Zontaklúbburinn Þórunn Hyrna fagnar 40 árum
Deiglan. Mynd: Gilfélagið-Deiglan/Facebook
Í tilefni af 40 ára afmæli Zontaklúbbsins Þórunnar hyrnu fer fram afmælishóf og listaverkauppboð í Deiglunni, Listagilinu, laugardaginn 5. október, kl. 15:00.
Í hófinu verður Helena Eyjólfsdóttir, stofnfélagi klúbbsins, heiðruð. Stiklað verður á stóru í sögu klúbbsins og í kjölfarið verður haldið listaverkauppboðið LIST STYÐUR LIST, undir stjórn Villa vandræðaskálds. Þá verður boðið upp á tónlistaratriði og léttar veitingar.
Deiglan opnar kl 14.00 með forsýningu á listaverkunum, en dagskrá hefst kl. 15.00.
Í tilkynningu segir að hugmyndin að uppboðinu hafi verið listaverkagjöf til klúbbsins. Allur ágóði af uppboðinu rennur í sjóð til að styðja konur til listnáms og/eða listsköpunar. Verkefnið og styrktarsjóðurinn fékk nafnið LIST STYÐUR LIST.
Listaverkin eru til sýnis á facebook og instagram, þar sem áhugasamir geta boðið í verkin. Heitið á síðunni á facebook þar sem listaverkin eru til sýnis er: Listaverkauppboð Zontaklúbbsins Þórunnar hyrnu. Í október verður auglýst eftir umsóknum um styrki og fer úthlutun fram í tengslum við 16 daga átak Sameinuðu þjóðanna gegn kynbundnu ofbeldi sem stendur frá 25. nóvember til 10. desember n.k.
Leggja áherslu á valdeflingu ungra kvenna
Zontahreyfingin vinnur að því að bæta stöðu og lífsgæði kvenna hvar sem er í heiminum, bæði á eigin vegum og í samstarfi við stofnanir Sameinuðu þjóðanna og frjáls félagasamtök. Zonta leggur sérstaka áherslu á valdeflingu ungra stúlkna og kvenna m.a. með því að styðja þær til náms og veita þeim þannig brautargengi til aukinna tækifæra og áhrifa í samfélaginu.
Zontaklúbbar vinna að þessum markmiðum með því að safna fjármunum sem renna bæði til verkefna innanlands og utan. Dæmi um innlend styrktarverkefni Zontaklúbbsins Þórunnar hyrnu eru: Aflið/Samtök gegn kynferðis- og heimilisofbeldi, Bjarmahlíð/miðstöð fyrir þolendur ofbeldis, Kvennaathvarfið, Rauði krossinn og Velferðarsjóður Eyjafjarðar. Ennfremur hefur klúbburinn styrkt einstæðar mæður til sumardvalar með börnum sínum.
Nýjast
-
„Skjalda launar kálfi ofbeldið“
Mig langar að þakka ykkur öllum sem hafa lesið lokaorðin mín á undanförnum vikum. Það er mér sérstaklega ánægjulegt að einhverjum skuli þykja skemmtilegt að lesa það sem ég hef skrifað. En í þetta sinn ætla ég að vera bæði leiðinlegur og skrítinn. Það er mér hvort sem er tamara. -
Tónleikar tvö kvöld um verslunarmannahelgi á Akureyrarvelli
„Við höfum lengi horft til Akureyrarvallar með hátíðahöld verslunarmannahelgarinnar og nú prófum við það. segir Davíð Rúnar Gunnarsson hjá Viðburðarstofu Norðurlands sem sér um hátíðin Ein með öllu um verslunarmannahelgi á Akureyri. Samkomuhald sem var á flötinni við Leikhúsið verður fært á Akureyrarvöll. Margt sé spennandi og jákvætt við flutninginn. -
HSN leggur niður heilsueflandi heimsóknir til aldraðra
Heilsueflandi heimsóknir til aldraðra á Akureyri sem Heilbrigðisstofnun Norðurlands hefur haft á sinni könnu verða lagðar niður 1. ágúst næstkomandi. HSN er með breyttu fyrirkomulagi að forgangsraða sínum verkefnum með því að beina kröftum sínum enn frekar til aldraðra einstaklinga sem í auknum mæli þurfa sérhæfða heilbrigðisþjónustu hvort sem er á heilsugæslu eða í heimahjúkrun. Velferðarráð Akureyrarbæjar hefur lýst yfir vonbrigðum með fyrirhugaða breytingu. -
„Sýnir svart á hvítu að þörfin er til staðar“
-Framsýn þrýstir á frekari íbúðauppbyggingu á vegum íbúðafélagsins Bjargs á Húsavík og í Þingeyjarsveit -
Ljósmyndasýning á hafnarvæðinu á Húsavík
Bergur Elías Ágústsson, rekstrarstjóri Hafna Norðurþings segir mikla áherslu hafa verið lagða á að bæta ásýnd og að efla ímynd og gæði þjónustu hafnanna síðasta árið -
Tóku til hendinni í bæjarlandinu
Þrjár konur á besta aldri tóku sig til á dögunum og hófu að rífa upp illgresi og snyrta til við annars fallegan göngustíg sem tengir Höfðaveg og Héðinsbraut og liggur meðfram veitingastaðnum Hlöðufelli. -
Nýtt upphaf í fjölnýtingu jarðhitaafurða á Þeistareykjum
Nýja húsnæðið sem Landsvirkjun reisir verður á svokallaðri fjölnýtingarlóð milli skiljustöðvar og aflstöðvar Landsvirkjunar, og mun GeoSilica fá beinan aðgang að auðlindastraumum frá jarðvarmavinnslunni. -
Assgolli fínt! – Múmínkastalinn frægi tilbúinn
Múmínkastalinn í Ævintýralundi í Kjarnaskógi er tilbúinn. Ævintýraþyrst börn á öllum aldri velkomin að líta við. -
Myndlistarsýning: Fjallið Kerling séð frá Fujian héraði
Laugardaginn 5. júlí kl 18.00 opnar myndlistarmaðurinn Aðalsteinn Þórsson sýningu á nýjum verkum í Dyngjunni - listhúsi í Eyjafjarðarsveit
