Tímabundnir erfiðleikar en ekki viðvarandi
Jón Hrói Finnsson sveitarstjóri segir að búist sé við að tekjur sveitarfélagsins dragist saman á næsta ári, útsvarstekjur verði minni en áður og það sama gildi um framlög Jöfnunarsjóðs. Því þurfi að mæta og er það gert m.a. með hækkun fasteignaskatts. Sorphirðugjöld hækka einnig, enda búist við að kostnaður af sorpförgun aukist umtalsvert. „Við höfum boðið upp á ókeypis skólamáltíðir í grunn- og leikskóla undanfarin ár og ákveðið var að halda því áfram að minnsta kosti út þetta skólaár. Ekki verða heldur breytingar varðandi frístundakort fyrir börn og ungmenni til að stunda íþrótta- og tómstundastarf. Þannig höldum við þessum þjónustuþáttum sem varða fjölskylduna óbreyttum inni. Loks verða tekjumörk afslátta vegna fasteignagjalda þau sömu og verið hafa" segir Jón Hrói.
Framkvæmdir á vegum sveitarfélagsins verða svipaðar og verið hefur undanfarin ár, en ráðgert er að verja um 20 milljónum króna til fjárfestinga. „Við förum ekki út í stórar nýjar framkvæmdir á næsta ári, en klárum þær framkvæmdir sem hófust á þessu ári" segir Jón Hrói.
Gert er ráð fyrir að á næsta ári verði lán að upphæð 16,5 milljónir króna greidd upp, en Jón Hrói segir að sveitarfélagið eigi peninga í sjóði og þar sem vextir af innistæðum fari snarlega minnkandi þyki skynsamlegra að greiða lánin upp. „Vextir hafa lækkað þannig að það er ekki eins hagstætt og áður að eiga peninga á reikningum" segir Jón Hrói. Aftur á móti sé sveitarfélagið vel í stakk búið að taka á þeim halla sem verður á rekstrinum á næsta ári þar sem það eigi fé í sjóði. „En við beinum þeim tilmælum til stjórnenda stofnana sveitarfélagsins að þeir gæti ítrasta aðhalds í reksti. Við getum mætt þessum hallarekstri á næsta ári og vonum að um tímabundna erfiðleika sé að ræða, en ekki viðvarandi."
Nýjast
-
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí. -
Sumarið er komið!
Þetta dásamlega veður sem landsmenn njóta er gleðiefni og er þá vægt tekið til orða, á heimasíðu Þingeyjarsveitar er þessari blíðu fagnað. -
Skýr og lausnamiðuð afstaða Framsóknar til veiðigjalda
Framsókn hefur tekið skýra og málefnalega afstöðu í umræðunni um veiðigjöld. Við styðjum heilshugar réttmæta kröfu samfélagsins um að sameiginleg sjávarauðlind þjóðarinnar skili arði sem gagnast samfélaginu öllu. Hins vegar skiptir máli hvernig það er gert. Óvönduð skattheimta getur skaðað atvinnulíf, dregið úr nýsköpun og veikt byggðir sem byggja afkomu sína á sjávarútvegi. -
Farsæld í brennidepli – öll eru velkomin! Sjónaukinn 2025
Í heimi þar sem hraði breytinga og flókin samfélagsmál eru daglegt brauð, skiptir máli að staldra við og beina sjónum að því sem skiptir mestu máli: farsæld fólks. Ráðstefnan Sjónaukinn 2025, sem haldin verður við Háskólann á Akureyri dagana 19. og 20. maí, leitast við að varpa ljósi á fjölbreyttar leiðir til að efla samfélagslega velferð og vellíðan. Undirtónn ráðstefnunnar er skýr: Við höfum öll hlutverki að gegna – og með samvinnu getum við skapað samfélag þar sem enginn er skilinn eftir. -
Vel heppnaður Súpufundur atvinnulífsins haldinn á Múlabergi
Í hádeginu í gær fór fram vel heppnaður Súpufundur atvinnulífsins á Múlabergi, Hótel KEA, þar sem stjórnendur um fimmtíu fyrirtækja og stofnana komu saman til að ræða framtíð atvinnulífsins á svæðinu. -
Ársfundur HSN Jákvæð þróun þrátt fyrir áskoranir í rekstri
Ársfundur Heilbrigðisstofnunar Norðurlands (HSN) fór fram í Hofi á Akureyri þriðjudaginn 13. maí 2025. Þar voru kynntar niðurstöður fyrir rekstrarárið 2024. Þrátt fyrir áskoranir í rekstri varð þó mjög jákvæð þróun í starfsemi, þjónustu og mannauðsmálum sem gefur tilefni til bjartsýni fram veginn. -
Auðlindirnar í þjóðareign.
Margir biðu spenntir eftir því að Alþingi tæki til starfa eftir páskafrí þingmanna og ég var þeirra á meðal. Á dagskrá þingsins voru hugmyndir um að hækka talsvert skatta sem lagðir eru á sjávarútveginn umfram aðra atvinnuvegi. Mér fannst þetta áhugaverð hugmynd og hlakkaði til að hlusta á upplýsandi umræðu um auðlindir og auðlindanýtingu. Ég kom mér því notalega fyrir við sjónvarpsskjáinn áður en Silfrið byrjaði í sjónvarpi Ríkisútvarpsins fyrsta mánudag eftir frí þingmanna. -
Fimm tilboð í göngubrú
Fimm tilboð bárust í byggingu á nýrri steinsteyptri göngubrú í götustæði Borgarbrautar, auk stígagerðar að aðliggjandi stígum, uppsetningu á grjótkörfum, stoðveggjum og uppsetningu á lýsingu.