Síminn í hóp bakhjarla Driftar EA
Á mynd eru Kristján Þór Júlíusson, stjórnarformaður Driftar EA, Konráð Þór Þórhallsson sölustjóri fyrirtækjasölu hjá Símanum, Ragna Margrét Norðdahl mannauðsstjóri Símans, Sæunn Björk Þorkelsdóttir framkvæmdastjóri fyrirtækjasviðs hjá Símanum og Sesselja I Barðdal, framkvæmdastýra Driftar EA. Mynd aðsend
Sterkt samstarf sem styður við nýsköpun og uppbyggingu atvinnulífs á Norðurlandi
Drift EA og Síminn hafa gert með sér samstarfssamning þar sem Síminn gerist bakhjarl Driftar EA. Með samstarfinu sameinast öflug fyrirtæki með skýra framtíðarsýn um að efla nýsköpun, styrkja tengsl atvinnulífs og skapa vettvang fyrir frumkvöðla og fyrirtæki til vaxtar og þróunar.
Sem bakhjarl mun Síminn styðja við starfsemi Driftar EA og taka virkan þátt í að byggja upp öflugt nýsköpunarumhverfi á Norðurlandi. Samstarfið felur meðal annars í sér stuðning við viðburði, fræðslu og tengslamyndun sem stuðlar að aukinni verðmætasköpun og samkeppnishæfni svæðisins.
„Það skiptir miklu máli fyrir okkur að hafa öfluga bakhjarla sem deila okkar sýn um að efla nýsköpun og skapa aðstæður þar sem hugmyndir geta orðið að veruleika. Stuðningur Símans styrkir starfsemi Driftar EA og gerir okkur kleift að halda áfram að þróa öflugt samfélag frumkvöðla og fyrirtækja á Norðurlandi,“ segir Sesselja Ingibjörg Barðdal, framkvæmdastýra Driftar EA.
Styðja við þróun snjallra lausna sem einfalda og auðga lífið
Hjá Símanum er lögð áhersla á að styðja við framþróun samfélagsins og efla stafræna þróun, nýsköpun og tengingar milli fólks og fyrirtækja um allt land. Með því að gerast bakhjarl Driftar EA vill fyrirtækið leggja sitt af mörkum til að efla atvinnulíf og nýsköpun á landsbyggðinni.
„Við hjá Símanum leggjum áherslu á að styðja verkefni sem skapa tækifæri til vaxtar og nýsköpunar. Okkur er mikilvægt að byggja upp og styrkja margvísleg tengsl sem stuðla að þróun snjallra lausna sem einfalda og auðga lífið. Drift EA hefur á skömmum tíma orðið mikilvægur vettvangur fyrir frumkvöðla og fyrirtæki á Norðurlandi, og við erum stolt af því að taka þátt í þeirri uppbyggingu sem þar fer fram,“ segir Sæunn Björk Þorkelsdóttir, Framkvæmdastjóri Fyrirtækjasviðs Símans.
Samstarfið er liður í áframhaldandi uppbyggingu á öflugu nýsköpunarumhverfi á Norðurlandi þar sem fyrirtæki, frumkvöðlar og samfélag vinna saman að því að skapa ný tækifæri og styrkja samkeppnishæfni svæðisins.
Þetta segir í tilkynningu í morgun
Nýjast
-
Fyrir okkur öll!
Það er stundum talað um „aldursvæn samfélög“ eins og um sé að ræða eitthvað sérstakt verkefni, næstum eins og bæir þurfi að ákveða einn góðan veðurdag að verða vinalegir eldri borgurum. En er það það sem átt er við? Hvað ef gott samfélag er einfaldlega þannig að það hentar öllum, frá fæðingu til grafar? -
Akureyrarlistinn ætlar að taka skýra stefnu í tæknimenntun grunnskólanna
Akureyrarlistinn ætlar að taka skýra stefnu í tæknimenntun grunnskólanna – og fara úr því að vera eftirbátur yfir í að vera í forystu. Í dag er einfaldlega of lítið gert. Nemendur fá ekki næg tækifæri til að þróa færni í þeim tæknigreinum sem skipta máli í nútímasamfélagi. því ætlum við að breyta. -
Flugvöllinn kláran, takk!
Það er stefna ríkisstjórnarinnar að Akureyri vaxi og verði næsta borg Íslands. Til þess að svo megi þá verða, þá verður flugvöllurinn okkar að vera tilbúinn fyrir það hlutverk. Fyrir íbúa, en ekki síður fyrir atvinnulífið. -
Síminn í hóp bakhjarla Driftar EA
Sterkt samstarf sem styður við nýsköpun og uppbyggingu atvinnulífs á Norðurlandi Drift EA og Síminn hafa gert með sér samstarfssamning þar sem Síminn gerist bakhjarl Driftar EA. Með samstarfinu sameinast öflug fyrirtæki með skýra framtíðarsýn um að efla nýsköpun, styrkja tengsl atvinnulífs og skapa vettvang fyrir frumkvöðla og fyrirtæki til vaxtar og þróunar. -
Vorboðarnir ljúfu mættir í flóann
Daníel Annisius aðstoðar framkvæmdastjóri Gentle Giants hvalaferða á Húsavík segir hvalaskoðunarvertíðina fara vel af stað og horfir björtum augum á komandi sumar, enda séu hnúfubakar og steypireiðar farnar að láta sjá sig. -
Þetta krefst mikillar skipulagningar
Kristjana Ómarsdóttir, stundar nám við VMA er á fyrsta ári á íþrótta og lýðheilsubraut. Hún er jafnframt ein af betri hópfimleikakonum landsins, heimasíða VMA settist niður með Kristjönu og kemur afraksturinn hér á eftir. -
Karlalið KA Íslandsmeistarar i blaki annað árið í röð
KA er Íslandsmeistari í blaki karla eftir frábæran sigur á Þrótti Reykjavík eftir oddahrinu í Laugardalshöll, en leikurinn fór fram í gær. Strákarnir kláruðu þar með úrslitaeinvígið 3-1 og hampa Íslandsmeistaratitlinum annað árið í röð! Þetta er í níunda sinn sem karlalið frá KA verður Íslandsmeistari i blaki. -
Skemmdarverk unnin á flötum á Jaðarsvelli
Það var ófögur sjón sem blasti við starfsmönnum GA í morgun þegar þeir fóru út á völl og sáu að miklar skemmdir höfðu verið unnar á nokkrum flötum á Jaðarsvelli. -
Göngugata lokuð fyrir bílaumferð 1. maí – 30. september
Göngugatan verður lokuð fyrir umferð vélknúinna ökutækja frá og með 1. maí. Opið verður fyrir ökutæki með aðföng frá kl. 7-10 alla daga. Aðgengi fyrir P-merkta bíla og ökutæki viðbragðsaðila verður ávallt tryggt. Opnað verður aftur fyrir umferð þann 30. september.
