Á hádegi i dag var skrifað undir samning um smiði líkans af Sólbaki EA  5 en það nafn bar fyrsti skuttogari Útgerðarfélag Akureyringa.  Sólbakur kom til nýrrar heimahafnar fyrir 52 árum upp á dag  og því vel við hæfi að undirrita samning um smíði líkansins á þessum degi.  Þegar  Sólbakur  EA 5 lagðist að bryggju  hér fyrir þessum 52 árum viðraði eiginlega með sama hætti  og í dag.  Það var  ansi kalt á Togarabryggju á athafnarsvæði ÚA fyrir 52 árum  en stillt veður og mikil eftirvænting í fólki sem fjölmennti á bryggjuna til þess að fagna þessu nýja glæsilega fiskiskipi.   

Eins var í dag kalt, still veður  en þó ekki væri eins margt um manninn mátti glöggt sjá að þeir sem mættu voru spenntir fyrir því sem í vændum var.

Það er sem fyrr þegar kemur að því að smíða líkön af  togurum sem skipt hafa  máli i sögu bæjarins Sigfús Ólafur Helgason fyrrum sjómaður á togurum  ÚA sem hefur forgöngu í málinu  og  smiðurinn verður auðvitað sá sami og áður Elvar Þór Antonsson en hann smíðaði ,,Stellurnar" og nú nýverið lauk hann við að smiða Harðbak/Kaldbak.   Að undirskrift lokinni  var svo boðið upp á heitt gott kaffi og kleinur  um borð í Húna 

Her fyrir neðan er svo að finna ræðu sem Sigfús Ólafur  flutti við þetta tilefni í dag.:

Sr. Hildur Eir Bolladóttir segir frá þvi í færslu á Facebook nú í morgun að opið hús verði i Safnaðarheimilinu fyrir alla sem búa einir en lagni til þess að hitta  annað fólk og svala þannig  félagslegri þörf sinni.  Þarna verður hægt að grípa í spil, rifja upp mannganginn við taflborðið, vinna hannyrðir, greina ljóð, eða ræða um bækur, trúmál nú eða blessuð þjóðmálin og liklega skipulagssmál innanbæjar  eða bara segja skemmtilegar sögur. 

Drekka gott kaffi og hafa kleinu með því.

Sr. Hildur Eir segir  ennfremur að fyrirhugað sé að ,,Fá gesti í heimsókn sem kenna slökun, eða prjónaskap eða heimsspeki en umfram allt er þetta hugsað fyrir alla sem búa einir en hafa gaman af fólki á öllum aldri af öllum kynjum í breidd hinnar guðdómlegur sköpunar."

,,Prestarnir munu ekki láta sig vanta i gott kaffið sem ísbrjótar samskiptanna, leiða spjalllið hér og þar um salinn og njóta þess að vera með," eins og segir i tilkynningu.

Orðið gjafakvóti er sennilega eitt mesta öfugmæli íslenskrar tungu.  Þó ég sé ekki gamall hef ég þó verið leigubílsstjóri í tuttugu og fimm ár og man ég lengra aftur en það.  Ég man þá tíma þegar útgerðir máttu veiða eins mikinn fisk og þeim þóknaðist og höfðu skip til að veiða. Allir reyndu að kaupa mörg og stór skip til að geta keppst við að veiða sem mest af heildaraflanum á sem stystum tíma. Allt snerist um að veiða fisk, henda honum upp á bryggju sem fyrst og fara út aftur.

Þetta var auðvitað ekki sjálfbært. Við veiddum of mikið og nýttum það illa. Fiskistofnarnir voru í hættu og þar með efnahagslegt sjálfstæði þjóðarinnar. Þá var ákveðið að skerða rétt útgerða til að veiða fisk. Það var gert með kerfi aflahlutdeilda.  Með öðrum orðum voru settar reglur um það að útgerð mátti ekki lengur veiða það magn leyfðs heildarafla sem hún vildi. Nú mátti hún bara veiða tiltekið hlutfall þess heildarafla sem ákveðinn var árlega. Með þessu var tekinn af mönnum réttur til veiða.  Frelsi útgerðanna var skert og þau máttu veiða minna af fiski en áður.  Fjölmargar þeirra þoldu þetta ekki og seldu skip og kvóta til þeirra sem gátu betur lagað sig að kvótakerfinu.

Það er óskiljanlegt hvernig kynslóðirnar sem ekki lifðu þessa tíma geta nú haldið því fram að þeim útgerðum sem þurftu að þola þessar skerðingar hafi verið gefið eitthvað. Ég held að mér þætti það ekki gjöf ef ég mætti á næsta sumri bara tína tiltekið magn af bláberjum en ekki það magn sem ég vil eins og ég hef gert hingað til. 

En nú eru annars bjartir tímar hjá íslenskri þjóð og allir geta fengið það sem þeir vilja. Þeir geta meira að segja valið sér kyn og búið sér til kyn ef þeim lýst ekki á þau kyn sem er í boði. Læknavísindin eiga erfitt með að fylgja þessum kynvísindum eftir því að enn eru aðeins tvö kyn í boði þegar maður vill fara í kynleiðréttingu. 

Það eru þrjár ríkisstjórnir í landinu. Hver og ein fer sínu fram og þær verja hver aðra falli þó einingin sé horfin. Ein þeirra virðist þó hafa flúið land því að ekkert hefur spurst til Framsóknarflokksins vikum saman. Það er reyndar bættur skaðinn eftir að þrjóturinn hann Sigurður Ingi lagði landið í rúst með því að leyfa bara hverjum sem er að keyra leigubíl. Það var mikið ógæfuspor. Hingað til hafa leigubílstjórar verið salt jarðar, heiðursmenn rómaðir fyrir kurteisi og góða siði.  En nú hefur hvaða kújóna og galfír sem verða vill verið hleypt inn í kerfið. Það mun hefna sín eins og allar aðrar tilslakanir.

Annars var ég á þorrablóti í Garðabæ um helgina. Þar var yndislegt skemmtiatriði í boði Lögmannafélagsins. Málin voru svo gerð upp eftir ball eins og tíðkaðist í sveitinni í gamla daga. Ég sá mynd af Brynjari í vikunni og hann hlýtur að hafa fengið heiftarlega á kjaftinn.

Það er loksins kominn verðmiði á Hofsbót 1.  Lágmarkið er 263 milljónir og geri aðrir betur.  Svo voru menn að halda því fram að BSO húsið sé einskis virði. Það er ómetanlegt og allir vita að hvergi er hægt að stíga inn í leigubíl en akkúrat þarna.

Fulltrúar fyrirtækjanna, Johan Rönning /Sindra á Akureyri og Kraftbíla í Hörgársveit komu færandi hendi í Verkmenntaskólann á Akureyri og afhentu námsbraut í bifvélavirkjun að gjöf verkfæri í öllum regnbogans litum fyrir Hönd fyrirtækjanna. Um var að ræða tvo verkfæraskápa fulla af verkfærum auk annars að því er fram kemur á vefsíðu VMA.

Ásgeir V. Bragason, kennari í bifvélavirkjun, segir að skólann hafi skort mjög verkfæri til þess að geta kennt verklega kennslu þrettán nemenda, sem nú stunda nám í bifvélavirkjun, og því sé þessi gjöf eins og himnasending. Hann segist nánast vera orðlaus yfir þessum rausnarskap því þegar hann leitaði eftir stuðningi þessara fyrirtækja við námsbrautina hafi hann mögulega getað búist við að þau gætu séð sér fært að styðja hana um tíu prósent af því sem síðan hafi verið raunin.

Sigríður Huld Jónsdóttir skólameistari færði fyrirtækjunum einnig þakkir fyrir höfðinglega gjöf sem hún sagði vera gott dæmi um afar mikilvægt samstarf atvinnulífs og skóla. Það væri ómetanlegt fyrir VMA að eiga slíka bakhjarla sem sýni skólanum velvild og stuðning. Hún bætti við að þetta væri fyrsta afmælisgjöfin sem skólinn fengi á 40 ára afmælinu og hún væri sannarlega ekki af verri endanum.

Samtök sveitarfélaga á Norðurlandi Eystra standa fyrir áhugaverðu málþingi í Hofi á föstudaginn undir yfirskriftinni Út um borg og bý: Hverju skilar samstarf nágranna og hvað prýðir gott sveitarfélag?

Jarðhræringar á Reykjanesi hafa vissulega vakið okkur til umhugsunar um byggðaþróun, einkum í ljósi þess að í dag búa tæp 82% þjóðarinnar á svæðinu Hvítá til Hvítá og að öllu óbreyttu verður áframhaldandi samþjöppun á því svæði. Er þetta virkilega það sem við viljum sjá, að allir íbúar landsins þjappi sér á eitt landsvæði? Eða viljum við öfluga byggðir um allt land sem byggja á fjölbreyttum mannauði og auðlindum?

Á málþinginu verður tekin umræða um vinnu við borgarstefnu en það er kominn tími til að Akureyri hljóti formlega viðurkenningu sem hin borgin og að stjórnvöld geti út frá því unnið að eflingu hennar sem mikilvægur valkostur við höfuðborgarsvæðið. Eyjafjarðarsvæðið hefur alla burði til þess með sameiginlegu átaki. Við eflum ekki sveitir landsins og minni byggðakjarna nema með góðri þjónustu og innviðum í nærumhverfi. Til að halda í unga fólkið okkar og laða að nýja íbúa og spennandi atvinnutækifæri þurfa ákveðnir grunnstoðir að vera í lagi: Menntun, samgöngur, næg orka, góðar nettengingar, beint millilandaflug, heilbrigðisþjónusta og þá sér í lagi þjónusta sérfræðilækna, fjölbreytt húsnæði og afþreying.

Fyrst og fremst eiga sveitarfélögin á svæðinu að snúa bökum saman og vinna saman að eflingu svæðisins í góðu samtali.

Það er óhætt að fullyrða að færið í Kjarnaskógi og að Hömrum fyrir skíðagöngufólk er frábært eftir  snjókomu í gær og nótt sem leið. Í færslu  sem  þau hjá Skógræktarfélagi Eyjafjarðar settu inn á Facebook í morgun segir ,,Helstu gönguleiðir í Kjarna og á Hömrum nýtroðnar, Naustaborgum öllum lokið innan stundar  Hiti -4, yndisveður og færi !"

Um að gera fyrir göngufólk að skella sér einn hring eða tvo eftir vinnu í dag,.

• Fjöldi dvalardaga í janúar var 2.248, sem er rúmlega 4% meira en árið 2023 og er meðallega á deild 4,2 dagar.

• Flestir sjúklinganna eru lagðir inn í bráðainnlögn en þær eru um 75% af heildarinnlögnum.

• Árið byrjar aðeins rólegar m.t.t. rúmanýtingar samanborið við janúar árið 2023 en nú er rúmanýting á lyflækninga- og skurðlækningadeild um 89% samanborið við 100% í fyrra.

• Í lok janúar voru 19% legurýma á Kristnesspítala, lyflækninga- og skurðlækningadeild upptekin af sjúklingum sem eru með gilt færni- og heilsumat eða með slíkt í vinnslu.

• Rúmlega 2.100 einstaklingar hafa fengið þjónustu á göngudeild og þar af 248 vegna krabbameinslyfjagjafar, samanborið við 203 lyfjagjafir í janúar 2023.

• Á bráðamóttöku og göngudeild bráðamóttöku er fjöldi samskipta tæplega 1.500 samanborið við 1.377 á sama tíma í fyrra og því aukningin milli ára tæplega 9%. Biðtími eftir því að hitta lækni á bráðamóttöku er nú um 41 mínútur sem nálægt viðmiðum okkar um 40 mínútna bið eftir lækni.

• Skurðaðgerðir í janúar voru 251 sem er ívíð meira en í fyrra en þá var ekki hægt að vera með fulla starfsemi vegna álags og skorts á starfsfólki. Nú eru um 24% aðgerða bráðaaðgerðir og gerviliðaaðgerðir voru 35.

• Fjöldi myndgreiningarannsókna (án brjóstamynda) var um 3.482 og gerir það að meðaltali um 112 rannsóknir á dag.

• Aukin fæðingartíðni var í janúar en þá fæddust 34 börn samanborið við 27 börn í janúar 2023.

• Árið byrjar sambærilega og í fyrra með komum ósjúkratryggðra á bráðamóttöku en þó hafa færri verið innlagðir en í janúar 2023.

Þetta er eitt af verkefnum á sviði íþrótta- og tómstundamála sem Sparisjóðurinn styrkir í nærumhverfi sínu en hlutverk Sparisjóðsins er að standa vörð um hagsmuni landsmanna, styrkja innviði samfélagsins og styðja við félags- og atvinnulíf í heimabyggð.

,,Við erum afskaplega ánægð með að ganga til samstarfs við Sparisjóðinn og hlökkum til samstarfsins. KA/Þór er að ganga í gegnum endurnýjunarferli og eru mörg krefjandi verkefni framundan og skiptir þá öflugur bakhjarlahópur miklu máli ", sagði Stefán Guðnason stjórnarformaður KA/Þór

„Samstarf við kvennalið KA/Þórs smellpassar við sjálfbærnistefnu Sparisjóðsins en hluti af henni tekur á samfélagslegri ábyrgð þar sem við styðjum við íþrótta- og félagsstarf í nærumhverfi okkar. Við óskum KA/Þór góðs gengis í þeim verkefnum sem eru framundan,“ segir Jón Ingvi Árnason sparisjóðsstjóri Sparisjóðs Höfðhverfinga.

Á meðfylgjandi mynd má sjá Jón Ingva Árnason sparisjóðsstjóra Sparisjóðs Höfðhverfinga og Mörthu Hermannsdóttur handboltakempu og fulltrúa KA/Þórs undirrita samstarfssamninginn.

Vetur konungur minnti á sig í dag og um kl. 15:30fengu lögreglumenn á Tröllaskaga tilkynningu um að snjóflóð hefði fallið á veginn um Ólafsfjarðarmúla, skammt sunnan við munna Ólafsfjarðarganganna, Dalvíkurmegin. Tilkynningunni fylgdi að a.m.k. einn ökumaður væri þar í vandræðum þar sem hann hefði ekið inn í nýfallið flóðið.

Veginum var strax lokað, beggja megin, og héldu lögreglumenn úr Fjallabyggð manninum til aðstoðar. Skömmu síðar bárust frekari upplýsingar að ökumenn væru einnig í vandræðum Dalvíkurmegin við flóðið. Í kjölfarið voru björgunarsveitir á Dalvík og á Ólafsfirði kallaðar út.

Þrátt fyrir slæmt veður á svæðinu gekk vel að aðstoða þá ökumenn sem lentu þarna í hrakningum og voru þeir aðstoðaðir til baka úr sínum aðstæðum, annarsvegar til Ólafsfjarðar og hins vegar til Dalvíkur. Ein bifreið var skilin eftir á vettvangi. Engin slasaðist í verkefni þessu. Verkefni þessu lauk um kl. 18:30

Vegurinn um Ólafsfjarðarmúla er lokaður sem og Siglufjarðarvegur vestan Siglufjarðar að Ketilási í Fljótum. 

Hvetjum við alla sem hyggja á ferðir á Norðurlandi, sem og á öðrum landshlutum, að fylgjast vel með á færðinni hverju sinni, s.s. á síðu Vegagerðarinnar, www.umferdin.is

,, 

,, Já ég er sáttur með þennan samning og þær breytingar sem gerðar voru. ”

Hverjar eru helstu breytingarnar?  

Í nýja samningnum er binditími samningsins styttur verulega eða úr 10 árum í 5 ár. Það felur í sér að sjómenn geta sagt samningnum upp eftir 5 ár og svo aftur eftir 7 ár. Þetta er gundvallarbreyting á samningnum.

Önnur mikilvæg breyting er að grein 1.39 í samningnum hefur verið breytt. Tekið er út að samningsbundinn gerðardómur leysi úr ágreiningi sem komið getur upp milli aðila vegna ákvæðisins. Í staðinn skipa samningsaðilar hlutlausa óvinhalla nefnd sem hefur það hlutverk.

Þá má finna mikilvæga breytingu um ísun yfir kör sem fara í gáma til sölu erlendis og verður sú ísun ekki á hendi skipverja nema í neyðartilvikum, samkvæmt nýjum samningi. Útgerðarmenn eiga að semja við löndunargengi á staðnum um að ísa yfir körin sem fara í gámana, eigi skipverjar frí við löndun skv. kjarasamningi. Ef sjómenn sjá um yfirísun sjálfir í neyðartilfellum fár þeir greidda yfirvinnu fyrir. Þetta atriði er mikilvægt fyrir sjómenn í Eyjafirði þar sem þessi vinna hefur verið á þeirra herðum lengi.

Sjómenn fá 400.000 króna eingreiðslu frá útgerðarfyrirtækjum ef samningur verður samþykktur. Þetta er viðbót frá fyrri samningi sem skiptir máli. Kemur til greiðslu 1. mars 2024.

Desemberuppbót kemur inn í samninginn þann 15. desember 2028. Miðað verður við 160 lögskráningardaga á ári.

Þetta eru helstu breytingarnar á samningnum” sagði Trausti Jörundarsson formaður Sjómannafélags Eyjafjarðar. 

Nýr kjarasamningur á milli Sjómannasambands Íslands og Samtaka fyrirtækja í sjávarútvegi (SFS) var undirritaður í dag í húsnæði Ríkissáttasemjara. Samningar á milli aðila hafa verið lausir frá árinu 2019. Árið 2023 var nýr kjarasamningur felldur í atkvæðagreiðslu sjómanna.
Samningaviðræður um nýjan samning hafa staðið yfir síðustu mánuði. Í þeim viðræðum var lögð mikil áhersla á að taka tillit til þeirra athugasemda og gagnrýni sem fram kom í umræðum um samninginn á síðasta ári og hefur það gengið eftir í helstu atriðum.

Nú að lokinni undirritun verða samningarnir kynntir ítarlega fyrir félagsmönnum og að því loknu hefst rafræn atkvæðagreiðsla 12. febrúar kl. 12:00 og lýkur föstudaginn 16. febrúar kl. 15:00

Valmundur Valmundsson, formaður Sjómannasambandsins:
„Við erum núna í þeirri stöðu að vera með kjarasamning í höndunum sem við höfum undirritað og er að fara í atkvæðagreiðslu hjá sjómönnum innan okkar félaga. Að mínu mati er þetta góður samningur og við höfum náð að semja um flest þau atriði sem gagnrýnd voru í samningnum sem var felldur í fyrra. Núna eru sjómenn í góðri stöðu til að samþykkja samning sem verður með binditíma í 5 ár og ég vonast eftir því að samningurinn verði samþykktur“.

Breytingar á binditíma, uppsagnarákvæði og fleiri breytingar
Í nýja samningnum er binditími samningsins styttur verulega eða úr 10 árum í 5 ár. Það felur í sér að sjómenn geta sagt samningnum upp eftir 5 ár og svo aftur eftir 7 ár. Þetta er gundvallarbreyting á samningnum.

Önnur mikilvæg breyting er að grein 1.39 í samningnum hefur verið breytt. Tekið er út að samningsbundinn gerðardómur leysi úr ágreiningi sem komið getur upp milli aðila vegna ákvæðisins. Í staðinn skipa samningsaðilar hlutlausa óvinhalla nefnd sem hefur það hlutverk. Ef ekki næst samkomulag um nefndarmenn mun Ríkissáttasemjari koma að skipan nefndarmanna.

Þá má finna mikilvæga breytingu um ísun yfir kör sem fara í gáma til sölu erlendis og verður sú ísun ekki á hendi skipverja nema í neyðartilvikum, samkvæmt nýjum samningi. Útgerðarmenn eiga að semja við löndunargengi á staðnum um að ísa yfir körin sem fara í gámana, eigi skipverjar frí við löndun skv. kjarasamningi. Ef sjómenn sjá um yfirísun sjálfir í neyðartilfellum fár þeir greidda yfirvinnu fyrir.

Í samningunum nú er að finna sambærilegt ákvæði og var í síðasta samningi um að framlag í lífeyrissjóð geti hækkað úr 12,0% í 15,5% en sjómenn hafa þó val um þetta atriði.

Sjómenn fá 400.000 króna eingreiðslu frá útgerðarfyrirtækjum ef samningur verður samþykktur. Þetta er viðbót frá fyrri samningi sem skiptir máli. Kemur til greiðslu 1. mars 2024.

Desemberuppbót kemur inn í samninginn þann 15. desember 2028. Miðað verður við 160 lögskráningardaga á ári.
Nánari upplýsingar um kjarasamningana má finna á vefsvæði Sjómannasambandsins og facebooksíðu sambandsins www.ssi.is og https://www.facebook.com/sjomannasamband

Sveitarstjórn Norðurþings samþykkti á dögunum tillögu Skipulags- og framkvæmdaráðs um að Yggdrasil Carbon verði úthlutað landi skv. fyrirliggjandi tillögu í stað þess lands sem Minjastofnun telur tilefni til að vernda. Nýr samningur um landafnot verði til samræmis við ákvæði fyrirliggjandi samnings, sem hins vegar úreldist með nýjum samningi.

Þór/KA hefur samið við tvær knattspyrnukonur sem munu leika með liðinu í Bestu deildinni á komandi sumri. Með ráðningu þessara leikmanna er markmið félagsins að styrkja og stækka hópinn, auka breiddina og ekki síst að fá inn reynda leikmenn til að æfa og spila við hlið hinna ungu leikmanna sem koma fram á sjónarsviðið í meistaraflokki úr yngri flokkum félagsins á hverju ári.

Lidija Kuliš (1992) er landsliðskona Bosníu-Herzegóvínu og kemur til félagsins frá Split í Króatíu. Áður hafði hún verið um hjá Turbine Potsdam um árabil, en eftir það einnig hjá Glasgow City, AC Milan, Ferencváros og nú síðast Split. Lidija segir ákvörðun sína um að koma til Íslands tengjast bæði fótboltanum og landinu. „Ég elska veturinn og náttúruna,“ sagði Lidija spurð um ástæður þess að hún ákvað að koma til Íslands til að spila fótbolta. „Það er ein af ástæðum þess að ég ákvað að koma til Íslands. Auðvitað er svo líka það að upplifa það að spila í íslensku deildinni og að hjálpa liðinu að ná frábærum úrslitum. Ég hef fengið tækifæri til að spila með íslenskum leikmönnum með fyrri félögum sem ég hef verið hjá svo ég hef heyrt margt gott um íslenskan fótbolta og Ísland sem land og hlakka virkilega til að hitta nýju liðsfélagana og starfsfólkið og komast af stað á æfingum.“

Lara Ivanuša (1997) er slóvensk landsliðskona og kemur til félagsins frá Split í Króatíu. Áður hafði hún meðal annars verið hjá Glasgow City og Ferencváros. Lara hlakkar líka til að koma til Íslands. „Ég hef séð að Ísland er fallegt land og margt að sjá. Ég hef líka heyrt margt jákvæt og gott um lífið og fótboltann frá fyrrum liðsfélaga sem spilaði á Íslandi,“ segir Lara. „Ég hlakka til að hitta liðið og mynda sambönd innan og utan vallar og hjálpa liðinu að ná markmiðum á leiktíðinni.“ Jóhann Kristinn Gunnarsson, þjálfari Þórs/KA, vill láta verkin tala og leyfa leikmönnum að sanna sig á vellinum. „Við erum mjög ánægð með að fá þær til okkar fyrir spennandi tímabil 2024. Lara og Lidija færa okkur mikla reynslu úr atvinnumennskunni og eru áræðnar, ákveðnar og geta leyst margar stöður á vellinum. Við bindum að sjálfsögðu miklar vonir við að þær styrki okkar flotta lið enn frekar og vitum að þær eiga eftir að falla vel inn í hópinn. Við látum það vera að mæra þær mikið á þessum tímapunkti og leyfum þeim bara að sanna sig á vellinum.“

Þór/KA býður nýju leikmennina velkomna í okkar öfluga hóp.

Segir í tilkynningu frá stjórn  Þór/KA

Í Akureyrarkirkju boðið er upp á fjölbreyttar samverur og starf fyrir yngri kynslóðina, allt frá Krílasálmum fyrir ungabörn til unglinga í æskulýðsfélaginu. Breiddinn í starfinu er nauðsynleg enda söfnuðurinn fjölmennur og að sama skapi fjölbreyttur. Í brúnni standa Sonja Kro, æskulýðsfulltrúi, og Sigrún Magna Þórsteinsdóttir, organisti, og stýra þessi starfi af alúð og fagmennsku.

Undir hatt Sonju falla Sunnudagaskóli, Foreldramorgnar, Kirkjukrakkar (1-4. bekkur), TTT (5-7. bekkur) og ÆFAK (8-10. bekkur). Sigrún Magna stýrir yngri og eldri barnakór Akureyrarkirkju. Samtals eru sjö samverustundir í boði sem eru sniðnar að aldri, þörfum, getu og áhuga þátttakenda. 

Félagsmenn í Framsýn fengu samkvæmt bráðabirgðatölum greiddar um 97 milljónir króna frá félaginu árið 2023 í sjúkrastyrki og sjúkradagpeningar vegna langvarandi veikinda, þ.e. eftir að kjarasamningsbundnum rétt þeirra var lokið hjá viðkomandi fyrirtæki.

Í heildina bárust 1.389 umsóknir í sjóðinn. Innan Framsýnar eru rúmlega 3.400 félagsmenn.

Sjúkrasjóðurinn hefur komið að því að greiða niður kostnað fyrir félagsmenn m.a. sálfræðiþjónustu, sjúkraþjálfun, heilsurækt, útfararkostnað, krabbameinsskoðun, áhættumat hjá hjartavernd, göngugreiningu, viðtalstíma hjá fjölskylduráðgjöfum og kostnað vegna gleraugnakaupa og kaupa á heyrnatækjum. Þá eiga félagsmenn einnig rétt á fæðingarstyrk frá félaginu sem og fleiri styrkjum sem hægt er að fræðast betur um á heimasíðu stéttarfélaganna; framsyn.is.

Reiknað er með að tekjur sjóðsins í gegnum iðgjöld verði rúmlega 100 milljónir á árinu 2023, þannig að hann komi til með að standa undir þeim skuldbindingum er tengjast útgreiðslum úr sjúkrasjóðnum. Niðurstöðutölur vegna ársins liggja ekki fyrir.

Þriðjudaginn 6. febrúar kl. 17-17.40 heldur Ýr Jóhannsdóttir, textílhönnuður og myndlistarkona, fyrsta Þriðjudagsfyrirlestur ársins undir yfirskriftinni Kynning á verkefnum Ýrúrarí. Aðgangur er ókeypis. 

Á fyrirlestrinum fer Ýr yfir ýmis verk og verkefni sem hún hefur unnið að undir nafninu Ýrúrarí. Verkin einkennast af húmor og leikgleði sem lífga upp á hversdaginn þar sem gamlar flíkur öðlast nýtt líf sem gangandi listaverk. Meðal annars verður farið yfir verkefnin Peysa með öllu, sem unnið var í samstarfi með fatasöfnun Rauða Krossins, PizzaTime með stúdíó Fléttu, sem vann Hönnunarverðlaun Íslands fyrir verk ársins 2023, sýninguna Nærvera frá 2023, skapandi fataviðgerðarsmiðjur og fleiri verkefni af ferlinum. 

Ýr Jóhannsdóttir lærði textílhönnun í Myndlistaskólanum í Reykjavík og Glasgow School of Art og kláraði meistaranám í listkennslu við Listaháskóla Íslands haustið 2021. Prjónaverk Ýrúrarí hafa m.a fengið umfjöllun á Vogue.com, Colossal, Dezeen og fleiri miðlum. Einnig má finna verk Ýrar í safneign The National Museums of Scotland, Textiel Museum, Museum fur Kunst und Gewerbe, International Folk Museum og Hönnunarsafni Íslands. Auk þess hafa verk eftir Ýri verið sýnd í Listasafni Reykjavíkur, Hönnunarsafni Íslands, Nordatlantens brygge og Smithsonian Design Museum. Nokkur verk leynast einnig í einkaeign listafólksins Erykah Badu, Wayne Coyne, Miley Cyrus og Noel Fielding. 

Fyrirlestraröðin er samvinnuverkefni Listasafnsins á Akureyri, Verkmenntaskólans á Akureyri, Gilfélagsins og Myndlistarfélagsins á Akureyri. Aðrir fyrirlesarar vetrarins eru Sanna Vatanen, textílhönnuður, Heiða Björk Vilhjálmsdóttir, safnfræðslufulltrúi, Guðrún Hadda Bjarnadóttir, handverks- og myndlistarkona, Joris Rademaker, myndlistarmaður, Pablo Hannon, hönnuður og listamaður, Donat Prekorogja, myndlistarmaður, og Egill Logi Jónasson, myndlistarmaður.

„Það er erfitt að segja fyrir um hver áhuginn kann að verða en um tíðina hafa margir sýnt uppbyggingu í miðbænum mikinn áhuga,“ segir Pétur Ingi Haraldsson skipulagsfulltrúi Akureyrarbæjar. Bæjarráð hefur samþykkt að auglýsa tvær lóðir við Hofsbót, númer 1 og 3. Lágmarksboð samkvæmt útboðsskilmálum er ríflega 263 milljónir króna í báðar lóðir.

Pétur Ingi segir að ekki liggi enn fyrir nákvæm dagsetning á því hvenær lóðir verði auglýstar, en gerir ráð fyrir að það verði í febrúar til mars næstkomandi.

Talsverð uppbygging íbúða er um þessar mundir í miðbænum, nokkrar nýjar íbúðir eru við Skipagötu, 10 nýjar íbúðir verða í húsi  sem nú er í byggingu við Hofsbót 2, við Nýja bíó og á eru um 60 íbúðir í byggingu við Austurbrú.

Hæstu húsin verða fimm hæðir

Húsin sem reist verða á svæðinu við Hofsbót verða mismunandi há, þau hæstu fimm hæðir en önnur lægri. Á báðum lóðum er gert ráð fyrir verslun- og þjónustu á jarðhæð og íbúðum á efri hæðum. Þó er gert ráð fyrir að atvinnustarfsemi sé heimil á annarri hæð. Gert er ráð fyrir sameiginlegum bílakjallara fyrir Hofsbót 1 og 3 með inn- og útakstri frá Strandgötu.

Það er margt sem við tökum eftir á þessum árstíma, skref fyrir skref lengir daginn, það kallar á leit að sólgleraugum, lestur á Passíusálmunum hefst í útvarpinu og það sem alls ekki klikkar, lið Skautafélags Akureyrar vinnur deildarmeistaratitila kvenna og karla.

Það var einmitt það sem gerðist í kvöld þegar þessir góðu titlar skiluðu sér heim. 

Innilega til hamingju skautafólk!

Þórir Tryggvason lét sig að sjálfsögðu ekki vanta og hann tók meðfylgjandi myndir.

„Það verður erfitt að toppa síðasta ár en við reynum okkar besta,“ segir Hlynur Hallsson safnstjóri Listasafnsins á Akureyri. Safnið fagnaði 30 ára afmæli sínu í fyrra og var mikið um dýrðir í kringum þau tímamót. Aðsóknin jókst mjög mikið á árinu og aldrei hafa jafn margir gestir lagt leið sína í safnið, en sýning Ragnars Kjartanssonar, The Visitors, naut mikillar hylli og komu margir víða að gagngert til að sjá hana. Fram undan er nýtt starfsár sem hófst formlega með opnun þriggja nýrra sýninga um liðna helgi.

Reinhard Reynisson skrifar um staðsetningu nýrrar dagvöruverslunar á Húsavík

„Hljóðið er gott en stemmningin er enn þá róleg.  Það virðast fáir þora að stökkva strax um borð í þessa örk. Vilja gefa sér tíma til að hugsa þetta sem er af hinu góða.  Þetta er svipað og dýrin sem þurfa að þefa sig áfram og kynnast nýjum stöðum áður en þau ganga til verka,“ segir Ásgeir Ólafsson Lie stofnandi Nýs upphafs sem hyggst bjóða fram lista til næstu bæjarstjórnarkosninga. Nýtt upphaf hefur auglýst eftir 11 einstaklingum á listann, en hver og einn er þar á eigin forsendum en ekki flokksins.

Góðir nágrannar eru ómetanlegir. Þegar fjölskyldan mín flutti í götuna okkar fyrir aldarfjórðungi voru allir nágrannarnir frumbyggjar. Umgengni í götunni var metnaðarfull, allir samstíga með að klippa runna, moka snjó og hreinsa illgresið við gangséttarnar. Bílastæðin inná lóðunum og sjaldséð að bílar stæðu á götunni. Við vorum þá yngstu íbúarnir. Nú hafa gömlu góðu frumbyggjarnir tínst yfir móðuna miklu einn af öðrum. Einungis einn er eftir. Þannig týnist tíminn og við hjónin erum skyndilega komin í hóp þeirra elstu.

Nýtt fólk er komið við allar hliðar hússins okkar og sama hjálpsemin er eins og áður var. Unga fólkið hefur gát á gamlingjunum. Iðulega er einn nágranninn búinn að blása snjó af stéttinni fyrir framan húsið okkar og annar passar uppá að við gleymum ekki bílskúrnum opnum. Það var til dæmis notalegt að fá skilaboð frá grannkonu á dögunum.

Ég hafði verið að útrétta á bílnum seinnipart dags og var að bakka í stæðið þegar síminn hringdi og truflaði mig.  Í stað þess að hunsa símann svaraði ég og gleymdi mér svo. Grannkonan góða sagðist ekki geta gengið til náða fyrr en hún væri viss um eitt og spurði: „Er bíllinn ykkar í gangi?“ Það stóð heima, bíllinn var á sínum stað og hafði verið í gangi í marga klukkutíma. 

Já, góðir nágrannar eru ómetanlegir.

Umferð í janúar var 7% meiri en sama mánuð í fyrra í gegnum Vaðlaheiðargöng en alls voru farnar 28.342 ferðir sem jafngildir 914 ferðir að meðaltali á dag. Hlutfall umferðar um göngin var 91% en 9% fóru skarðið eða 86 ferðir að meðaltali á dag en færð í janúar hefur varið ágæt hér á norðurlandi og voru engin lokunardagar á Víkurskarði í janúar 2024 vegna veðurs.

Þetta kemur fram á Facebooksíðu Vaðlaheiðargangna.

Eins og  fram hefur komið er aðflug úr suðri að Akureyrarflugvelli   verulega ábótavant, einkum fyrir farþegaþotur s.s. easyJet, Icelandair, Play.  Heppni með veður ræður hreinlega of miklu um hvort ljúka takist flugi við erfið veðurskilyrði í norðanátt. 

Laugardaginn 3. febrúar kl. 15 verður boðið upp á listamannaspjall í Listasafninu á Akureyri. Þá mun Hlynur Hallsson, safnstjóri Listasafnsins, ræða við Guðnýju Kristmannsdóttur um sýningu hennar, Kveikja, sem var opnuð um síðastliðna helgi. Aðgöngumiði að safninu jafngildir aðgangi að listamannaspjalli.

Um Guðnýju og sýninguna segir listfræðingurinn Pavi Stave: „Djarfar og kröftugar pensilstrokur bera ekki vitni um hvatvísi í risastórum málverkum myndlistakonunnar Guðnýjar Kristmannsdóttur, heldur birtast villtar og goðsagnakenndar skepnur upp úr löngu og meðvituðu ferli – hvort sem það er páfugl með strap-on eða skordýr í trylltum hlátri. Þykk upphleðsla lita, þunnar málningastrokur og hrár grunnur á yfirborði málverksins skapa kraftmiklar en yfirvegaðar hliðstæður sem blása lífi í skepnurnar. Skapandi og hrekkjótt; gleði þeirra er smitandi. Play Me – Kveikja er titill eins verksins. Athugið að þér er ekki endilega boðið til leiks, heldur er verið að lokka þig til þess að gefa þér lausan tauminn og ganga inn í heim nautnalegrar gleði listamannsins.

Nýtt flughlað kom að góðum notkun þegar hver flugvélin á fætur annarri lenti á Akureyrarvelli.

„Það er sorglegt að þörfin í okkar góða samfélagi sé svona mikil,“ segir Sæunn Ísfeld Guðmundsdóttir ein þeirra vösku kvenna sem standa að markaðnum NorðurHjálp. Með henni eru þær  Guðbjörg Thorsen, Anna Jóna Vigfúsdóttir og Stefanía Fjóla Elísdóttir. Alla hafa þær að baki langa reynslu af sjálfboðaliðastörfum. Markaðurinn var opnaður í lok október, hefur starfað í þrjá mánuði og þegar úthlutað um 2,6 milljónum króna til þeirra sem minna mega sín á Akureyri og nærsveitum.