Samstarf um diplóma- og MA nám í fjölmiðla- og boðskiptafræði innsiglað
Sigrún Stefánsdóttir, forseti hug- og félagsvísindasviðs Háskólans á Akureyri og Daði Már Kristófersson, forseti hug- og félagsvísindasviðs Háskóla Íslands skrifuðu undir samninginn að viðstöddum Eyjólfi Guðmundssyni, rektor HA. Mynd: EPE
Samningur um sameiginlegt nám í fjölmiðla- og boðskiptafræði við félagsvísindasvið Háskóla Íslands og hug – og félagsvísindasvið Háskólans á Akureyri var formlega undirritaður á Akureyri í morgun. Um er að ræða samning sem innsiglar samstarf skólanna um diplóma og meistaranám á þessu sviði. Í samningnum segir að markmið hans sé að stuðla að „vandaðri menntun og rannsóknum í fjölmiðla- og boðskiptafræðum“. Undirskrift þessi kemur í kjölfar þess að nokkur reynsla hefur fengist af þessu sameiginlega námi, en námsframboð þetta var boðið sl. haust og hafa milli 15 -20 nemendur verið skráðir í það í vetur. 
Fram kom við undirskriftina að góður rómur hefur verið gerður að náminu hjá nemendum og jafnframt hafa kennarar beggja skóla fagnað þessum samstarfsvettvangi, enda stuðli hann jafnframt að rannsóknarsamstarfi. Til marks um það má nefna að samhliða þessu sameiginlega námsframboði er verið að setja upp Rannsóknarstofnun um fjölmiðla og boðskipti, þar sem þessir tveir háskólar hafa fengið til liðs við sig ýmsa aðila sem tengjast fjölmiðlum í því skyni að skapa vettvang til ýmis konar rannsókna og ráðstefnuhalds. Við athöfnina í morgun var jafnframt undirrituð viljayfirlýsing skólanna um rannsóknarsamstarf á þessum vettvangi.
Það voru þau Sigrún Stefánsdóttir, forseti hug- og félagsvísindasviðs Háskólans á Akureyri og Daði Már Kristófersson, forseti hug- og félagsvísindasviðs Háskóla Íslands sem skrifuðu undir samninginn að viðstöddum Eyjólfi Guðmundssyni, rektor HA.
Daði Már hafði orð á því við undirritunina að samstarfið við Háskólann á Akureyri hafi gengið vel hingað til og að slíkt væri alls ekki sjálfgefið. „Samstarfið við Háskólann á Akureyri hefur eingöngu verið ánægjulegt og sýnir hvað það er mikilvægt að íslenskar stofnanir vinni saman,“ sagði hann. /EPE
Nýjast
-
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí.