Þrettándagleði Þórs slegin af vegna veðurs
Þrettándagleði Íþróttafélagsins Þórs á Akureyri sem átti að fara fram á brennustæðinu við Réttarhvamm næstkomandi fimmtudag, hefur verið slegin af. Er þetta í annað sinn á stuttum tíma sem hætt er við brennuna. Að sögn Sigfúsar Helgasonar formanns Þórs er það vegna veðurs sem brennan er nú slegin af, en mikið hefur snjóað í bænum upp á síðkastið og víðast hvar snjóþungt.
„Vegna aðstæðna í Akureyrarbæ, sem er meira en minna ófær, sjáum við okkur ekki fært um halda þetta. Nú búum við okkur bara undir næsta ár,” segir Sigfús í samtali við Vikudag. Brennunni var fyrst aflýst í síðustu viku vegna þess að ekki tókst að fá kostunaraðila að gleðinni en nokkur fyrirtæki í bænum, ásamt Akureyrarstofu, buðust í kjölfarið til að styrkja félagið í að halda brennuna.
Sigfús vill koma á framfæri þakklæti til allra þeirra sem buðust til að hjálpa. „Við metum það mikils en það ræður enginn við veðurguðina,” segir Sigfús.
Nýjast
-
Minningarbekkur í Birtugerði
Minningarbekkur til heiðurs systkinunum Huldu Benediktsdóttur (f. 1938) og Sigurjóni Benediktssyni (f. 1936) hefur verið vígður í Lónsbakkahverfinu í Hörgársveit. -
Geislameðferð sem lífsbjörg
Ég held að við upplifum flest áhyggjur þegar við lesum fréttir af því að bið fólks með krabbamein eftir því að komast í geislameðferð sé orðin tvöfalt lengri en sú hámarksbið sem miðað er við. Flest þekkjum við til og vitum hversu mikið álag er á fólki sem gengur í gegnum þessa erfiðu meðferð og sömuleiðis á ástvini þess. Það er hálfóhugsandi að ímynda sér stöðu þeirra sem hafa lokið lyfjameðferð og bíða bara eftir að geta haldið áfram sinni meðferð við þennan lífsógnandi óvin. -
Alls 100 kg af rusli fjarlægð úr fjörunni
Í liðinni viku stóðu starfsmenn PCC á Bakka við Húsavík fyrir ruslahreinsun utan athafnasvæðis fyrirtækisins í samstarfi við Ocean Missions -
Lagt til að heimgreiðslur verði festar í sessi
Alls fengu foreldrar 81 barns heimgreiðslur frá Akureyrarbæ árið 2024. Greiðslur námu tæplega 38,6 milljónum króna. Á tímabilinu janúar til maí á þessu ári hafa foreldrar 61 barns fengið heimgreiðslur að upphæð 15,5 milljónir króna. -
Sumarið er byrjað í Hlíðarfjalli
Sumaropnun í Hlíðarfjalli hefst í dag, 8. júlí, og stendur til 6. september. -
Afmæliskaffi GA í gær - sex nýir heiðursfélagar GA
Afmæliskaffi GA í tilefni 90 ára afmælis klúbbsins á árinu var haldið í golfskálanum að Jaðri í gær kl.14:00. -
Ferro Zink og Metal sameinast
Skrifað hefur verið undir samninga um sameiningu á Ferro Zink og Metal með fyrirvara um samþykki hluthafafunda og Samkeppniseftirlitsins. Með sameiningu þessara tveggja rótgrónu fyrirtækja verður til eitt öflugasta þjónustufyrirtæki á sviði iðnaðar á landinu með yfir 70 starfsmenn og starfsstöðvar á Akureyri og á höfuðborgarsvæðinu en ársvelta þessara félaga var samtals tæpir 5 milljarðar í fyrra. -
Tvö tilboð í lóðir við Hofsbót
Tilboð bárust frá tveimur lögaðilum í lóðirnar við Hofsbót 1 og 3, en frestur til að sækja um rann út í gær. Þeir sem buðu voru annars vegar SS Byggir sem bauð 251 milljón króna í lóðirnar og Sigtún Þróunarfélag bauð 235 milljónir. -
Hálsmelar – Falin útivistarperla
Þingeyjarsveit vill benda íbúum á einstakt útivistarsvæði sem margir hafa ekki enn uppgötvað, Hálsmelana. Árið 2022 var vígður 1,4 km langur göngustígur sem liggur um melana og býður upp á nærandi útivist í afar fallegu umhverfi.
