Samstarf um nám í heyrnarfræði mun bæta úr brýnni þörf
Stefán Guðnason forstöðumaður Símenntunar Háskólans á Akureyri, Willum Þór Þórsson fyrrverandi heilbrigðisráðherra og Kristján Sverrisson framkvæmdastjóri Heyrnar- og talmeinastöðvar Íslands undirrita samningin Myndir aðsendar
„Við erum virkilega stolt af þessu samstarfi og teljum að við höfum sýnt það í verki að vandamál þurfa ekki að vera óyfirstíganleg,“ segir Stefán Guðnason forstöðumaður Símenntunar Háskólans á Akureyri, en nám í heyrnarfræði hófst í fyrrahaust í fjarnámi frá Örebro háskólanum í Svíþjóð í samstarfi við Símenntun Háskólans á Akureyri og Heyrnar- og talmeinastöð Íslands. Þetta var í fyrsta sinn sem námið er í boði á Íslandi. Einn nemandi hóf nám í fyrrahaust en nú ári síðar eru þeir átta. „Það er gott að fara örlítið út fyrir kassann, það getur leitt til skemmtilegra hluta.“
Mikil eftirspurn eftir þjónustunni
Stefán segir að við hafi blasað slæm staða hér á landi. Heyrnarfræði hefur ekki verið kennd á Íslandi og því hafa þeir sem það stunda farið til ýmissa landa til að ná sér í gráðu í heyrnarfræði. „Það eru fáir heyrnarfræðingar að störfum hér og því hafa myndast mjög langir biðlistar, enda er eftirspurn eftir þjónustunni mikil og á eflaust eftir að aukast frekar en hitt. Það var ljóst að við svo búið yrði ekki unað og leita þyrfti lausna til að ráða fram úr þessum vanda,“ segir hann, en leitað var til Símenntunar Háskólans á Akureyri sem þegar tók málið til skoðunar.
Stefán Guðnason
Góð lausn
Stefán segir að leit að háskóla sem kenndi heyrnarfræði og væri tilbúinn til samstarfs hefði leitt til þess að samningur var gerður við Örebro háskóla, eftir ábendingu frá starfsmanni HTI sem hafði verið þar í skóla. Námið fór hægt en vel af stað. Það er sett upp sem blandað fjarnám og er samþykkt af heilbrigðisráðuneytinu. Verklegt nám fer fram á Heyrnar- og talmeinastöðinni í Reykjavík. „Þetta er góð lausn, því ljóst er að aldrei hefði verið hægt að setja upp slíkt nám hér á landi vegna mikils kostnaðar.“
Auk þess sem Íslendingum býðst að læra heyrnarfræði í fjarnámi við Háskólann í Örebro eru þar einnig nemendur frá norðanverðri Svíþjóð. Aðrir nemar eru í staðarnámi.
Áhugi fyrir hendi
Stefán segir að greinilegt sé að áhugi sé fyrir náminu, en um 40 manns sendu inn umsókn nú fyrir haustið 2025 og fengu 8 skólavist. „Það eru miklar vonir bundnar við að þetta samstarf leiði til þess að takist að manna betur stöður heyrnarfræðinga í nánustu framtíð, enda ekki vanþörf á, það er mikil uppsöfnuð þörf fyrir fleiri heyrnarfræðinga hér á landi.“
Nýjast
-
Tafir á skýrslu vegna lokunnar austur-vestur flugbrautar Reykjavíkurflugvallar.
Í gær 20.september voru liðnir sjö mánuðir frá að ósk níu þingmanna um að samgöngu- og sveitarstjórnarráðherra ynni skýrslu vegna lokunnar austur- vestur flugbrautar Reykjavíkurflugvallar var samþykkt á Alþingi. Vegna þessara miklu tafa sem hafa orðið á afhendingu skýrslunnar og nú þegar nýtt þing er hafið þarf á nýjan leik að leggja fram beiðni um að þessi skýrsla sé unnin. -
Svalbarðsstrandahreppur Nýtt útivistasvæði neðan Gróðurreits
Svalbarðsstrandarhreppur vinnur nú að því að koma upp glæsilegu útivistarsvæði neðan Gróðurreits. Markmiðið er að skapa skemmtilegan samkomustað fyrir íbúa og gesti, þar sem allir geta notið útiveru og samveru í fallegu umhverfi. -
Samstarf um nám í heyrnarfræði mun bæta úr brýnni þörf
„Við erum virkilega stolt af þessu samstarfi og teljum að við höfum sýnt það í verki að vandamál þurfa ekki að vera óyfirstíganleg,“ segir Stefán Guðnason forstöðumaður Símenntunar Háskólans á Akureyri, en nám í heyrnarfræði hófst í fyrrahaust í fjarnámi frá Örebro háskólanum í Svíþjóð í samstarfi við Símenntun Háskólans á Akureyri og Heyrnar- og talmeinastöð Íslands. Þetta var í fyrsta sinn sem námið er í boði á Íslandi. Einn nemandi hóf nám í fyrrahaust en nú ári síðar eru þeir átta. „Það er gott að fara örlítið út fyrir kassann, það getur leitt til skemmtilegra hluta.“ -
Götuhornið - Eru sjálfboðaliðar að deyja út?
Á götuhorninu var verið að ræða um sjálfboðaliða, til máls tók kona sem eiginlega las okkur hinum pistilinn! -
Grisjunarviður nýttur til að reisa snjósöfnunargirðingar í Hlíðarfjalli
„Við höfum núna í haust verið að vinna trjáboli sem til féllu við grisjun sumarsins í Kjarnaskógi. Sumt af efninu nýtist til kurl- og eldiviðarframleiðslu en besta efnið er nýtt til framleiðslu á hvers konar borðviði,“ segir Ingólfur Jóhannsson framkvæmdastjóri Skógræktarfélags Eyfirðinga. -
Safna undirskriftum fyrir Kisukot
„Það eru kettir hér í bænum sem þyrfti að ná inn fyrir veturinn, en ég hef ekki reynt að ná þeim enda var planið hjá mér að sinna ekki þeim skyldum sem hvíla á Akureyrarbæ. Það hefur reynst ansi erfitt því fólk er mjög oft að senda mér ábendingar um ketti í bæjarlandinu,“ segir Ragnheiður Gunnarsdóttir hjá Kisukoti. -
Októberfest í handverksbrugghúsum á Norðurlandi eystra!
„Það verður óvenju mikið um októberfest-dýrðir í landshlutanum á næstu vikum og mega Norðlendingar búast við dirndlum, leðurhosum, þýskum polkum, októberfest snarli og svo auðvitað eðal bjór frá frumkvöðlum beint úr héraði,“ segir Erla Dóra Vogler úr Tríó Akureyrar, en nú á næstunni er fyrirhugað að efna til viðburða í samvinnu við þrjú handverksbrugghús á norðanverðu landinu, en þau eru Segull á Siglufirði, Bruggsmiðjan Kaldi á Árskógssandi og Mývatn öl í Þingeyjarsveit. -
Stefna kynnir í dag uppfærða ásýnd og nýtt ráðgjafasvið
Stefna kynnir í dag uppfærða ásýnd og nýtt ráðgjafasvið. Með þeirri breytingu er aukin áhersla á ráðgjöf í stafrænum lausnum, byggt á yfir 20 ára reynslu í hugbúnaðargerð og ráðgjöf. Með þeirri breytingu er aukin áhersla á ráðgjöf í stafrænum lausnum, byggt á yfir 20 ára reynslu í hugbúnaðargerð og ráðgjöf. -
Fjölmenni fagnaði 25 ára afmæli Norðurorku
Það var heilmikið um að vera hjá Norðurorku síðastliðinn laugardag en þá fór fram formleg opnun á hreinsistöð fráveitu auk þess sem afmælishátíð var haldin á Rangárvöllum í tilefni af 25 ára afmæli Norðurorku.