Tónasmiðjan á Húsavík með stórsýningu í Heiðarbæ
Flytjendur Tónasmiðjunnar eftir æfingu á sunnudag. Myndir/Gunnar Jóhannesson.
Tónasmiðjan á Húsavík heldur áfram frábæru starfi sínu en á morgun sunnudag klukkan 16 verður blásið til sannkallaðrar tónlistarveislu í Heiðarbæ þegar stór hópur tónlistarfólks treður upp og rokkar gegn krabbameini. Heiðursgestur tónleikana er engin önnur en stórstjarnan, Andrea Gylfadóttir.
Gefandi starf
Tónasmiðjan er skapandi starf fyrir fólk á öllum aldri sem hefur áhuga á tómstundum, tónlist, söng og menningu. „Við vinnum saman í hóp, einstaklingsmiðað og sköpum saman eitthvað lifandi og skemmtilegt þar sem allir skipta máli,“ segir Harpa Steingrímsdóttir en hún hefur um árabil staðið í stafni þessa merka framtaks sem Tónasmiðjan er ásamt frænda sínum Elvari Bragasyni.
Yfirskrift tónleikasýningarinnar er Ljós í myrkri - ROKKUM gegn krabbameini. Veislan hefst stundvíslega klukkan 16. í Heiðarbæ, sunnudaginn 25. maí.
Spennandi dagskrá
Harpa var rétt kominn af æfingu þegar blaðamaður heyrði í henni á sunnudagskvöld sl. Hún sagði að um þessar mundir væri magnaður hópur flytjenda á ýmsum aldri, einsöngvarar, bakraddir og hljómsveit ásamt heiðursgesti að vinna að þessari glæsilegu tónleikasýningu.
„Þar munum við flytja lög eftir snillinga eins og Todmobile, Trúbrot, Bryan Adams, Metallica, U2, Sálina hans Jóns míns, Bonnie Tyler og marga fleiri,“ segir Harpa og bætir við að Andrea Gylfa hafi verið með þeim á æfingu og verið ekkert minna en stórkostleg. „Það er svo ótrúlega dýrmætt að fá að troða upp með þessari goðsögn, ekki síst fyrir krakkana sem taka þátt í þessu með okkur.“
Gefa til samfélagsins
Það er ekki nóg með að Tónasmiðjan hafi um árabil gefið fólki á öllum aldri tækifæri til að standa í sviðsljósinu, þroskast í list sinni og gæða um leið samfélagið dýrmætri menningu; þá hefur Tónasmiðjan ætíð látið ágóða sinna tónleika renna til góðra málefna. Að þessu sinni rennur ágóði til Krabbameinsfélags Þingeyinga og til Ljóssins endurhæfingar og stuðningsmiðstöðvar.
„Við erum með þrjár stórar tónleikasýningar á ári auk smærri tónleika. Við erum alltaf með stóra vorsýningu í maí, svo erum við með 10. september á alþjóðlegum forvarnadegi sjálfsvíga stóra sýningu og þá erum við alltaf með jólatónleika sem eru að verða stórir og flottir hjá okkur enda höfum við þurft að flytja þá yfir í Íþróttahöllina,“ segir Harpa.
Fyrsta sinn í Heiðarbæ
Þetta er í fyrsta sinn sem Tónasmiðjan heldur stóra tónleikasýningu í Heiðarbæ og kveðst Harpa vera gríðarlega spennt fyrir því.
„Við ákváðum að prófa að gera eitthvað öðruvísi núna. Vertarnir þar hafa tekið okkur með kostum og kjörum og okkur líst gríðarlega vel á að vera með vortónleikasýningu í sveitinni,“ segir Harpa og bætir við að hópurinn sé að verða vel samstilltur og tilhlökkunin sé áþreifanleg.
„Við erum aldrei undir 30 manns í Tónasmiðjunni og þetta er fólk á öllum aldri, ellismellir og niður í grunnskólabörn. Þetta verður svakaleg sýning hjá okkur og það ætti engin að láta hana fram hjá sér fara,“ segir Harpa að lokum.
Nýjast
-
Jón Hafsteinn segir frá námi í iðnaðar- og orkutæknifræði
Þegar Jón Hafsteinn Einarsson frá Álftanesi fór að velta fyrir sér námi á sviði verkfræði var hann með margar hugmyndir í kollinum. Vélaverkfræði? Raforkuverkfræði? Ekkert virtist smella alveg – fyrr en hann rak augun í auglýsingu um iðnaðar- og orkutæknifræði. Námið fer fram í staðnámi við Háskólann á Akureyri í samvinnu við Háskólann í Reykjavík. Stúdentar í iðnaðar- og orkutæknifræði horfa á fyrirlestra í beinu streymi í HA á sama tíma og kennslan fer fram í HR. Aðstoðarkennari sér um dæmatíma í HA og stúdentar hafa góða aðstöðu til náms í HA og eru fullgildir HA-ingar sem tilheyra öflugu námssamfélagi háskólans -
Tónasmiðjan á Húsavík með stórsýningu í Heiðarbæ
Ljós í myrkri - Rokkað gegn krabbameini -
Góð viðbrögð komu skemmtilega á óvart
„Söfnun muna eftir Margréti Jónsdóttur gengur mjög vel og við erum hæstánægð með móttökurnar,“ segir Hlynur F. Þormóðsson kynningar- og viðburðastjóri Listasafnsins á Akureyri. -
N1 óskar eftir lóð til uppbyggingar við Baldursnes
Yrki eignir ehf hefur lagt fram fyrirspurn um úthlutun lóðar á horni Baldursness og Óðinsness á Akureyri, til uppbyggingar fyrir N1. -
Undirskrift í grunni hjúkrunarheimilisins á Húsavík
Inga Sæland, félags- og húsnæðismálaráðherra og Katrín Sigurjónsdóttir, sveitarstjóri Norðurþings skrifuðu undir samkomulag á milli Félags- og húsnæðismálaráðuneytisins og Norðurþings um breytt fyrirkomulag vegna byggingar hjúkrunarheimilis á Húsavík -
Minningarsigling horfina og látinna sjómanna með Húna ll
Ákveðið hefur verið að endurtaka minningarsiglingu um horfna og látinna sjómanna í tengslum við hátíðarhöld á Sjómannadaginn um aðra helgi. Bryddað var upp á þessari fallegu nýjung á Sjómannadaginn í fyrra og var mjög góður rómur gerður að. -
Listasafnið á Akureyri: Leiðsagnir um helgina
Laugardaginn 24. maí, kl. 15 verður boðið upp á almenna leiðsögn um sýningar Þóru Sigurðardóttur, Tími – Rými – Efni, og Heimis Hlöðverssonar, Samlífi, sem opnaðar voru um síðustu helgi. Jafnframt verður fjölskylduleiðsögn um sýningarnar í boði daginn eftir, sunnudaginn 25. maí kl. 11-12. -
Loksins fær þyrlan heimili fyrir norðan
Því ber að fagna að ríkisstjórn Íslands hafi borið gæfa til að setja fjármuni í fasta starfsstöð Landhelgisgæslunnar á Akureyri, eitthvað sem ég hef barist fyrir sem þingmaður Norðausturkjördæmis undanfarin ár. Nú síðast lagði ég fram þingsályktunartillögu þess efnis í mars sl. -
Akureyrarhlaup í sókn – UFA og atNorth gera með sér þriggja ára samstarfssamning
Ungmennafélag Akureyrar (UFA) gerði á dögunum samstarfssamninga við nokkur öflug fyrirtæki vegna Akureyrarhlaupsins. Gerður var samstarfssamningur við atNorth til næstu þriggja ára. Að auki var samið við Altis sem selur meðal annars Mizuno íþróttafatnað og T-plús sem veitir verðlaunafé fyrir brautarmet í Akureyrarhlaupinu líkt og fyrri ár.