Skyndilausnir eða ábyrgð gagnvart framtíð
Edward H. Huijbens
Það er mannlegt að vilja huga að stundarhag og leysa aðsteðjandi vanda með því sem virðist hendi næst. Það er einnig mannlegt að geta hugsað fram í tímann og áttað sig á afleiðingum gjörða sinna fyrir eigin framtíð og jafnvel komandi kynslóða.
Þessir tveir mannlegu eiginleikar takast nú á í aðdraganda komandi alþingiskosninga. Fólki er boðið uppá lausnir sem sagðar eru eiga að leysa greiðlega aðsteðjandi vanda er snýr að skuldum heimila. Þeir sem fyrir þeim tala segja að þetta muni engan kosta og engar afleiðingar hafa. Það er hinsvegar svo að allar okkar gjörðir hafa afleiðingar og vísast er að afnám verðtryggingar með einu pennastriki og/eða niðurfærsla skulda mun koma úr vasa einhverra síðar. Þetta er engu að síður verkefnið. Framundan blasir við að færa þarf fé úr einum vasa yfir í annan, um það verður tekist á næsta kjörtímabili. Þá verður að gæta þess að eiga fé til að byggja innviði samfélagsins, velferðaþjónustu og menntun. Annars mun skyndilausn á skuldavanda koma niður á börnum okkar og okkur sjálfum í ellinni. Verðtrygging þjónar vissulega tilteknum hópi fjármagnseigenda í dag, en þeir eru reyndar helst lífeyrissjóðirnir og ríkið. Hlutverk beggja er að standa vörð um samfélag framtíðarinnar og við ættum að vanda okkur sérstaklega áður en við rýrum getu þeirra til þess, fyrst og fremst sjálfra okkar vegna.
Nú skal ekki kastað rýrð á vanda heimila. Það er óumdeilt að ráðstöfunartekjur millistéttarheimila hafa dregist verulega saman á undanförnum fjórum árum og samhliða hefur greiðslubyrði af skuldum aukist. Það er óumdeilt að meðan þeim tekjulægstu hefur sannanlega verið hlíft, og því miður mörgum þeirra tekjuhæstu einnig, hefur millistéttinni blætt. Það er pólitískt mjög dýrt, eins og skoðanakannanir gefa vísbendingu um nú. Það ber hinsvegar að hafa í huga að með neyðarlögunum hefur hruninu í raun verið matað dropa fyrir dropa inn í samfélagið. Í stað þess að taka allan þann skell, sem t.a.m. Kýpverjar eru nú að horfast í augu við, voru settar hér upp ýmsar girðingar sem hafa varið okkur, sérstaklega gegnum gjaldmiðilinn, fyrir því að fá hrunið haustið 2008 yfir okkur á einni nóttu. Þetta skal ekki vanmetið en á móti hefur kvölin dregist á langinn og þolinmæði margra er á þrotum.
Það er þó von. Með jafnvægi í ríkisrekstri sem nú hefur náðst verða til leiðir til að taka á vanda þeirra sem verst eru settir. Þar mun ekki ein leið duga öllum og hugsa verður til langs tíma. Það er óumdeilanlega stórt verkefn. Hinsvegar ber okkur við úrvinnslu þess að taka mið af því hvað framtíðin ber í skauti sér. Ábyrgð gagnvart framtíð okkar er það sem Vinstri græn bjóða kjósendum í komandi alþingiskosningum.
Edward H. Huijbens
Höfundur skipar 3. sætið á lista Vinstri grænna í Norðausturkjördæmi.
Nýjast
-
Brotist inn á vinnusvæði á fjórum stöðum
Fyrr í þessum mánuði var brotist inn á vinnusvæði á fjórum stöðum á Akureyri og stolið þaðan miklu magni af alls konar verkfærum. Þessi mál eru í rannsókn hjá okkur en ekki hefur enn tekist að hafa hendur í hári þjófanna. -
Vonarbrú - Markvissari fjársöfnun til sveltandi fólks á Gaza
„Það bætast nýir félagar við daglega og fyrir það erum við afskaplega þakklát. Ætli við séum ekki orðin um 70 talsins og fer fjölgandi. Við þiggjum að sjálfsögðu frjáls framlög einstaklinga, fyrirtækja og félaga með miklum þökkum, þau eru forsenda þess að við getum hjálpað áfram,“ segir Kristín S. Bjarnadóttir hjúkrunarfræðingur með sérmenntun í líknarhjúkrun, en hún hafði forgöngu um stofnun almannaheillafélagsins Vonarbrúar svo hægt væri að fara í markvissa fjársöfnun til frekari aðstoðar á Gaza svæðinu. -
Meira af rauðu hjörtunum í umferðarljósum
Ásthildur Sturludóttir, bæjarstjóri skrifar á Facebooksíðu sína í morgun og tekur af öll tvímæli með það að rauðu hjörtun fari ekki neitt. Miklar umræður hafa skapast í kjölfar frétta þess eðlis að Vegagerðin hafi sent bréf til skipulagsyfirvalda á Akureyri þar sem þess var farið á leit að umferðarljós Vegagerðarinnar á Akureyri verði færð í sitt upprunalega horft -
Vegagerðin vill ekki sjá rauð hjörtu í þeirra umferðarljósum
Á fundi skipulagsráðs Akureyrar í gær var tekið fyrir bréf sem ráðinu barst þann 11 júní s.l. frá Vegagerðinni þar sem þess er farið ákveðið leik við skipulagsyfirvöld að hjörtun verði fjarlægð úr umferðarljósunum sem Vegagerðin á. -
Hvatningastyrkur Félags íslenskra hjúkrunarfræðinga
Fimm hjúkrunarfræðingar fengu hvatningastyrk á aðalfundi Félags íslenskra hjúkrunarfræðinga sem haldinn var í Reykjavík þann 15. maí, ein þeirra var Elma Rún Ingvarsdóttir, sérfræðingur í barnahjúkrun á Sjúkrahúsinu á Akureyri. -
Tímabært að lækka fasteignaskatt
-segja fulltrúar S- og B-lista, en íbúar og fyrirtæki hafi tekið á sig miklar skattahækkanir í gegnum fasteignaskatt -
Samherji - Baldvin Þorsteinsson tekur við stýrinu
Baldvin Þorsteinsson hefur tekið við sem forstjóri Samherja hf. Þorsteinn Már Baldvinsson, faðir Baldvins, hefur látið af störfum eftir að hafa gegnt starfi forstjóra í 42 ár eða frá stofnun félagsins árið 1983. -
Styttri skóladagur og skráningardagar skila meiri ró og betri líðan í leikskólum
Ný rannsókn sýnir að gjaldfrjáls sex tíma leikskóli og skráningardagar hafa jákvæð áhrif á velferð barna og gæði leikskólastarfs á Akureyri og í Kópavogi. -
Björg EA 7 vígði endurbyggða Torfunefsbryggju á Akureyri
Endurbyggð Torfunefsbryggju við Pollinn á Akureyri var í dag vígð við hátíðalega athöfn. Togari Samherja, Björg EA 7, lagðist að bryggjunni og vígði þar með hið nýja mannvirki.
