Útilistasýningin Heimalingar opnar 30.maí : List í faðmi náttúrunnar í Eyjafjarðarsveit
Útilistasýningin Heimalingar opnar á morgun 30.maí
Útilistasýningin Heimalingar2026 verður opnuð 30.maí við Dyngjuna-listhús í Eyjafjarðarsveit. Sýningin á sér flotta sögu en hún hefur verið haldin óslitið frá árinu 2020 og laðað til sín um 20 listamenn á hverju ári, nú eru þeir 29.
Nafn sýningarinnar á sér skemmtilega og persónulega skýringu. Listakonan Hadda, sem rekur Dyngjuna-listhús, var með tvo heimalninga þegar verkefnið fór af stað og þótti nafnið tilvalið þar sem allir sýnendurnir voru sömuleiðis „heimalningar“. Sýningin hefur vaxið og dafnað í gegnum árin og hefur tvisvar sinnum notið góðs af styrkjum frá menningarsjóði Eyjafjarðarsveitar.
Samstarf við Myndlistafélagið á Akureyri
Öll árin eru meðlimum Myndlistafélagsins á Akureyri boðið að taka þátt og hafa þeir tekið því fagnandi og stöðugt fjölgar í hópnum. Listaverkin verða sett upp í fallegu umhverfi í námunda við Dyngjuna-listhús – á túninu, innan um trén og á óræktaða svæðinu fyrir sunnan listhúsið.
Mikil áhersla er lögð á að ganga vel um náttúruna, sérstaklega á viðkvæmari svæðum og skilja við umhverfið eins og það var. Um er að ræða mikla samvinnu þar sem listafólkið hjálpast að við uppsetningu, merkingu og auglýsingar til að gera viðburðinn sem glæsilegastan.
Gengið um á eigin vegum Verkin verða ekki vöktuð og sýningin krefst ekki leiðsagnar, svo gestum er frjálst að ganga um svæðið og njóta listarinnar á eigin forsendum hvenær sem er. Sum verkin eru jafnvel unnin beint á staðnum. Tveir gjörningar verða á sýningunni, einn opnunargjörningur og annar 14. Júní.
Lifandi vinnustofa og örnámskeið í Dyngjunni
Samhliða útilistasýningunni er tilvalið að kíkja við í Dyngjunni-listhúsi, en þar rekur Hadda vinnustofu og sölugallerý sem er opið flesta daga ársins. Dyngjan býður upp á einstaka listmuni og upplifun í einni fegurstu sveit landsins.
Áhugasvið Höddu tengist sköpun og náttúru í víðum skilningi. Hún vinnur mikið með efni úr nánasta umhverfi, endurnýtir það sem til fellur, þó svo að málverk og vefnaður séu einnig unnin úr keyptu innlendu og innfluttu efni.
Dyngjan er kjörinn áfangastaður fyrir fólk í leit að menningu og náttúrufegurð, og er til dæmis tilvalið tækifæri fyrir vinahópa að breyta til og bóka spennandi örnámskeið í þessu dásamlega umhverfi.
Allir eru hjartanlega velkomnir á opnunina 30. maí til að fagna listinni og sumrinu í Eyjafjarðarsveit.
Nýjast
-
Framleiða hluta raforkunnar með sólarorku
Sólarorka getur gegnt mikilvægu hlutverki í orkuskiptum á Íslandi. Sérstaklega á afskekktum svæðum og utan raforkukerfisins. Orkusetur Umhverfis- og orkustofnunar úthlutaði samkeppnisstyrkjum til uppsetningar sólarsella árið 2024. Þar var lögð áhersla á verkefni sem draga úr eigin raforkunotkun og minnka losun. Mikil aðsókn var að styrkjunum og vegna takmarkaðs fjármagns fengu verkefni í dreifbýli eða utan samveitna úthlutun. -
Að gefnu tilefni - Bara matarleifar í græna pokann
Ástæða er til að minna íbúa á að einungis matarleifar eiga að fara í grænu pokana í tvískiptu tunnuna. -
Ný aðkoma að Hömrum eykur öryggi
Unnið er að nýrri aðkomu að Hömrum þar sem gert er ráð fyrir einstefnukerfi um svæðið, með innakstri til suðurs og útakstri til norðausturs. -
Ferðaþjónustan á Norðurlandi í örum vexti
Talsverður vöxtur er í ferðaþjónustu á Norðurlandi, einkum í vetrarferðaþjónustu, og umtalsverðar fjárfestingar yfirstandandi eða í bígerð á svæðinu. Komufarþegum til Akureyrarflugvallar fjölgaði um 9,5% á síðasta ári og hafa aldrei verið fleiri, þá eru vísbendingar um að erlendir ferðamenn sem heimsækja Norðurland leiti sérstaklega í annars konar afþreyingu en ferðamenn sem koma um Keflavíkurflugvöll. Fjallað var um stöðu og horfur í ferðaþjónustu á Norðurlandi á ráðstefnunni „Segjum sögur af fjárfestingum“ sem Markaðsstofa Norðurlands stóð fyrir í vikunni -
Útilistasýningin Heimalingar opnar 30.maí : List í faðmi náttúrunnar í Eyjafjarðarsveit
Útilistasýningin Heimalingar 2026 verður opnuð 30.maí við Dyngjuna-listhús í Eyjafjarðarsveit. Sýningin á sér flotta sögu en hún hefur verið haldin óslitið frá árinu 2020 og laðað til sín um 20 listamenn á hverju ári, nú eru þeir 29. -
Nýtt rafrænt Vikublað
Vegna mannlegra mistaka kemur blað vikunnar ekki út á prenti í þessari viku -
Klassísk krufning Edelsteins og Vogler -Tónleikar í Menningarhúsinu Bergi í kvöld
Nú í maí hafa Alexander Smári Kristjánsson Edelstein píanóleikari og Erla Dóra Vogler mezzosópran haldið saman þrenna aðeins öðruvísi ljóðatónleika. Tónleikarnir voru haldnir í Ljósavatnskirkju, skólahúsinu á Kópaskeri í samstarfi við Flygilvini og í gamla skólanum á Bakkafirði í samstarfi við FarNorth Iceland. Síðustu tónlekarnir verða í kvöld, 28. maí kl. 20 í Menningarhúsinu Bergi á Dalvík -
Bregðast þarf við alvarlegri stöðu á Kristnesspítala sem fyrst
Njáll Trausti Friðbertsson þingmaður Sjálfstæðisflokksins segir frá á samfélagsmiðlum fundi sem hann átti i gær ásamt Ingvari Þóroddssyni og Sigurjóni Þórðarssyni þingmönnum úr Norðausturkjördæmi sem sæti eiga í fjárlaganefnd með Gunnari Líndal verkefnastjóra á sviði rekstrar og klínískrar stoðþjónustu SAk og Erlu Erlu Björnsdóttir settum forstjóra SAk um þá grafalvarlegu stöðu er nú uppi í tengslum við húsnæðismál Kristnesspítala. -
Heimir Tómasson vélstjóri lætur af störfum hjá Samherja eftir rúm 40 ár
Heimir hefur starfað fyrir eða með Vilhelm og Baldvin Þorsteinssonum og afkomendum þeirra á sjó og landi nánast samfellt frá 1964. Fyrst hjá Útgerðarfélagi Akureyringa, nokkur ár á Súlunni EA og síðan samfellt hjá ÚA og Samherja frá 1975, þar af síðustu 25 árin í landi.
