Iðngreinar í fókus - Samtal um tækifæri í fræðslu
Opinn fundur i Hofi á morgun kl 17-19
Blásið verður til opins fundar í Hofi á morgun miðvikudag kl. 17-19 sem Iðan Fræðasetur, FMA, Fit, Byggiðn og Samtök Iðnaðarins standa fyrir.
Dagskráin er fjölbreytt. Jóhann Rúnar, formaður Félags málmiðnaðarmanna á Akureyri, setur fundinn og næst kemur á sviðið Vilborg Helga Harðardóttir, framkvæmdastjóri Iðunnar, kynnir starfsemi fræðslusetursins og framtíðarsýn þess. Þá taka við erindi Ólafs Ástgeirssonar, leiðtoga bygginga- og mannvirkjagreina, Óskars Grétarssonar, leiðtoga málm- og véltæknigreina, og Sigurðar Svavars Indriðasonar, leiðtoga bílgreina hjá Iðunni. Adam Snær Atlason deilir einnig eigin reynslu áður en Hulda Birna Kjærnested Baldursdóttir, sérfræðingur í mennta- og mannauðsmálum hjá SI, rekur smiðshöggið.
Í lok fundar verður boðið upp á kaffistofuspjall eða smá panel með þáttakendur hverja greina þar sem þátttakendur ræða sýna sýn á þarfir og hugmyndir um fræðslu og framtíð iðngreina á svæðinu. Umræður í sal í framhaldinu ef gestir vilja koma með ábendingar og taka þátt í spjalli pallborðsins.
Gestum verður jafnframt boðið upp á léttar veitingar. Allir sem mæta á staðinn og skrá sig á póstlista fara í pott og eiga möguleika á að vinna námskeið að eigin vali hjá Iðunni fræðslusetri. Hér er slóðin á facebookinu https://fb.me/e/3HFgojEEo
DAGSKRÁ
Opnun fundar
Jóhann Rúnar Sigurðsson, formaður FMA
Kynning á starfsemi og framtíðarsýn Iðunnar fræðsluseturs
Vilborg Helga Harðardóttir, framkvæmdastjóri Iðunnar fræðsluseturs
Iðan, málm- og véltæknigreinar
Óskar Grétarsson, leiðtogi málm- og véltæknigreina
Reynslusaga úr atvinnulífinu / Myndband
Adam Snær Atlason, verkstjóri í stálsmiðju hjá Slippnum
Iðan, bygginga- og mannvirkjagreinar
Ólafur Ástgeirsson, leiðtogi bygginga- og mannvirkjagreina
Iðan, bílgreinar
Sigurður Svavar Indriðason, leiðtogi bílgreina
Kaffistofuspjall
Harpa Björg Guðfinnsdóttir, deildarstjóri Þróunar þekkingar hjá Iðunni opnar
spjallið með því að fjalla um niðurstöður spurningakönnunar meðal fundagesta
um áskoranir tengdar fræðslu í iðngreinum í landshlutanum og hvernig megi
koma til móts við þær.
Þátttakendur í kaffistofuspjallinu eru:
Andri Ólafsson - Verkstjóri hjá Slippinum
Arnþór Örlygsson - Verkstjóri hjá Kraftbílum
Hulda Birna Kjærnested Baldursdóttir - sérfræðingur hjá SI
Unnur Ása Atladóttir - sviðsstjóri verknámsbrauta VMA
Léttar veitingar verða i boði í lok fundar, og eins mun Rúnar Eff tónlistarmaður taka nokkur lög og slá botn í fundinn.
Nýjast
-
Gríðarleg tækifæri í vetrarferðamennsku í Þingeyjarsveit
Þingeyjarsveit hefur í samstarfi við Markaðsstofu Norðurlands og Mývatnsstofu, unnið að verkefni sem felur í sér greiningu á stöðu ferðaþjónustu í Þingeyjarsveit, ásamt vinnslu aðgerðaáætlunar til frekari þróunar greinarinnar í sveitarfélaginu. -
Iðngreinar í fókus - Samtal um tækifæri í fræðslu
Blásið verður til opins fundar í Hofi á morgun miðvikudag kl. 17-19 sem Iðan Fræðasetur, FMA, Fit, Byggiðn og Samtök Iðnaðarins standa fyrir. -
Jana Salóme vill leiða lista VG við sveitarstjórnarkosningarnar n.k.vor
Jana Salóme Ingibjargar Jósepsdóttir oddviti VG á Akureyri sækist eftir að leiða lista flokksins fyrir komandi sveitarstarstjórnarkosningar næsta vor. Þetta kemur fram í yfirlýsingu sem Jana Salóme sendi frá sér i morgun á Facebook. Í áðurnefndri yfirlýsingu segir: -
Fundur um fyrirhugaða nýbyggingu SAk á morgun miðvikudag
„Þetta er gríðarlega umfangsmikið verkefni og það skiptir okkur miklu máli að vel takist til. Því hefur verið lögð sérstök áhersla á samráð við starfsfólk, en einnig notendur og samfélagið okkar. Við erum að byggja til langrar framtíðar og í mörg horn þarf að líta. Markmiðið er að nýbyggingin standist væntingar, hún gagnist sem best og sé í takti við nútímakröfur í heilbrigðisþjónustu,“ segir Gunnar Líndal, verkefnastjóri á sviði klínískrar stoðþjónustu á Sjúkrahúsinu á Akureyri. -
Eining-Iðja styrkir Velferðarsjóð Eyjafjarðarsvæðisins
Á fundi aðalstjórnar Einingar-Iðju í síðustu viku var samþykkt að veita Velferðarsjóðnum á Eyjafjarðarsvæðinu styrk að upphæð kr. 1.250.000. -
Heimir Örn Árnason vill leiða lista Sjálfstæðisflokksins við sveitarstjórnarkosningarnar n.k.vor
Heimir Örn Árnason oddviti Sjalfstæðsflokksins á Akureyri og núverandi formaður bæjarráðs sækist eftir að leiða lista flokksins fyrir komandi sveitarstarstjórnarkosningar næsta vor. Þetta kemur fram í yfirlýsingu sem Heimir sendi frá sér i morgun á Facebook. -
Reykjahlíðarskóli lenti í 2.sæti í First Lego League
Nokkrir nemendur í 7.-10. bekk fóru til Reykjavíkur 8. nóvember síðastliðinn og sýndu frábæran árangur í First Lego League keppninni, þar sem þau náðu meðal annars 2. sæti í nýsköpunarhluta keppninnar. First Lego League er alþjóðleg Lego keppni sem nær til yfir 600.000 ungmenna í 110 löndum víða um heim. Keppnin er í raun þrískipt, en síðan 2005 hefur Háskóli Íslands haldið einn hlutann, First Lego League Challenge, sem er fyrir ungmenni á aldrinum 10-16 ára. -
Getur bók sameinað tvær þjóðir?
Dr. Giorgio Baruchello, prófessor við Félagsvísindadeild hefur rannsakað í mörg ár hvernig húmor hefur áhrif á líf okkar og hvaða hlutverki hann gegnir. -
Ég er þakklát
1975 Kvennaverkfallið árið 1975 var sögulegur viðburður og vakti heimsathygli. Þá var staða kvenna á Íslandi, með allt öðrum hætti en er í dag. Samfélagsbreytingar Það hafa orðið gífurlegar breytingar á íslensku samfélagi undanfarna áratugi, ekki síst er snýr að stöðu kvenna. Á pólitíska sviðinu fóru konur að gera sig meira gildandi en áður og kvennaframboð fór örugglega fyrir brjóstið á einhverjum. Þeir hinir sömu höfðu engan skilning á því hvað frú Vigdís Finnbogadóttir vildi upp á dekk í forsetaframboði sínu. Í viðtölum hafa þessir frumkvöðlar lýst því hvernig mönnum fannst þær frekar og dónalegar. Staða kvenna í dag á Íslandi Nú er staðan þannig að konur eru í meirihluta þeirra sem útskrifast úr háskólum. Konur gegna embætti forseta, forseta Alþingis, biskups, forsætisráðherra, utanríkisráðherra, borgarstjóra, bæjarstjóra, forstjóra, rektora háskólanna, lögreglustjóra og svo mætti lengi telja. Heimsþing kvenleiðtoga Nú í vikunni var haldið hér á Íslandi, Heimsþing kvenleiðtoga. Á þeim fundi var kynnt niðurstaða úr nýrri könnun sem kortleggur viðhorf til kvenna og karla í leiðtogastöðum. Ísland er áfram efst á þeim lista og kemur ekki mjög á óvart. Þó eru ákveðin vonbrigði að viðhorf til kvenleiðtoga virðist hafa versnað í mörgum stærstu ríkjum heims á síðustu árum, sérstaklega meðal yngra fólks, t.d. í Bandaríkjunum og Þýskalandi. Verjum góðan árangur Það ætti að hvetja okkur til að verja þann góða árangur sem við höfum náð en einnig að vera þakklát. Þessi árangur er sannarlega ekki sjálfsagður og honum var náð vegna baráttu þeirra kvenna sem á undan okkur fóru. Fjöllum um góðan árangur Fjalla mætti meira um hversu góðum árangri við höfum náð, önnur ríki horfa til Íslands í jafnréttismálum. Í opinberri umræðu mætti stundum halda að hér væri allt í kalda koli og fremur er tínt til sitthvað sem sannarlega mætti fara betur í stað þess að horfa á heildarmyndina. Seigla, baráttur, kjarkur og framsýni Ótrúleg barátta, kjarkur, seigla og framsýni hjá þeim konum sem ruddu brautina fyrir okkur hinar sem eftir koma. Það skiptir máli að viðhalda frábærum árangri og sofna ekki á verðinum. Ísland er það land sem er komið einna lengst i jafnrétti. Konur í mörgum löndum gæfu mikið fyrir það sem við þó höfum. Staða stúlkna og kvenna hefur versnað í öðrum heimshlutum og fara sífellt versnandi. Stuðningur okkar bestu manna En ég vil gerast svo djörf að fullyrða að þetta sé ekki eingöngu málefni okkar kvenna og árangur kvenna. Að jafnaði eigum við frábæra feður, bræður, eiginmenn, syni, frændur og vini. Við hefðum ekki náð þessum árangri án þeirra. Vissulega hefur þessi barátta tekið tíma og margir þeirra hafa verið erfiðir. Þá má enn tína til atriði sem enn þarf að berjast fyrir. En við hefðum ekki náð þessum einstaka árangri án þeirra. Ég er þakklát Við konur búum við miklu betri aðstæður en fyrir 50 árum. Ísland er leiðandi þegar kemur að frelsi og réttindum kvenna.
