinnar tegundar í heiminum á sviði veiða, vinnslu og sölu sjávarafurða. Samherji og Ice Fresh Seafood eru að venju með stóran og vel útbúinn bás, þar sem tekið er á móti gestum frá öllum heimshlutum og afurðir kynntar. Ice Fresh Seafood sér um að selja afurðir Samherja og fleiri fyrirtækja. -
Himinhátt innanlandsflug
Í samtölum mínum við fólk af landsbyggðinni um samgöngur og flug heyrist sífellt háværari umræða um hækkandi verð á flugferðum innanlands. Íbúum landsbyggðarinnar er orðið tíðrætt um að ekki fyrir svo löngu hafi það frekar borgað sig að keyra milli Akureyrar og Reykjavíkur ef þrír voru í bílnum. Í dag þurfi ekki einu sinni að hugsa sig um hvort eigi að keyra eða fljúga, jafnvel þó að Loftbrúin sé notuð og einungis einn sé á ferð. Fólk grínast með að það sé ódýrara að millilenda í London á leið sinni til Reykjavíkur, en það er sorgleg staðreynd að það er ekkert grín. -
Sumardagurinn fyrsti í Sigurhæðum klukkan 13
Ferskustu listamennirnir í Pastel ritröð kynna verk sín:Nr. 37: Þorbjörg Þóroddsdóttir: Vögguvísuatómapar.Nr. 36: Egill Logi Jónasson: Hohner mér vel.Egill Logi aka Drengurinn fengurinn er tónlistar- og myndlistarmaður. Hann starfar á Akureyri og er hluti af listhópnum Kaktus.Þorbjörg Þóroddsdóttir er 19 ára ungskáld frá Akureyri. Hún varð stúdent frá MA í fyrra, stundaði nám við lýðháskóla á Jótlandi í haust og vinnur nú á leikskóla. Hún hefur unnið til þrennra verðlauna í ritlistarsamkeppni Ungskálda. -
Dr. Áslaug Ásgeirsdóttir skipuð rektor Háskólans á Akureyri
Dr. Áslaug Ásgeirsdóttir hefur verið skipuð sem rektor Háskólans á Akureyri frá og með 1. júlí næstkomandi. Skipan Áslaugar er samkvæmt ákvörðun Háskólaráðs frá 2. apríl síðastliðnum um að tilnefna hana sem næsta rektor skólans. Háskóla-, iðnaðar- og nýsköpunarráðherra samþykkti tillöguna og tekur Áslaug við rektorsstöðunni 1. júlí næstkomandi. Alls bárust fimm umsóknir um embættið en skipað er til fimm ára. -
Syngjandi sumarsveifla í Laugarborg
Að kvöldi síðasta vetrardags býður Kirkjukór Grundarsóknar í Eyjafjarðasveit til tónlistarveislu í Laugarborg þar sem sannarlega verður syngjandi sumarsveifla í aðalhlutverki.
Athugasemdir