Stefnt að því að koma á fót koltrefjaverksmiðju á Akureyri
Eyþór Arnalds framkvæmdastjóri Strokks segir að hugmyndin sé að byggja upp græna stóriðju og að aðstæður til þess að byggja svona verksmiðju á Akureyri séu þær bestu á landinu. "Með það veganesti getum við farið í þá þróunarvinnu sem nauðsynleg er en sú vinna getur tekið allt að tvö ár. Framleiðslu á koltrefjum fylgir hátækni og þess vegna teljum við að þetta sé eðlilegur hluti af næstu stóriðju á Íslandi." Strokkur hyggst vinna að því að koma á fót verksmiðju sem framleiða mun koltrefjar með tækni sem krefst afhendingar rafmagns til stórnotanda, allt að 15-20 MW, og metangass. Félagið mun vinna að fjármögnun verkefnisins og samningum við erlendan samstarfsaðila sem og samningum um afhendingu þeirrar orku sem nauðsynleg er. Rammasamningurinn er grundvöllur þeirrar vinnu.
Hermann Jón segir að bærinn muni láta byggja söfnunar- og hreinsistöð fyrir metangas á urðunarstaðnum á Glerárdal sem síðan muni sjá verksmiðjunni fyrir því metangasi sem þarf til starfseminnar, 1,5 milljón rúmmetra á ári. Jafnframt mun bærinn tryggja aðgang að lóð fyrir verksmiðjuna á Rangárvöllum. Gangi áætlanir um undirbúning eftir gæti uppbygging hafist í framhaldinu og verksmiðjan verið komin í gang 2012-2014. Ráðgert er að byggja um 10.000 fermetra verksmiðjuhús á Rangárvöllum og um 1.500 fermetra vöruhús. Hermann Jón segir að Atvinnurþróunarfélag Eyjafjarðar hafi unnið að undirbúningi verkefnsins um nokkrun tíma og hann er bjartsýnn á framgang þess. Þetta sé jafnframt stórt og mikilvægt skref í mögulegri atvinnuuppbyggingu í bænum.
Koltrefjar eru notaðar sem styrkingarefni við framleiðslu á margs konar vörum og leysa af hólmi ýmis þekkt smíðaefni í iðnaði svo sem ál, timbur og stál, sérstaklega í iðngreinum þar sem léttleiki og styrkur eru höfð að leiðarljósi. Sem dæmi um notkunarmöguleika á koltrefjum má nefna að flugvélaiðnaðurinn nýtir þetta efni í vaxandi mæli og er ný kynslóð af farþegaþotum smíðuð að verulegu leyti með koltrefjum sem styrkingarefni. Þá sagði Eyþór að koltrefjar séu notaðar til að smíða vindmyllur og kappakstursbíla, m.a. væru um 80% af Ferrari kappakstursbílum koltrefjar. Koltrefjar stuðla, vegna léttleika, að minni orkunotkun, auk þess sem umhverfisáhrif við framleiðslu eru takmörkuð.
Nýjast
-
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí.