,,Það má kallast þjóðlegasti siður, þetta að pota útsæðinu niður"
Heimilisfólkið á Lögmannshlíð notaði góða verðrið i dag vel. Mynd Heilsuvernd
Þessa línu hér í fyrirsögn þekkja eflaust einhverjir lesendur, en hinum til glöggvunar skal frá því sagt að þetta sungu Lúdó og Stefán hér um árið og nutu vinsælda.
Eflaust hafa einhverjir af heimilisfólkinu á Lögmannshlíð raulað þennan ágæta slagara fyrir munni sér í dag, þegar útsæðinu var einmitt potað niður í beð sem þar eru.
Um að gera að nota góða verðrið áður en ,,hann " brestur á með kulda, garra og leiðindum a.m.k. miðað við árstíma.
Já þau á Veðurstofu Íslands hafa slegið fram gulri viðvörun takk fyrir takk og boða í henni:
Snjókomu í innsveitum og á heiðum!!!
,,Norðaustan kaldi og snjókoma með köflum í innsveitum og á heiðum, einkum austantil á svæðinu. Snælínan verður í um 100-200 metra hæð eftir hádegi á fimmtudag, en um kvöldið og nóttina líkur á snjókomu eða slyddu á láglendi.
Bændur eru hvattir til að huga að lambfé.
Einnig geta aðstæður á fjallvegum orðið varasamar fyrir ökutæki á sumardekkjum."
Hreint ekki það sem við viljum sjá, en vonandi fer allt vel og minna verður úr en í þessari spá er boðað.
Fleyg orð Óla Þórs Árnasonar veðurfræðings sögð fyrir tæpu ári í viðtali við vef Vikublaðsins skulum við hafa í minni, Óli sagði ,,aldrei hefur komið svo vont veður að það hafi ekki orðið gott aftur."
Með því að feta slóðina hér fyrir neðan má hlusta á Lúdó og Stefán flytja Út í garði eða kartöflulagið eins og það var kallað af ónefndu fermingarbarni vorið 1977
https://open.spotify.com/track/1hEjwaMjR8NrVyquE97L5Y
Nýjast
-
Nú hvessir í Hofi
Sönghópurinn Rok heldur tónleika í Hömru -
,,Það má kallast þjóðlegasti siður, þetta að pota útsæðinu niður"
Þessa línu hér í fyrirsögn þekkja eflaust einhverjir lesendur, en hinum til glöggvunar skal frá þvi sagt að þetta sungu Lúdó og Stefán hér um árið og nutu vinsældra. -
Kínverski sendiherrann á Íslandi heimsótti Þingeyjarsveit
Kínverski sendiherrann á Íslandi, He Rulong, heimsótti Þingeyjarsveit fyrir skömmu ásamt föruneyti. Tilefni ferðarinnar var að skoða norðurslóðarannsóknarstöðina Arctic Observatory á Kárhóli. „Í leiðinni óskaði sendiherrann eftir að hitta fulltrúa sveitarstjórnar og nærsamfélagsins til þess að ræða hvaða sýn heimafólk hefði á starfsemina, en framtíðarsýnin er að opna gestastofu í húsinu,“ segir Arnór Benónýsson sveitarstjórnarfulltrúi, en hann, Margrét Hólm Valsdóttir og Knútur Emil Jónasson áttu fund með hópnum. -
Björnis dagurinn 2026
Árlega heimsækir Slökkvilið Akureyrar elstu börnin í leikskólunum á Eyjafjarðarsvæðinu til þess að fræða börnin um eldvarnir. Í heimsóknunum nýtur Slökkviliðið aðstoðar Björnis brunabangsa sem er ættaður frá Noregi . Börnin fá fræðslu um eldvarnir og fá að kynnast starfi slökkviliðsmanna og búnaðinum sem þeir nota í starfi sínu. Í heimsóknunum á leikskólana fá börnin bók um Björnis brunabangsa, en í henni eru meðal annars þrautir, verkefni og fræðsla um eldvarnir. -
Malasíski gítarleikarinn Loo Sim Ying með tónleika í Davíðshúsi í kvöld
Malasíski gítarleikarinn Loo Sim Ying kemur um langan veg til að flytja tónlist í Davíðshúsi í kvöld kl. 20 aðgangur er ókeypis. -
Úthlutun úr samfélagssjóði Orkuveitu Húsavíkur 2026
Þann 14.apríl sl opnaði Orkuveita Húsavíkur fyrir umsóknir í samfélagssjóð Orkuveitu Húsavíkur. -
Grænfánaskólar í Hörgársveit
Heilsuleikskólinn Álfasteinn og Þelamerkurskóli hlutu á dögunum viðurkenningu Landverndar fyrir öflugt umhverfisstarf þegar Grænfáninn var afhentur skólunum við hátíðlega athöfn. -
Fullveldi, upplýst umræða og ábyrg ákvörðun
Komandi þjóðaratkvæðagreiðsla um framhald viðræðna við Evrópusambandið er eitt stærsta pólitíska álitaefni sem Alþingi hefur tekist á við um langt skeið. Atkvæðagreiðslan snýst ekki aðeins um stjórnmál eða aukið alþjóðasamstarf heldur um framtíðarsýn þjóðarinnar, fullveldi Íslands og hvernig við viljum að ákvarðanir um landið okkar séu teknar til framtíðar. -
Arkitektastofan ALARK arkitektar hlaut fyrstu verðlaun í samkeppni um skipulag Akureyrarvallar og nágrennis
Arkitektastofan ALARK arkitektar hlaut fyrstu verðlaun í hugmyndasamkeppni Akureyrarbæjar um skipulag Akureyrarvallar og nærliggjandi svæðis. Alls bárust 16 tillögur, þar af 15 gildar, í samkeppnina sem haldin var í samstarfi við Arkitektafélag Íslands.
