Vélsmiðjan á Akureyri lokar um næstu mánaðamót
Sveinn og Birgir opnuðu Vélsmiðjuna í nóvember 2003 en þeir segjast orðnir þreyttir á þessum rekstri, enda sé rekstrarumhverfið erfitt og fólk hætt að sækja staðinn í sama mæli og áður. Þjóðfélagið hafi breyst og tími dansleikja með hljómsveitum virðist liðinn, í bili að minnsta kosti og diskótekið að verða ofan á. Þá hefur ástandið í þjóðfélaginu líka haft áhrif, að mati Sveins og Birgis. Fólk hafi minna á milli handanna og fari sjaldnar út á lífið. Frá síðasta hausti hefur Vélsmiðjan aðeins verið opin á laugardagskvöldum og segir Birgir að það sé engan veginn nógu góð nýting á húsnæðinu að hafa opið í 16 klukkustundir á mánuði. Því sé nú komið að leiðarlokum. "Við höfum verið að fá mjög góða aðsókn í gegnum tíðina og t.d. um síðustu helgi var hér kjaftfullt hús á balli með SS Sól," sagði Sveinn.
Hjá Vélsmiðjunni hafa starfað 15 manns í hlutastarfi og segja þeir félagar að það sé eftirsjá í starfsfólkinu, sem nú missir vinnuna. "Við höfum haft mjög gott starfsfólk alla tíð og hér hefur verið lítið um mannabreytingar og fyrir það erum við þakklátir. Starfsfólkið skilur þetta, enda hefur það fylgst með þróuninni eins og við. En sjálfsagt er einhver þarna úti sem lítur á það sem tækifæri að opna svona stað þegar við lokum." Þá segjast þeir félagar einnig haft átt mjög gott samstarf við fjölmarga aðila í gegnum tíðina, m.a. lögreglu og slökkvilið.
Fyrirtæki Sveins og Birgis, GSB veitingar ehf., rekur einnig Kaffi Akureyri og nú þegar tími Vélsmiðjunnar er liðinn ætla þeir félagar að einbeita sér að rekstrinum á Kaffi Akureyri, sem gengur vel. "Þar er boðið upp á diskótek og sem betur fer er yngra kynslóðin enn að skemmta sér."
Þeir félagar eiga húsnæði Vélsmiðjuunnar en eru ánægir með að hafa leigt það fyrirtæki sem tengist ferðaþjónustu. Húsnæðið henti vel fyrir slíka starfsemi, því sem dæmi leggja skemmtiferðaskipin sem sækja Akureyri heim á sumrin, nánast upp við gangstéttina framan við húsnæðið. Þá verði nýtingin á húsinu mun betri með þessum nýja rekstri.
Nýjast
-
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí. -
Sumarið er komið!
Þetta dásamlega veður sem landsmenn njóta er gleðiefni og er þá vægt tekið til orða, á heimasíðu Þingeyjarsveitar er þessari blíðu fagnað. -
Skýr og lausnamiðuð afstaða Framsóknar til veiðigjalda
Framsókn hefur tekið skýra og málefnalega afstöðu í umræðunni um veiðigjöld. Við styðjum heilshugar réttmæta kröfu samfélagsins um að sameiginleg sjávarauðlind þjóðarinnar skili arði sem gagnast samfélaginu öllu. Hins vegar skiptir máli hvernig það er gert. Óvönduð skattheimta getur skaðað atvinnulíf, dregið úr nýsköpun og veikt byggðir sem byggja afkomu sína á sjávarútvegi. -
Farsæld í brennidepli – öll eru velkomin! Sjónaukinn 2025
Í heimi þar sem hraði breytinga og flókin samfélagsmál eru daglegt brauð, skiptir máli að staldra við og beina sjónum að því sem skiptir mestu máli: farsæld fólks. Ráðstefnan Sjónaukinn 2025, sem haldin verður við Háskólann á Akureyri dagana 19. og 20. maí, leitast við að varpa ljósi á fjölbreyttar leiðir til að efla samfélagslega velferð og vellíðan. Undirtónn ráðstefnunnar er skýr: Við höfum öll hlutverki að gegna – og með samvinnu getum við skapað samfélag þar sem enginn er skilinn eftir. -
Vel heppnaður Súpufundur atvinnulífsins haldinn á Múlabergi
Í hádeginu í gær fór fram vel heppnaður Súpufundur atvinnulífsins á Múlabergi, Hótel KEA, þar sem stjórnendur um fimmtíu fyrirtækja og stofnana komu saman til að ræða framtíð atvinnulífsins á svæðinu. -
Ársfundur HSN Jákvæð þróun þrátt fyrir áskoranir í rekstri
Ársfundur Heilbrigðisstofnunar Norðurlands (HSN) fór fram í Hofi á Akureyri þriðjudaginn 13. maí 2025. Þar voru kynntar niðurstöður fyrir rekstrarárið 2024. Þrátt fyrir áskoranir í rekstri varð þó mjög jákvæð þróun í starfsemi, þjónustu og mannauðsmálum sem gefur tilefni til bjartsýni fram veginn. -
Auðlindirnar í þjóðareign.
Margir biðu spenntir eftir því að Alþingi tæki til starfa eftir páskafrí þingmanna og ég var þeirra á meðal. Á dagskrá þingsins voru hugmyndir um að hækka talsvert skatta sem lagðir eru á sjávarútveginn umfram aðra atvinnuvegi. Mér fannst þetta áhugaverð hugmynd og hlakkaði til að hlusta á upplýsandi umræðu um auðlindir og auðlindanýtingu. Ég kom mér því notalega fyrir við sjónvarpsskjáinn áður en Silfrið byrjaði í sjónvarpi Ríkisútvarpsins fyrsta mánudag eftir frí þingmanna. -
Fimm tilboð í göngubrú
Fimm tilboð bárust í byggingu á nýrri steinsteyptri göngubrú í götustæði Borgarbrautar, auk stígagerðar að aðliggjandi stígum, uppsetningu á grjótkörfum, stoðveggjum og uppsetningu á lýsingu.