Verður jafnt og spennandi einvígi
„Þetta eru tvö bestu liðin í vetur og því reikna ég með að þetta verði mjög jafnir leikir. Munurinn á liðunum er kannski það sem menn hafa verið að tala um í vetur að FH hafi sterkari leikmannahóp en hins vegar hafa Akureyringar betri markmann,” segir Rúnar.Hann segir Sveinbjörn Pétursson markvörð Akureyrar vera lykilmann í liði norðanmanna og mikið muni mæða á honum í leikjunum.
„Helsti styrkleiki Akureyrar er markvarslan. Það er nánast hægt að telja á fingrum annarar handar hvenær Sveinbjörn hafi ekki náð í kringum 20 skotum varin í leik. Hann er líka mjög fljótur í að koma boltanum í leik og þá koma hraðaupphlaup. Þetta er svona helsta stærðargráða Akureyrarliðsins. FH-ingar hafa hins vegar öflugar skyttur í sínu liði og það er eitthvað sem liðsmenn Akureyrar verða að stoppa. Skot utan af velli er helsti styrkleiki FH-inga og það er þannig í dag að þeir eru nánast eina liðið á landinu sem hefur fleiri en einn leikmann sem getur skotið af miklum krafti af níu metrunum. Þarna liggur vopn Hafnfirðinga í þessu einvígi.
Hins vegar held ég að markvarslan gæti komið í bakið á þeim, hún hefur verið frekar slök hjá þeim í vetur. Manni sýnist samt að FH hafi verið stöðugri í sinni spilamennsku eftir áramót heldur en Akureyri. Það hefur verið meiri stígandi í þeirra spilamennsku en það er sama skapi kannski ekki við öðru að búast þar sem Akureyri tapaði ekki leik fyrir áramót. Það er vegna þessa að maður heyrir að fleiri reikni með sigri FH í þessari baráttu,” segir Rúnar. Sjálfur telur hann Sveinbjörn í marki Akureyrar geta ráðið úrslitum í einvíginu.
„Þetta eru jöfn lið en ef Sveinbjörn ver eins og hann hefur gert í vetur að þá held ég að Akureyri klári þetta. Ég á von á að allir leikir verði hörkuleikir og bæði lið munu spila hraðan handbolta. Ég get ekki séð að hvorugt liðið ætli að fara að draga eitthvað úr hraðanum vegna þess að það hentar hvorugu liðinu að spila hægar. Því er von á hröðum og skemmtilegum handbolta í þessu einvígi,” segir Rúnar Sigtryggsson.
Nýjast
-
Minningarbekkur í Birtugerði
Minningarbekkur til heiðurs systkinunum Huldu Benediktsdóttur (f. 1938) og Sigurjóni Benediktssyni (f. 1936) hefur verið vígður í Lónsbakkahverfinu í Hörgársveit. -
Geislameðferð sem lífsbjörg
Ég held að við upplifum flest áhyggjur þegar við lesum fréttir af því að bið fólks með krabbamein eftir því að komast í geislameðferð sé orðin tvöfalt lengri en sú hámarksbið sem miðað er við. Flest þekkjum við til og vitum hversu mikið álag er á fólki sem gengur í gegnum þessa erfiðu meðferð og sömuleiðis á ástvini þess. Það er hálfóhugsandi að ímynda sér stöðu þeirra sem hafa lokið lyfjameðferð og bíða bara eftir að geta haldið áfram sinni meðferð við þennan lífsógnandi óvin. -
Alls 100 kg af rusli fjarlægð úr fjörunni
Í liðinni viku stóðu starfsmenn PCC á Bakka við Húsavík fyrir ruslahreinsun utan athafnasvæðis fyrirtækisins í samstarfi við Ocean Missions -
Lagt til að heimgreiðslur verði festar í sessi
Alls fengu foreldrar 81 barns heimgreiðslur frá Akureyrarbæ árið 2024. Greiðslur námu tæplega 38,6 milljónum króna. Á tímabilinu janúar til maí á þessu ári hafa foreldrar 61 barns fengið heimgreiðslur að upphæð 15,5 milljónir króna. -
Sumarið er byrjað í Hlíðarfjalli
Sumaropnun í Hlíðarfjalli hefst í dag, 8. júlí, og stendur til 6. september. -
Afmæliskaffi GA í gær - sex nýir heiðursfélagar GA
Afmæliskaffi GA í tilefni 90 ára afmælis klúbbsins á árinu var haldið í golfskálanum að Jaðri í gær kl.14:00. -
Ferro Zink og Metal sameinast
Skrifað hefur verið undir samninga um sameiningu á Ferro Zink og Metal með fyrirvara um samþykki hluthafafunda og Samkeppniseftirlitsins. Með sameiningu þessara tveggja rótgrónu fyrirtækja verður til eitt öflugasta þjónustufyrirtæki á sviði iðnaðar á landinu með yfir 70 starfsmenn og starfsstöðvar á Akureyri og á höfuðborgarsvæðinu en ársvelta þessara félaga var samtals tæpir 5 milljarðar í fyrra. -
Tvö tilboð í lóðir við Hofsbót
Tilboð bárust frá tveimur lögaðilum í lóðirnar við Hofsbót 1 og 3, en frestur til að sækja um rann út í gær. Þeir sem buðu voru annars vegar SS Byggir sem bauð 251 milljón króna í lóðirnar og Sigtún Þróunarfélag bauð 235 milljónir. -
Hálsmelar – Falin útivistarperla
Þingeyjarsveit vill benda íbúum á einstakt útivistarsvæði sem margir hafa ekki enn uppgötvað, Hálsmelana. Árið 2022 var vígður 1,4 km langur göngustígur sem liggur um melana og býður upp á nærandi útivist í afar fallegu umhverfi.
