„Síðasta sveitaballið“ Vonandi skemmtið ykkur vel
Greifarnir hefja 40 ára afmælistúrinn fyrir norðan
Í sumar fagna Greifarnir 40 ára starfsafmæli með sérstakri tónleikaferð um landið undir yfirskriftinni „Síðasta sveitaballið“.
Það er því vel við hæfi að ferðin hefjist fyrir norðan, þar sem saga sveitarinnar á rætur sínar.
Greifarnir eiga uppruna sinn að rekja til Húsavíkur þar sem Viddi, Bjössi, Jón Ingi og Gunni hófu að spila saman á fyrstu árum níunda áratugarins. Þessir fjórir upprunalegu meðlimir eru enn í hljómsveitinni í dag, fjórum áratugum síðar, sem er afar sjaldgæft í íslenskri tónlistarsögu.
Fyrstu tónleikar túrsins verða:
Freyvangur í Eyjafirði – 5. júní
Skúlagarður í Kelduhverfi – 6. júní
Á efnisskránni verða helstu lög Greifanna frá síðustu fjórum áratugum ásamt fjölmörgum lögum sem flestir Íslendingar kunna, syngja með og tengja við góðar minningar.
Samhliða afmælisárinu hafa Greifarnir einnig sent frá sér nýtt lag, „Endalaust sumar“, sem nú er komið út á Spotify og aðrar helstu streymisveitur.
Miðasala á tónleikana er hafin á Tix.is og jafnframt hefur ný heimasíða sveitarinnar, Greifarnir.is, verið opnuð þar sem finna má upplýsingar um tónleikaferðina, sögu sveitarinnar og nýjustu fréttir.
Greifarnir hlakka til að hefja ferðalagið fyrir norðan og hitta Norðlendinga á fyrstu böllunum í „Síðasta sveitaballinu“.
Gömlu lögin. Gömlu minningarnar.
Og vonandi fullt af nýjum líka.
Forðum daga ...
Slóðin hér fyrir neðan leiðir ykkur lesendur góðir á nýja lagið þeirra félaga Endalaust sumar.
https://open.spotify.com/album/7wzyjD0oqPv4e1yvLo6nAX
Nýjast
-
„Síðasta sveitaballið“ Vonandi skemmtið ykkur vel
Í sumar fagna Greifarnir 40 ára starfsafmæli með sérstakri tónleikaferð um landið undir yfirskriftinni „Síðasta sveitaballið“. -
Vel heppnað kvennakvöld Þórs og KA
Kvennakvöld Þórs og KA fór fram um síðustu helgi og heppnaðist afar vel. Við viljum koma á framfæri innilegum þökkum til allra þeirra kvenna sem mættu og gerðu kvöldið að einstökum viðburði. Með þátttöku ykkar og stuðningi styrktuð þið íþróttakonur félaganna og lögðuð mikilvægt lóð á vogarskálarnar fyrir áframhaldandi uppbyggingu í kvennaíþróttum. -
Grýtubakkahreppur - Ný sveitarstjórn tekin til starfa - Þröstur áfram sveitarstjóri
Í gær kom nýkjörin sveitarstjórn Grýtubakkahrepps saman til fyrsta fundar. Á fundinum var Gísli Gunnar Oddgeirsson kjörinn oddviti og Þorgeir Rúnar Finnsson varaoddviti. Þá var á fundinum staðfest ráðning sveitarstjóra, þar verður engin breyting heldur, Þröstur Friðfinnsson var ráðinn áfram, en hann kom til starfa sumarið 2014. -
Tveir starfsmenn sem hafa starfað við VMA frá upphafi hætta störfum
Á starfsmannafundi í VMA sl. miðvikudag, síðasta starfsmannafundi skólaársins, var sex starfsmönnum skólans sem láta af störfum nú í vor sérstaklega þakkað fyrir farsæl störf sín við skólann og þeim færðar gjafir á þessum tímamótum. -
Vilja viðræður um sameiningu
Á aðalfundi Þingiðnar nýverið urðu umræður um sameiningu stéttarfélaga í Þingeyjarsýslum. Áður hafði Fulltrúaráð stéttarfélaganna, sem skipað er fulltrúum frá Þingiðn, Framsýn og Starfsmannafélagi Húsavíkur samþykkt að skora á félögin að taka málið upp og yfirlýsing þess efnis samþykkt. -
Húsavík - Nemendur 5. bekkjar luku námi í Hvalaskólanum
Einn stærsti atvinnuvegur Húsavíkur og Norðurþings er ferðaþjónusta en hún hefur að miklu leyti byggst upp kringum hvalaskoðun á Skjálfandaflóa enda er Húsavík stundum nefnd hvalahöfuðborg Íslands. Þegar atvinnuvegir fá súrefni til að stækka og jafnvel blómstra hefur það oftar en ekki jákvæð keðjuverkandi áhrif. Hvalaskoðun hefur þannig verði lyftistöng fyrir vísindi undirdjúpanna og fóstrar rannsóknir á hvölum og öðru lífríki Skjálfanda. -
Sauðburði að mestu lokið í Grobbholti
Það er óhætt að segja að félagsbúið Grobbholt á Húsavík hafi slegið algjörlega í gegn þetta vorið en sauðburði er að mestu lokið í þessu frægasta sauðfjárbúi undir sólinni. -
Lokaorðið - Lífið er lærdómur
Þegar maður heldur að nú kunni maður allt sem vert er að kunna kippir lífið í mann og minnir á að svo sé nú hreint ekki. Fljótfærni er mér í blóð borin og fljótfærnin varð mér að falli síðasta Uppstigningardag. -
Vísindafólkið okkar – Ragnheiður E. Þorsteinsdóttir Skagfirski stjórnarskrársérfræðingurinn sem spilar á fiðlu
Vísindafólkið okkar er mánaðarleg kynning á rannsakendum Háskólans á Akureyri. Ragnheiður E. Þorsteinsdóttir, lektor við lagadeild, er vísindamanneskja maímánaðar.
