Að stjórna konungum: „Hey king, move man!“
Þorgeir Baldursson – konunglegur myndasmiður.
Af og til var Sigurður Pétur Björnsson, sem sé Silli bankastjóri, fréttaritari og ljósmyndari Morgunblaðsins á Húsavík í 46 ár, gagnrýndur fyrir að vera ýtinn og jafnvel úr hófi fram þegar hann var að reyna að ná sem bestum fréttamyndum. Og Silli svaraði þessum kárínum sem sá fagmaður sem hann var og sagði: „Í framtíðinni er það aðeins ljósmyndin sem tekin var og gæði hennar sem máli skiptir og það verður ekki spurt um hvernig sá sem tók myndina hagaði sér við myndatökuna.“
Mun yngri myndasmiður en einnig frá Húsavík, Þorgeir Baldursson, hefur um árabil fylgt þessari fótógrafísku fílósófíu Silla út í ystu æsar. Hann hefur til að mynda náð mörgum mögnuðum myndum af hljómsveitum á sviði og þurft að þola kvartanir sveitarlima fyrir að væflast á sviðinu jafnvel lengur en hljómsveitin á tón- og dansleikjum.
Eitt sinni voru sænsku konungshjónin, Karl Gústav og Sylvía, á yfirreið um Norðurland og litu meðal annars inn í Verkmenntaskólann á Akureyri. Íslensku forsetahjónin voru með í för og fjölmiðlar fylgdu tignarfólkinu hvert fótmál, bæði íslenskir og sænskir.
Í þjóðhöfðingjaheimsóknum af þessu tagi gilda allskonar hefðir og etíkettur sem fjölmiðlafólk þarf að gangast undir. En Þorgeir Baldursson, sjómaður og ljósmyndari frá Húsavík, var ekki verulega meðvitaður um þessar hefðir og að auki undir áhrifum frá Silla bankastjóra. Þannig að þegar konungs- og forsetahjón stilltu sér upp til myndatöku í Verkmenntaskólanum, var Karl kóngur að mati Þorgeirs ekki nógu nálægur hinum þremur til að hægt væri að ná brúklegri hópmynd. Þannig að Þorgeir steig bara fram í höfðingjahópinn, ýtti þéttingsfast á síðubarðið á Svíakóngi og sagði: „Hey king, move man!“
Og Karl Gústav hrökklaðist að sjálfsögðu í forundran undan þrýstingi Þorgeirs þétt upp að hlið Dorritar. Og kóngur hafði víst aldrei áður upplifað aðrar eins trakteringar hjá ljósmyndurum heimsins á löngum og farsælum fyrirsætuferli.
Og sagan segir að það hafi aðeins munað hársbreidd að lífverðir kóngs hafi ekki skotið Þorgeir á staðnum þegar hann stökk fram til að færa til kónginn. JS
Nýjast
-
Sumardagurinn fyrsti í Sigurhæðum klukkan 13
Ferskustu listamennirnir í Pastel ritröð kynna verk sín:Nr. 37: Þorbjörg Þóroddsdóttir: Vögguvísuatómapar.Nr. 36: Egill Logi Jónasson: Hohner mér vel.Egill Logi aka Drengurinn fengurinn er tónlistar- og myndlistarmaður. Hann starfar á Akureyri og er hluti af listhópnum Kaktus.Þorbjörg Þóroddsdóttir er 19 ára ungskáld frá Akureyri. Hún varð stúdent frá MA í fyrra, stundaði nám við lýðháskóla á Jótlandi í haust og vinnur nú á leikskóla. Hún hefur unnið til þrennra verðlauna í ritlistarsamkeppni Ungskálda. -
Dr. Áslaug Ásgeirsdóttir skipuð rektor Háskólans á Akureyri
Dr. Áslaug Ásgeirsdóttir hefur verið skipuð sem rektor Háskólans á Akureyri frá og með 1. júlí næstkomandi. Skipan Áslaugar er samkvæmt ákvörðun Háskólaráðs frá 2. apríl síðastliðnum um að tilnefna hana sem næsta rektor skólans. Háskóla-, iðnaðar- og nýsköpunarráðherra samþykkti tillöguna og tekur Áslaug við rektorsstöðunni 1. júlí næstkomandi. Alls bárust fimm umsóknir um embættið en skipað er til fimm ára. -
Syngjandi sumarsveifla í Laugarborg
Að kvöldi síðasta vetrardags býður Kirkjukór Grundarsóknar í Eyjafjarðasveit til tónlistarveislu í Laugarborg þar sem sannarlega verður syngjandi sumarsveifla í aðalhlutverki. -
Ef ég væri sími.
Líklega er áhugi fólks á tækjum og tækni mismikill. Flestir eru þó duglegir í að passa uppá símana sína, tileinka sér tækninýjungar og uppfæra þá. Þetta litla tæki sem fylgir okkur mörgum í daglegu lífi. Síminn er gjarnan skammt undan, uppi á borði, í töskunni eða vasanum. Góður sími getur veitt okkur sítengingu við alheiminn, vini og vandamenn, afþreyingu, vinnuna og bara allt mögulegt. -
Mörg þúsund manns árlega á faraldsfæti suður til lækninga
Þjónusta Sjúkrahússins á Akureyri hefur dregist saman undanfarin misseri. Því fer fjarri að SAK nái að uppfylla það hlutverk sem skilgreint er í lögum um heilbrigðisþjónustu, þar sem m.a. segir að sjúkrahúsið eigi að veita þjónustu í nær öllum sérgreinum lækninga og vera varasjúkrahús Landspítala -
Lögreglan á Norðurlandi eystra rannsakar andlát
Eftirfarandi tilkynningu sendi lögreglan á Norðurlandi eysta frá sér nú rétt í þessu. Klukkan 04:30 aðfaranótt mánudags var lögreglan á Norðurlandi eystra kölluð að fjölbýlishúsi á Akureyri. Fyrstu lögreglumönnum sem komu á vettvang var vísað á meðvitundarlausa konu í íbúðinni og hófust endurlífgunartilraunir þegar í stað. Læknir og sjúkraflutningamenn komu einnig á vettvang en tilraunir til endurlífgunar báru ekki árangur og var konan úrskurðuð látin á vettvangi. -
Svona er síminn hannaður til að stela athygli okkar
Af hverju er svona erfitt að leggja frá sér símann? Er efnið sem þar er að finna alltaf svo mikilvægt og áríðandi að það gengur fyrir þau samskipti sem við erum að eiga við fólkið í kringum okkur? Förum við í símann þegar að við erum undir stýri? (Já það telst líka með að gera það á rauðu ljósi). Lengjum við klósettferðirnar okkar til að vera lengur í símanum? Leggjum við símann alltaf á borðið á fundum, í kaffitímanum eða við matarboðið og leyfum þannig tilkynningunum á skjánum að stela athygli okkar? Setjum við börnin okkar fyrir framan skjá til þess að kaupa okkur sjálfum skjátíma? Leitum við í símann alltaf þegar að okkur leiðist? Erum við hrædd við að vera vandræðaleg á almannafæri og förum í símann til að þykjast vera að sinna einhverju mikilvægu frekar en að líta upp og leyfa huganum að reika? Dettum við út í samtölum við annað fólk því við ætluðum að fletta einhverju eldsnöggt upp en rákumst svo á eitthvað annað sem greip athygli okkar? Getum við átt gæðastundir með fjölskyldunni án þess að láta símann trufla okkur? -
Lokaorðið - Forgangslistinn
Eftir því sem ég eldist verð ég sífellt þakklátari fyrir að fá að ganga lífsins veg með fólkinu mínu. Við erum fámenn þjóð og höfum í gegnum tíðina staðið þétt saman. Við höfum lyft grettistaki í forvörnum vegna slysa á sjó og landi. -
Hörður Óskarsson styrkir Krabbameinsfélagið
Hörður Óskarsson færði Krabbameinsfélagi Akureyrar og nágrennis ríflega hálfa milljón króna sem er andvirði af sölu á skarti úr gamalli mynt sem hann selur undir nafninu Mynthringir og alls konar.
Athugasemdir