Stefnt að aukinni framleiðslu á fiskafóðri á árinu
Gunnar Örn segir að framleiðslan í fyrra hafi numið um 6.500 tonnum, en var 5.000 tonn árið þar á undan. „Við stefnum að því að framleiða upp undir 10 þúsund tonn á þessu ári," segir hann. Tveir nýir kaupendur hafa bæst í hópinn, Fjarðalax í Tálknafirði og Dýrfiskur í Dýrafirði. „Það lítur vel út með fiskeldið og það er að aukast hægt og bítandi," segir Gunnar Örn. Framleiðslugeta verksmiðjunnar er mun meiri, þannig að hún er ekki fullnýtt, en hann væntir þess að smám saman verði framleitt meira magn í verksmiðjunni og nýtingin verði betri á næstu árum.
Gunnar Örn segir að tækifæri séu fyrir hendi í fiskeldi á Íslandi og í raun eigi Íslendingar ekki að vera eftirbátar Færeyingja í þessum efnum, en þar nemi framleiðslan á bilinu 40 til 50 þúsund tonnum. Íslendingar framleiði enn sem komið er aðeins um 8.000 tonn. „Það sem stendur í veginum fyrir því að framleiðslan er ekki meiri en raun ber vitni er að lánastofnanir halda mjög að sér höndum varðandi fyrirgreiðslu til fyrirtækja á sviði fiskeldis. Þar á bæ sjá menn bara rautt þegar minnst er á fiskeldi," segir Gunnar Örn.
Hann segir aðstæður nú allt aðrar en voru á árum áður þegar illa gekk í fiskeldi, verð á afurðum sé í sögulegu hámarki og þá sé fyrir hendi mun meiri þekking í faginu en var. Stjórnvöld tali um að styðja þurfi við bakið á fyrirtækjum í útflutningi og þeim sem eru í gjaldeyrisskapandi starfsemi, en það virðist í tilviki fiskeldis vera meira í orði en á borði.
„Tækifærin eru til staðar og verð t.d. á laxi er mjög hátt um þessar mundir, það er líka ljóst að við veiðum ekki meira á næstu árum þannig að aukningin hlýtur að koma frá fiskeldi. Að mínu mati skortir ákveðna framsýni hvað þessa grein varðar, menn eru hræddir vegna þess hvernig til tókst fyrir margt löngu. Ég er ekki að tala um að fara fram með bægslagangi og látum, heldur gera þetta skynsamlega og byggja greinina upp að nýju," segir Gunnar Örn.
Velta fyrirtækisins jókst umtalsvert á milli ára, var 1,5 milljarðar á liðnu ári, en var um 750 milljónir árið á undan. Alls starfa 8 manns hjá fyrirtækinu.
Nýjast
-
Fjölskylduhátíðin Ein með öllu um verslunarmannahelgina
Bæjarhátíðin Ein með öllu fer fram á Akureyri um verslunarmannahelgina. Hátíðin verður glæsileg, líkt og undanfarin ár, með fjölbreyttri dagskrá fyrir alla fjölskylduna. -
Gosmengun á Akureyri og krakkar í Vinnuskólanum sendir heim
Brennisteinsdíoxíð í andrúmsloftinu mældist mikið á Akureyri í morgun en hefur minnkað eftir því sem líður á daginn. Vegna þessa voru krakkar í Vinnuskólanum á Akureyri sendir aftur heim þegar þeir mættu til vinnu í morgun. -
Akureyri - Móða yfir mörkum, ekki gulllituð þó
Mikil loftmengun hefur verið í firðinum okkar fagra frá því í gærkvöldi og allar tölum um loftgæði eldrauðar. Fagfólki ber reyndar ekki saman um það hvort hér sé um að ræða mengun frá eldgosinu á Suðurnesjum eða hvort þetta sé loft sem ættað er frá Evrópu. -
Hlutafjáraukning vegna Eldisgarðs stækkuð vegna mikillar eftirspurnar
Útgáfa nýs hlutafjár í Samherja fiskeldi ehf. vegna Eldisgarðs, nýrrar landeldisstöðvar fyrir lax á Reykjanesi, hefur verið stækkuð í 210 milljónir evra úr 125 milljónum evra vegna aukinnar eftirspurnar fjárfesta. -
Mokveiði og stórhveli elta síld nánast upp í landsteina
Mokveiði hefur verið hjá strandveiðibátum við Grímsey frá því veiðarnar hófust í byrjun maí. -
Landsvirkjun og Landsnet styrkja Brunavarnir Þingeyjarsveitar
Landsvirkjun og Landsnet hafa veitt Brunavörnum Þingeyjarsveitar styrk til kaupa á One-7 slökkvikerfi í tvær bifreiðar í eigu slökkviliðsins. Slökkvikerfið sjöfaldar slökkvimátt þess vatns sem er notað auk þess sem það dregur verulega úr mengun vegna slökkvistarfa frá því sem áður var. -
We – Við – Meie
Nemendur og starfsfólk Stórutjarnaskóla fengu nýverið styrk úr Erasmus+ áætlun Evrópusambandsins til að vinna að alþjóðlegu ungmennaverkefni sem ber nafnið „We – Við – Meie“. Verkefnið er leitt af Sigríði Árdal og Mariku Alavere í samstarfi við nemendur í 8.–10. bekk, og í september mun hópurinn taka á móti tíu ungmennum og kennurum þeirra frá Eistlandi. -
Viðræður við Kisukot ekki á dagskrá að svo stöddu
Ragnheiður Gunnarsdóttir sem rekið hefur Kisukot á heimili sínu var ekki alls kostar sátt við að framlag Akureyrarbæjar til Kisukots yrði ein greiðsla upp á hálfa milljón króna -
Norðurorka - Engir bakhjarlastyrkir að svo stöddu
Norðurorka getur að svo stöddu ekki orðið við óskum um bakhjarlastyrki eða samninga. Stjórnar- og bakhjarlastyrkir voru til umræðu á fundi stjórnar Norðurorku á dögunum þar sem farið var yfir umsóknir sem höfðu borist. Norðurorka veiti styrki til verkefna sem styðja við jákvæða þróun samfélagsins innan veitusvæðisins.
