,,Slökkviliðið frábær vinnustaður"
Eydís Sigurgeirsdóttir Slökkviliði Akureyrar Mynd Axel Darri
Eydís Sigurgeirsdóttir sem hefur unnið hjá Slökkviliði Akureyrar í sjö ár, er i viðtali á Fb síðu Akureyrarbæjar í dag undir liðnum Akureyringur Vikunnar. Eydís kláraði bráðatækninám, ásamt samstarfskonu sinni Bryndísi Elvu Bjarnadóttur, frá NMETC í Massachusetts í febrúar.
Eydís kynntist sjúkraflutningum þegar hún var í afleysingum hjá Lögreglunni í tæpt ár. „Ég fór í Sjúkraflutningaskólann til að læra hvernig best væri að bregðast við veikum og slösuðum. Mér kom á óvart hvað námið var skemmtilegt. Eftir það langaði mér ekki aftur í lögguna og vildi snúa mér alfarið að slökkviliðinu.“
Hún segir mikilvægt að slökkviliðs- og sjúkraflutningamenn geti unnið vel undir miklu álagi. „Sumir eru pollrólegir að eðlisfari, en aðrir geta þjálfað þetta upp með þekkingu og reynslu. Sjálfri tekst mér að einbeita mér að verkefninu fram undan og fæ einhverskonar rörsýn á það sem ég er að gera. Svo vinnur maður úr hlutunum seinna. Þetta er lítið samfélag og ég hef komið að fólki sem ég þekki eða kannast við, en ekki úr mínum nánasta hring og ég veit að mér myndi þykja það mjög erfitt.“
Vinnan hjá slökkviliðinu er krefjandi og þá skiptir máli að eiga gott bakland, bæði heima og í vinnunni. „Fyrst og fremst er það félagastuðningurinn – við erum dugleg að tala saman og fylgjast með hvoru öðru. Eftir stór og erfið útköll er líka oft kallað á utanaðkomandi fagaðila sem stýrir rýninni. Ég bý svo vel að maki minn er einnig í slökkviliðinu og við veitum hvort öðru stuðning. Það er ekki hægt að ræða þessi mál við hvern sem er, því þótt maður sleppi öllum persónuupplýsingum þá er skilningurinn ekki til staðar nema hjá þeim sem þekkja starfið.“
Hún segir slökkviliðið frábæran vinnustað. „Ég held að okkur líði flestum mjög vel í dag. Ég veit að eldri kynslóðin í hópnum upplifði stundum erfiðari tíma og við pössum að slíkt gerist ekki aftur. Ef eitthvað kemur upp er strax tekið á því. Við erum samheldin fjölskylda og ég gæti alveg trúað að við tengjumst öðuvísi, vegna þess hvernig vinnan er.
En er þetta starf fyrir alla? „Nei ég myndi ekki segja það, rétt eins og það er ekki fyrir alla að vinna á leikskóla eða í skrifstofuvinnu. Samskipti, samvinna og fagmennska eru mikilvæg. Enginn dagur er eins og við vitum aldrei hvaða verkefni eru fram undan og þurfum að vera viðbúin að takast á við mismunandi áskoranir öllum stundum og fara út fyrir þægindarammann. Maður þarf líka að gera sér grein fyrir að það eru allir jafnir, sama hvort sem þeir hafa unnið í tvo daga eða tíu ár. Nú förum við að fá inn sumarafleysingarfólk og þá er mikilvægt að muna að þau eru jafn stór hluti af teyminu og við hin. Við byrjuðum öll á sama stað – græn á bak við eyrun og vissum ekki neitt.“
En hvað ætlar hún að gera í sumar? „Ég á aðeins tvær vaktir eftir og er þá komin í frí. Ég og maðurinn minn ætlum á ráðstefnu í Svíþjóð og svo í kjölfarið beint á námskeið í Bretlandi. Endurmenntun er svo mikilvæg í þessu starfi. Þannig byrjar fríið en svo taka við útilegur og bras í garðinum og í kringum húsið okkar.“
Nýjast
-
Sýning á Iðnaðarsafni í tilefni af 80 ára afmæli ÚA
Útgerðarfélag Akureyringa heldur um þessar mundir upp á 80 ára afmæli sitt, félagið var formlega stofnað 26. maí árið 1945. Aðeins fyrr eða um miðjan mars hafði verið boðað til undirbúningsfundar þar sem áhugi fyrir stofnun útgerðarfélags í bænum var kannaður. -
Hvatningarverðlaun Eyrarrósarinnar í Þingeyjarsveit
Verkefnið Afhverju Ekki hlaut Hvatningarverðlaun Eyrarrósarinnar 2025! Afhverju Ekki, einnig nefnt „The Absolutely Everything Studio“, er þverfaglegt vinnustofu-rannsóknarsetur sem stofnað var árið 2024. Verkefnið er leitt af Dr. Jack Armitage fræði- og listamanni. Afhverju Ekki stuðlar að samvinnu og samstarfi með það að marki að finna lausnir á flóknum vistfræðilegum viðfangsefnum. Setrið er staðsett í Breiðanesi, á Laugum í Þingeyjarsveit. Þegar hefur verið tekið á móti sex fræði- og listamönnum sem komið hafa til vinnudvalar og unnið að hönnun, hugbúnaðarþróun og listsköpun, meðal annars fyrir sýningu Íslands á Feneyjartvíæringnum í arkitektúr. -
VMA- Aldrei jafnmargir nemendur brautskráðir á einu skólaári
Alls voru brautskráðir 186 nemendur frá Verkmenntaskólanum á Akureyri við athöfn síðastliðinn laugardag. Þeir voru af tuttugu námsbrautum auk meistaranáms að loknu sveinsprófi. -
ÚA 80 ára - Gjörið svo vel, gangið í bæinn
Í tilefni af 80 ára afmæli Útgerðarfélags Akureyringa er almenningi boðið að kynna sér starfsemi ÚA við Fiskitanga á Akureyri, laugardaginn 31. maí frá klukkan 11:00 til 13:00. -
Þokkabót fagnar afmæli sínu á Græna hattinum
Rúm 50 ár eru nú liðin frá stofnun hljómsveitarinnar Þokkabótar. Fyrsta plata þeirra, Upphafið, kom út 1974. Hún vakti mikla athygli fyrir beitta texta, grípandi lög og geðgóðan flutning. Þekktasta lagið var „Litlir kassar“ og var einkennandi fyrir þá geðgóðu þjóðfélagsrýni sem einkenndi sveitina okkar á milli. -
Þingeyjarsveit - Dagbjört S. Bjarnadóttir heiðruð á aðalfundi Félags íslenskra hjúkrunarfræðinga
Þann 15. maí sl. var aðalfundur Félags íslenskra hjúkrunarfræðinga haldinn á Hilton Reykjavík Nordica. Dagbjört S. Bjarnadóttir var þar heiðruð þar sem hún hlaut hvatningarstyrk ásamt fjórum öðrum hjúkrunarfræðingum fyrir þeirra framlag í greininni. -
Kvennakórinn Embla ásamt hljómsveit flytja Messu fyrir særða jörð
Kvennakórinn Embla ásamt hljómsveit, Þórunni Ósk Marínósdóttur violuleikara og Erlu Dóru Vogler mezzosópran flytja Messu fyrir særða jörð eftir tónskáldið Ketil Björnstad og textahöfundinn Erik Hillestad. Tónleikarnir verða í Glerárkirkju sunnudaginn 1. júní kl 17. Stjórnandi er Roar Kvam. -
Alzheimersamtökin með fræðslu á Norðurlandi
Eitt af meginmarkmiðum Alzheimersamtakanna er að auka þekkingu og dýpka skilning á þeim áskorunum sem einstaklingar með heilabilun og aðstandendur þeirra standa frammi fyrir. Þau halda því reglulega fræðsluerindi víðsvegar um landið. -
,,Slökkviliðið frábær vinnustaður"
Eydís Sigurgeirsdóttir sem hefur unnið hjá Slökkviliði Akureyrar í sjö ár, er i viðtali á Fb síðu Akureyrarbæjar í dag undir liðnum Akureyringur Vikunnar. Eydís kláraði bráðatækninám, ásamt samstarfskonu sinni Bryndísi Elvu Bjarnadóttur, frá NMETC í Massachusetts í febrúar.