Vel heppnuð sumaropnun í Hlíðarfjalli
Gestir hafa getað nýtt sér Fjarkann til að komast upp fjallið og njóta þess að hjóla eða ganga um svæðið Mynd akureyri.is
Áttunda árið með sumaropnun í Hlíðarfjalli hefur gengið afar vel. Gestir hafa getað nýtt sér Fjarkann, neðri stólalyftuna, til að komast upp fjallið og njóta þess að hjóla eða ganga um svæðið.
Breyttur opnunartími í sumar hefur mælst vel fyrir, en opið hefur verið í 32 daga og yfir 1500 gestir sótt fjallið heim – meira en tvöföldun frá fyrra ári og þriðja besta sumarið frá upphafi.
Samhliða opnuninni hefur verið unnið ötullega að fjölbreyttum verkefnum í fjallinu. Ný snjógirðingakerfi hafa risið, lyftur og tæki fengið viðhald og bygging nýs verkstæðis heldur áfram. Í hjólagarðinum hafa verið kynntar nýjungar og eldri leiðir endurbættar. Undirbúningur fyrir vetrartímann er þegar hafinn og framundan eru áframhaldandi framkvæmdir, meðal annars við snjóframleiðslukerfi og lýsingu.
Framundan er svo spennandi vetur í Hlíðarfjalli.
akureyri.is sagði fyrst frá
rst frá
Nýjast
-
Bókunarstaða skemmtiferðaskipa til Norðurþings 30% samdráttur á milli ára
Ríflega 30% samdráttur er í bókunastöðu skemmtiferðaskipa til hafna fyrir árið 2026 miðað við yfirstandandi ár. Umsvif ferðaþjónustu í höfnum Norðurþings árið 2025 og samanburður við árið á undan var til umfjöllunar á fundi Hafnasjóðs. -
Nýtt vegglistaverk prýðir miðbæ Akureyrar – blanda af sögu, bíladýrkun og mannlífi
Gestir og gangandi á Akureyri geta nú notið glænýs vegglistaverks sem blasir við þegar farið er upp Listagilið. Á vegg hússins undir Akureyrarkirkju hefur listamaðurinn Stefán Óli, betur þekktur sem Mottan eða @mottandi, málað stórbrotið verk. -
„Stóra viðurkenningin er að sjá gleði í augum barnanna“
Viðtal við Sigrúnu Stefánsdóttur og Dönu Rán Jónsdóttur um Vísindaskóla unga fólksins, sem hlaut viðurkenningu Rannís fyrir Vísindamiðlun ársins 2025. Vísindaskóli unga fólksins er rekinn af Rannsóknamiðstöð Háskólans á Akureyri. -
Akureyri - ,,Vertíðarlok" hjá starfsfólki Hafnasamlagsins
Segja má að ákveðin vertíðarlok séu nú að ganga yfir hjá starfsfólki Hafnasamlagsins en í s.l viku fóru síðustu stóru skemmtiferðaskipin sem heimsækja bæinn á þessu sumri úr höfn. -
Umferð um hringtorgið við Lónsbakka opnuð
Umferð um hringtorgið við Lónsbakka hefur verið opnuð en vegfarednur eru beðinr um að sýna fulla aðgát eins og kemur fram í skilaboðum frá Nesbræðurum og lesa má á Facebooksíðu þeirra og núna hér lika. -
Húsavík - Fundarmenn uggandi vegna stöðu mála hjá PCC á Bakka
Framsýn stéttarfélag stóð fyrir félagsfundi í gær um atvinnumál og stöðuna hjá PCC á Bakka sem er mjög alvarleg um þessar mundir. Þá voru lífeyrismál einnig til umræðu enda hefur almennt verkafólk áhyggjur af boðuðum skerðingum stjórnvalda á réttindum fólks í almennu lífeyrissjóðunum. Fundurinn var fjölmennur og greinilegt var að fundarmenn höfðu miklar áhyggjur af stöðunni á Bakka en sérstakir gestir fundarins voru Kári Marís Guðmundsson framkvæmdastjóri PCC og Jóhann Steinar Jóhannsson framkvæmdastjóri Lsj. Stapa. Eftir miklar og góðar umræður um málefni fundarins var samþykkt að álykta um atvinnu- og lífeyrismál. Meðfylgjandi ályktanirnar með fréttinni voru samþykktar samhljóða í lok fundar. -
Háskólinn á Akureyri hefur slitið viðræðum um sameinginu við Háskólann á Bifröst
Háskólaráð Háskólans á Akureyri hefur slitið viðræðum um sameiningu við Háskólann á Bifröst. Tilkynning þar að lútandi hefur verið sent til mennta-nýsköpunar-og háskólaráðuneytisins sem og stjórnendum Háskólans á Bifröst. -
Tónleikar í Menningarhúsinu Bergi, Dalvík.
Laugardaginn 4. október kl. 16.00, verða haldnir tónleikar í Menningarhúsinu Bergi á Dalvík. KristinnSigmundsson, einn fræknasti söngvari þjóðarinnar fyrr og síðar, kemur þar fram ásamt sópransöngkonunni Helgu Rós Indriðadóttur og tenórnum Kolbeini J. Ketilssyni. Allir þessir söngvarar hafa getið sér gott orð bæði hér heima og erlendis. -
Vestnorden ferðakaupstefnunni lýkur í dag
Vestnorden ferðakaupstefnan stendur nú sem hæst í Íþróttahöllinni og í Hofi. Ráðstefnan sem stendur yfir i tvo daga var sett i gærmorgun. Vestnorden sækja fast að 500 manns sem kynna sér m.a hvað rösklega 30 ferðaþjónustu fyrirtæki á Norðurlandi hafa upp á að bjóða.