Sumarið gott hjá Golfklúbbi Akureyrar
Í sumar var lokið við frágang fyrir framan innganginn í golfbúðina og er útkoman afar smekkleg. Myndir Aðsendar
„Sumarið gekk mjög vel, það varð þónokkur aukning í spiluðum hringjum þegar er skoðað meðaltal á dag, þannig að enn eitt aðsóknarmetið er fallið hvað það varðar,“ segir Steindór Ragnarsson framkvæmdastjóri Golfklúbbs Akureyrar. Jaðarsvöllur er enn opinn og kylfingar á ferðinni á vellinum.
Samanlagt hafa félagar í GA spilað 36.285 samanborið við 37.829 í fyrra en völlurinn er enn opinn og því enn að bætast í hringina. Völlurinn opnaði 23.maí í ár en 12.maí 2025 þannig það skýrir í raun muninn milli ára. „Það er líka skemmtilegt að segja frá því að heimsóknum erlendra kylfinga hafa aukist um tæp 50% og eru alls 518 í ár. Íslenskir golfvellir og Ísland sem áfangastaður fyrir golfara er sífellt að fljúga hærra og hærra,“ segir Steindór.
Opið meðan jarðvegur er ófrosinn
Steindór nefnir að vorið hafi verið kalt og golfsumarið af þeim sökum farið seint af stað. „Jaðarsvöllur hefur verið opinn í 143 daga en í fyrra var alls opið í 158 daga. Að meðaltali voru spilaðir 239 hringir á dag í fyrra en í ár 256 hringir á dag sem er töluverð aukning,“ segir hann. „Fram til þessa hefur veður verið gott og völlurinn í frábæru ástandi, en við eigum eftir að sjá hvað það endist lengi. Völlurinn verður opinn meðan jarðvegurinn er ófrosinn, við lokum þegar frostið í jarðveginum helst yfir daginn.
Vex og dafnar
Steindór segir rekstur Golfklúbbs Akureyrar ganga vel, klúbburinn vex og dafnar. „Það er orðin mikil þörf hjá okkur að endurnýja tækjakostinn og að sinna ýmis konar viðhaldi. Einnig eigum við og sinnum viðhaldi á fasteignunum hér á Jaðri sem þarf að gera vel. Við reynum að gera eins mikið og reksturinn leyfir hverju sinni, en þetta er gríðarlega kostnaðarsamur útgjaldaliður,“ segir hann.
Spilað úti og inni
Alls eru 8 golfhermar í húsakynnum klúbbsins við Jaðarsvöll í glæsilegri inniaðstöðu sem hefur verið opnuð á ný eftir sumarið. „Áhuginn er mikill, kylfingar eru farnir að panta sér tíma langt inn í veturinn. Við erum því um þessar mundir að spila bæði úti og inni og gerum það á meðan veður leyfir.
Búið er að opna golfhermana að Jaðri og kylfingar hafa þegar pantað tíma langt inn í veturinn
Nýjast
-
Sumarið gott hjá Golfklúbbi Akureyrar
„Sumarið gekk mjög vel, það varð þónokkur aukning í spiluðum hringjum þegar er skoðað meðaltal á dag, þannig að enn eitt aðsóknarmetið er fallið hvað það varðar,“ segir Steindór Ragnarsson framkvæmdastjóri Golfklúbbs Akureyrar. Jaðarsvöllur er enn opinn og kylfingar á ferðinni á vellinum. -
Þórhalla Sigurðardóttir hlaut hvatningarstyrk Vísindaráðs SAk
Á Vísindadegi SAk afhenti Vísindaráð hvatningarstyrk ársins til Þórhöllu Sigurðardóttur fyrir framúrskarandi vinnu við doktorsverkefni hennar. -
Öðruvísi grín í FramtÝð Íslands
FramtÝð Íslands er heiti á sýningu sem verður á Múlabergi, Akureyri annað kvöld, föstudagskvöldið 16. október klukkan 20. -
Endurhæfum Kristnes
Nýlega var kjördæmavika og við þingmenn Norðausturkjördæmis ferðuðumst saman um kjördæmið, hittum sveitarstjórnarfólk, fyrirtæki, forstöðumenn hinna ýmsu stofnana og áttum mörg góð samtöl um þau verkefni sem helst brenna á íbúum. Einn af rauðu þráðunum í þessum samtölum, sérstaklega á Norðurlandi eystra, var staðan á Kristnesi. Skilaboðin voru skýr. Það bráðvantar framtíðarsýn fyrir endurhæfingarþjónustuna og það þarf að taka ákvarðanir. -
Bragð af Persíu í Kelduhverfi
Persnesk matargerð verður í aðalhlutverki á Hótel Skúlagarði í Kelduhverfi föstudaginn 16. og laugardaginn 17. október. Þar mun Sahar Pahlevanzadeh sjá um þrírétta máltíð. Að sögn Egils Bjarnasonar hótelstjóra hefur hugmyndin að kvöldunum hefur verið til umræðu frá því hún flutti í sveitina fyrr á þessu ári. -
Neyðarstjórn Norðurorku í viðbragðsstöðu en spáð er hárri sjávarstöðu í nótt
Neyðarstjórn Norðurorku hefur í gær og í dag verið í viðbragðsstöðu vegna slæmrar veðurspár fyrir kvöldið og fram á nótt. -
Drift EA eflir ráðgjöf á sviði hugverkaréttinda og einkaleyfa
Ingólfur Pálsson, evrópskur einkaleyfafulltrúi hjá Dragsted Partners A/S í Danmörku, hefur gengið til liðs við hóp sérfræðinga hjá Drift EA sem kallast Driftarar. Með þátttöku hans eykst aðgengi frumkvöðla að sérfræðiþekkingu á sviði einkaleyfa og verndar hugverka, sem getur skipt sköpum í þróun nýrra lausna og uppbyggingu fyrirtækja. -
Háskólinn á Akureyri opnar fyrir nám í áfengis- og vímuefnaráðgjöf
Háskólaráð Háskólans á Akureyri samþykkti á fundi sínum 26. september að setja á laggirnar nýtt þriggja ára bakkalárnám í Áfengis- og vímuefnaráðgjöf við Hjúkrunarfræðideild. -
KEA fagnar 140 ára afmæli með 10 milljóna króna styrk til björgunarsveita
Í tilefni 140 ára afmælis KEA á árinu hefur félagið ákveðið að styrkja björgunarsveitir á félagssvæði sínu um samtals 10 milljónir króna. Með styrknum vill KEA þakka björgunarsveitunum fyrir ómetanlegt framlag þeirra til öryggis og velferðar íbúa á svæðinu.
